יום חמישי
י"ח אדר ב' התשפ"ד
יום חמישי
י"ח אדר ב' התשפ"ד

חיפוש בארכיון

שיעור 47, ספר יהושע, פרק כא, א-ח

 

א וַֽיִּגְּשׁ֗וּ רָאשֵׁי֙ אֲב֣וֹת הַלְוִיִּ֔ם אֶל־אֶלְעָזָר֙ הַכֹּהֵ֔ן וְאֶל־יְהוֹשֻׁ֖עַ בִּן־נ֑וּן וְאֶל־רָאשֵׁ֛י אֲב֥וֹת הַמַּטּ֖וֹת לִבְנֵ֥י יִשְׂרָאֵֽל׃ ב וַיְדַבְּר֨וּ אֲלֵיהֶ֜ם בְּשִׁלֹ֗ה בְּאֶ֤רֶץ כְּנַ֨עַן֙ לֵאמֹ֔ר ה֙' צִוָּ֣ה בְיַד־מֹשֶׁ֔ה לָֽתֶת־לָ֥נוּ עָרִ֖ים לָשָׁ֑בֶת וּמִגְרְשֵׁיהֶ֖ן לִבְהֶמְתֵּֽנוּ׃ ג וַיִּתְּנ֨וּ בְנֵֽי־יִשְׂרָאֵ֧ל לַלְוִיִּ֛ם מִנַּֽחֲלָתָ֖ם אֶל־פִּ֣י ה֑' אֶת־הֶֽעָרִ֥ים הָאֵ֖לֶּה וְאֶת־מִגְרְשֵׁיהֶֽן׃ ד וַיֵּצֵ֥א הַגּוֹרָ֖ל לְמִשְׁפְּחֹ֣ת הַקְּהָתִ֑י וַיְהִ֡י לִבְנֵי֩ אַֽהֲרֹ֨ן הַכֹּהֵ֜ן מִן־הַלְוִיִּ֗ם מִמַּטֵּ֣ה יְ֠הוּדָה וּמִמַּטֵּ֨ה הַשִּׁמְעֹנִ֜י וּמִמַּטֵּ֤ה בִנְיָמִן֙ בַּגּוֹרָ֔ל עָרִ֖ים שְׁלֹ֥שׁ עֶשְׂרֵֽה׃ ה וְלִבְנֵ֨י קְהָ֜ת הַנּֽוֹתָרִ֗ים מִמִּשְׁפְּחֹ֣ת מַטֵּֽה־אֶ֠פְרַיִם וּֽמִמַּטֵּה־דָ֞ן וּמֵֽחֲצִ֨י מַטֵּ֧ה מְנַשֶּׁ֛ה בַּגּוֹרָ֖ל עָרִ֥ים עָֽשֶׂר׃ ו וְלִבְנֵ֣י גֵֽרְשׁ֗וֹן מִמִּשְׁפְּח֣וֹת מַטֵּֽה־יִשָּׂשכָ֣ר וּמִמַּטֵּֽה־אָ֠שֵׁר וּמִמַּטֵּ֨ה נַפְתָּלִ֜י וּ֠מֵֽחֲצִי מַטֵּ֨ה מְנַשֶּׁ֤ה בַבָּשָׁן֙ בַּגּוֹרָ֔ל עָרִ֖ים שְׁלֹ֥שׁ עֶשְׂרֵֽה׃ ז לִבְנֵ֨י מְרָרִ֜י לְמִשְׁפְּחֹתָ֗ם מִמַּטֵּ֨ה רְאוּבֵ֤ן וּמִמַּטֵּה־גָד֙ וּמִמַּטֵּ֣ה זְבוּלֻ֔ן עָרִ֖ים שְׁתֵּ֥ים עֶשְׂרֵֽה׃ ח וַיִּתְּנ֤וּ בְנֵֽי־יִשְׂרָאֵל֙ לַלְוִיִּ֔ם אֶת־הֶֽעָרִ֥ים הָאֵ֖לֶּה וְאֶת־מִגְרְשֵׁיהֶ֑ן כַּֽאֲשֶׁ֨ר צִוָּ֧ה ה֛' בְּיַד־מֹשֶׁ֖ה בַּגּוֹרָֽל׃

 

֍           ֍            ֍

 

(א) וַיִּגְּשׁוּ רָאשֵׁי אֲבוֹת הַלְוִיִּם אֶל אֶלְעָזָר הַכֹּהֵן, וְאֶל יְהוֹשֻׁעַ בִּן נוּן, וְאֶל רָאשֵׁי אֲבוֹת הַמַּטּוֹת לִבְנֵי יִשְׂרָאֵל:

(ב) וַיְדַבְּרוּ אֲלֵיהֶם בְּשִׁלֹה בְּאֶרֶץ כְּנַעַן לֵאמֹר, ה' צִוָּה בְיַד מֹשֶׁה, לָתֶת לָנוּ עָרִים לָשָׁבֶת, וּמִגְרְשֵׁיהֶן יהיו לִבְהֶמְתֵּנוּ, ואמנם כיון שנאמר שם (במדבר לה ו) 'וְאֵת הֶעָרִים אֲשֶׁר תִּתְּנוּ לַלְוִיִּם, אֵת שֵׁשׁ עָרֵי הַמִּקְלָט אֲשֶׁר תִּתְּנוּ לָנֻס שָׁמָּה הָרֹצֵחַ, וַעֲלֵיהֶם תִּתְּנוּ אַרְבָּעִים וּשְׁתַּיִם עִיר', הרי משמעות הלשון היא שתחילה יש להפריש את שש ערי המקלט, ורק אחר כך לתת להם ארבעים ושתים ערים נוספות, ולכן המתינו הלויים עד עתה, ורק לאחר שהפרישו ישראל את שלשת ערי המקלט הנוספים, באו לבקש את ארבעים ושתים הערים שציותה התורה לתת להם.

(ג) וַיִּתְּנוּ בְנֵי יִשְׂרָאֵל לַלְוִיִּם מִנַּחֲלָתָם, אֶל פִּי ה', אֶת הֶעָרִים הָאֵלֶּה וְאֶת מִגְרְשֵׁיהֶן:

(ד) וכדי לדעת באיזה מקום תקבל כל משפחה ממשפחות הכהנים והלויים את חלקה, עשו תחילה גורל כללי בין כל משפחה משבט לוי באיזה שבטים תהיינה עריהם, ואחר כך קבע יהושע לפי חשבונו איזה שבט יתן מעריו, לפי ריבוי או מיעוט האוכלוסים שבו, וכמו שנאמר בתורה (במדבר לה ח) 'וְהֶעָרִים אֲשֶׁר תִּתְּנוּ מֵאֲחֻזַּת בְּנֵי יִשְׂרָאֵל, מֵאֵת הָרַב תַּרְבּוּ וּמֵאֵת הַמְעַט תַּמְעִיטוּ, אִישׁ כְּפִי נַחֲלָתוֹ אֲשֶׁר יִנְחָלוּ יִתֵּן מֵעָרָיו לַלְוִיִּם', וַיֵּצֵא הַגּוֹרָל תחילה לְמִשְׁפְּחֹת הַקְּהָתִי, וַיְהִי לִבְנֵי אַהֲרֹן הַכֹּהֵן מִן הַלְוִיִּם – עלה תחילה הגורל לכהנים, שהם ממשפחת קהת, שיקחו את עריהם מִמַּטֵּה יְהוּדָה, וּמִמַּטֵּה הַשִּׁמְעֹנִי, וּמִמַּטֵּה בִנְיָמִן, בַּגּוֹרָל, עָרִים שְׁלֹשׁ עֶשְׂרֵה׃

(ה) וְלִבְנֵי קְהָת הַנּוֹתָרִים – ולשאר בני קהת, שאינם מזרע אהרן הכהן, והם לוויים, עלה הגורל שיקבלו את עריהם מִמִּשְׁפְּחֹת מַטֵּה אֶפְרַיִם, וּמִמַּטֵּה דָן, וּמֵחֲצִי מַטֵּה מְנַשֶּׁה, בַּגּוֹרָל, עָרִים עָשֶׂר׃

(ו) וְלִבְנֵי גֵרְשׁוֹן הלוויים, עלה בגורל שיטלו חלקם מִמִּשְׁפְּחוֹת מַטֵּה יִשָּׂשכָר, וּמִמַּטֵּה אָשֵׁר, וּמִמַּטֵּה נַפְתָּלִי, וּמֵחֲצִי מַטֵּה מְנַשֶּׁה בַבָּשָׁן, שבעבר הירדן המזרחי, עלו בַּגּוֹרָל עָרִים שְׁלֹשׁ עֶשְׂרֵה׃

(ז) לִבְנֵי מְרָרִי לְמִשְׁפְּחֹתָם, עלה בגורל שיטלו את עריהם מִמַּטֵּה רְאוּבֵן וּמִמַּטֵּה גָד שבעבר הירדן המזרחי, וּמִמַּטֵּה זְבוּלֻן, עָרִים שְׁתֵּים עֶשְׂרֵה׃

(ח) וַיִּתְּנוּ בְנֵי יִשְׂרָאֵל לַלְוִיִּם אֶת הֶעָרִים הָאֵלֶּה וְאֶת מִגְרְשֵׁיהֶן, כַּאֲשֶׁר צִוָּה ה' בְּיַד מֹשֶׁה, בַּגּוֹרָל׃

 

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)