יום שבת
י"א כסלו התשפ"ז

חיפוש בארכיון

שיעור 142, ספר ירמיהו, פרק כד, א-ז

פרק כד א הִרְאַנִי֮ יְהוָה֒ וְהִנֵּ֗ה שְׁנֵי֙ דּֽוּדָאֵ֣י תְאֵנִ֔ים מֽוּעָדִ֕ים לִפְנֵ֖י הֵיכַ֣ל יְהוָ֑ה אַֽחֲרֵ֣י הַגְל֣וֹת נְבֽוּכַדְרֶאצַּ֣ר מֶֽלֶךְ־בָּבֶ֡ל אֶת־יְכָנְיָ֣הוּ בֶן־יְהֽוֹיָקִ֣ים מֶֽלֶךְ־יְהוּדָה֩ וְאֶת־שָׂרֵ֨י יְהוּדָ֜ה וְאֶת־הֶֽחָרָ֤שׁ וְאֶת־הַמַּסְגֵּר֙ מִיר֣וּשָׁלִַ֔ם וַיְבִאֵ֖ם בָּבֶֽל׃ ב הַדּ֣וּד אֶחָ֗ד תְּאֵנִים֙ טֹב֣וֹת מְאֹ֔ד כִּתְאֵנֵ֖י הַבַּכֻּר֑וֹת וְהַדּ֣וּד אֶחָ֗ד תְּאֵנִים֙ רָע֣וֹת מְאֹ֔ד אֲשֶׁ֥ר לֹֽא־תֵאָכַ֖לְנָה מֵרֹֽעַ׃ ג וַיֹּ֨אמֶר יְהוָ֜ה אֵלַ֗י מָֽה־אַתָּ֤ה רֹאֶה֙ יִרְמְיָ֔הוּ וָֽאֹמַ֖ר תְּאֵנִ֑ים הַתְּאֵנִ֤ים הַטֹּבוֹת֙ טֹב֣וֹת מְאֹ֔ד וְהָֽרָעוֹת֙ רָע֣וֹת מְאֹ֔ד אֲשֶׁ֥ר לֹֽא־תֵאָכַ֖לְנָה מֵרֹֽעַ׃ ד וַיְהִ֥י דְבַר־יְהוָ֖ה אֵלַ֥י לֵאמֹֽר׃ ה כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל כַּתְּאֵנִ֥ים הַטֹּב֖וֹת הָאֵ֑לֶּה כֵּֽן־אַכִּ֞יר אֶת־גָּל֣וּת יְהוּדָ֗ה אֲשֶׁ֨ר שִׁלַּ֜חְתִּי מִן־הַמָּק֥וֹם הַזֶּ֛ה אֶ֥רֶץ כַּשְׂדִּ֖ים לְטוֹבָֽה׃ ו וְשַׂמְתִּ֨י עֵינִ֤י עֲלֵיהֶם֙ לְטוֹבָ֔ה וַהֲשִֽׁבֹתִ֖ים עַל־הָאָ֣רֶץ הַזֹּ֑את וּבְנִיתִים֙ וְלֹ֣א אֶֽהֱרֹ֔ס וּנְטַעְתִּ֖ים וְלֹ֥א אֶתּֽוֹשׁ׃ ז וְנָֽתַתִּי֩ לָהֶ֨ם לֵ֜ב לָדַ֣עַת אֹתִ֗י כִּ֚י אֲנִ֣י יְהוָ֔ה וְהָֽיוּ־לִ֣י לְעָ֔ם וְאָ֣נֹכִ֔י אֶֽהְיֶ֥ה לָהֶ֖ם לֵֽאלֹהִ֑ים כִּֽי־יָשֻׁ֥בוּ אֵלַ֖י בְּכָל־לִבָּֽם׃

 

֍֍֍

פרק כד (א) הִרְאַנִי ה', וְהִנֵּה שְׁנֵי דּוּדָאֵי (-דּוּדֵי) תְאֵנִים, מוּעָדִים – מזומנים ומוכנים לִפְנֵי הֵיכַל ה', אַחֲרֵי הַגְלוֹת נְבוּכַדְרֶאצַּר מֶלֶךְ בָּבֶל אֶת הגלות הראשונה של יְכָנְיָהוּ בֶן יְהוֹיָקִים מֶלֶךְ יְהוּדָה, וְאֶת שָׂרֵי יְהוּדָה, וְאֶת הֶחָרָשׁ וְאֶת הַמַּסְגֵּר מִירוּשָׁלִַם, וַיְבִאֵם בָּבֶל, והיה זה קודם הגלות השניה והאחרונה של צדקיהו המלך, וחורבן בית המקדש.

(ב) הַדּוּד אֶחָד היו בו תְּאֵנִים טֹבוֹת מְאֹד, כִּתְאֵנֵי הַבַּכֻּרוֹת – כתאנים הראשונות הנלקטות מהעץ בזמן, שאז הן משובחות ביותר, וְהַדּוּד אֶחָד היו בו תְּאֵנִים רָעוֹת מְאֹד, אֲשֶׁר לֹא תֵאָכַלְנָה מֵרֹעַ.

(ג) וַיֹּאמֶר ה' אֵלַי, מָה אַתָּה רֹאֶה יִרְמְיָהוּ, וָאֹמַר, תְּאֵנִים, הַתְּאֵנִים הַטֹּבוֹת טֹבוֹת מְאֹד, ולא רק ביחס לתאנים אחרות, אלא מצד עצמן הן טובות מאד, וְהָרָעוֹת, רָעוֹת מְאֹד, ולא רק ביחס לאחרות, אֲשֶׁר לֹא תֵאָכַלְנָה מֵרֹעַ.

(ד) וַיְהִי דְבַר ה' אֵלַי לֵאמֹר.

(ה) כֹּה אָמַר ה' אֱלֹהֵי יִשְׂרָאֵל, כַּתְּאֵנִים הַטֹּבוֹת הָאֵלֶּה, שנלקטו בזמן הראוי להם, כֵּן אַכִּיר אֶת גָּלוּת יְהוּדָה אֲשֶׁר שִׁלַּחְתִּי מִן הַמָּקוֹם הַזֶּה אל אֶרֶץ כַּשְׂדִּים, כך אותם אכיר לְטוֹבָה על ידי ששלחתים לשם.

(ו) וְשַׂמְתִּי עֵינִי עֲלֵיהֶם לְטוֹבָה, שתהיה השגחתי עליהם בטובה בגלותם, וַהֲשִׁבֹתִים עַל הָאָרֶץ הַזֹּאת בימי כורש, וּבְנִיתִים במלכות וְלֹא אֶהֱרֹס, וּנְטַעְתִּים בישוב הארץ, וְלֹא אֶתּוֹשׁ.

(ז) וְנָתַתִּי לָהֶם לֵב לָדַעַת אֹתִי כִּי אֲנִי ה', וְהָיוּ לִי לְעָם, וְאָנֹכִי אֶהְיֶה לָהֶם לֵאלֹהִים, כִּי על ידי הגלות יָשֻׁבוּ אֵלַי בְּכָל לִבָּם.

 

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)

האם "זמני היום" באתר יועילו לך?