כא וַיִּשְׁלַח֙ יְשַֽׁעְיָ֣הוּ בֶן־אָמ֔וֹץ אֶל־חִזְקִיָּ֖הוּ לֵאמֹ֑ר כֹּֽה־אָמַ֤ר ה֙' אֱלֹהֵ֣י יִשְׂרָאֵ֔ל אֲשֶׁר֙ הִתְפַּלַּ֣לְתָּ אֵלַ֔י אֶל־סַנְחֵרִ֖יב מֶ֥לֶךְ אַשּֽׁוּר׃ כב זֶ֣ה הַדָּבָ֔ר אֲשֶׁר־דִּבֶּ֥ר ה֖' עָלָ֑יו בָּזָ֨ה לְךָ֜ לָֽעֲגָ֣ה לְךָ֗ בְּתוּלַת֙ בַּת־צִיּ֔וֹן אַֽחֲרֶ֨יךָ֙ רֹ֣אשׁ הֵנִ֔יעָה בַּ֖ת יְרֽוּשָׁלִָֽם׃ כג אֶת־מִ֤י חֵרַ֨פְתָּ֙ וְגִדַּ֔פְתָּ וְעַל־מִ֖י הֲרִימ֣וֹתָה קּ֑וֹל וַתִּשָּׂ֥א מָר֛וֹם עֵינֶ֖יךָ אֶל־קְד֥וֹשׁ יִשְׂרָאֵֽל׃ כד בְּיַ֣ד עֲבָדֶיךָ֮ חֵרַ֣פְתָּ ׀ אֲדֹנָי֒ וַתֹּ֗אמֶר בְּרֹ֥ב רִכְבִּ֛י אֲנִ֥י עָלִ֛יתִי מְר֥וֹם הָרִ֖ים יַרְכְּתֵ֣י לְבָנ֑וֹן וְאֶכְרֹ֞ת קוֹמַ֤ת אֲרָזָיו֙ מִבְחַ֣ר בְּרֹשָׁ֔יו וְאָבוֹא֙ מְר֣וֹם קִצּ֔וֹ יַ֖עַר כַּרְמִלּֽוֹ׃
֍֍֍
(כא) וַיִּשְׁלַח יְשַׁעְיָהוּ בֶן אָמוֹץ אֶל חִזְקִיָּהוּ לֵאמֹר, כֹּה אָמַר ה' אֱלֹהֵי יִשְׂרָאֵל, שמעתי את אֲשֶׁר הִתְפַּלַּלְתָּ אֵלַי (-למען כבוד שמי) אֶל סַנְחֵרִיב מֶלֶךְ אַשּׁוּר.
(כב) זֶה הַדָּבָר אֲשֶׁר דִּבֶּר ה' עָלָיו, בָּזָה לְךָ, לָעֲגָה לְךָ על חירופיך וגידופיך, בְּתוּלַת בַּת צִיּוֹן (מצודת ציון, שהיא עיר דוד, מכונה 'בתולה' כיון שמעולם לא נכבשה), אַחֲרֶיךָ רֹאשׁ הֵנִיעָה, בדרך לעג וזלזול, בַּת יְרוּשָׁלִָם, היודעת שכאן תהיה מפלתך.
(כג) אֶת מִי חֵרַפְתָּ וְגִדַּפְתָּ, וְעַל מִי הֲרִימוֹתָה קּוֹל, לפרסם את דבריך, והרי לא היתה כוונתך רק להשמיע את הדברים אל העם, אלא וַתִּשָּׂא מָרוֹם עֵינֶיךָ, אֶל קְדוֹשׁ יִשְׂרָאֵל.
(כד) הלא בְּיַד עֲבָדֶיךָ חֵרַפְתָּ אֲדֹנָי, והמשיל זאת כאילו סביב ה' יש הרים גדולים, ועליהם יער גדול של ארזים וברושים, וַתֹּאמֶר בליבך, בְּרֹב רִכְבִּי אֲנִי עָלִיתִי מְרוֹם הָרִים, והגעתי ליַרְכְּתֵי יער הלְבָנוֹן, וְאֶכְרֹת קוֹמַת אֲרָזָיו, מִבְחַר בְּרֹשָׁיו, וְאָבוֹא מְרוֹם קִצּוֹ, – עד שהגעתי לקץ הגובה, ששם הוא יַעַר כַּרְמִלּוֹ – היער המובחר ביותר.
