שיעור 212, ספר ירמיהו, פרק לז, ו-י

ו וַֽיְהִי֙ דְּבַר־יְהוָ֔ה אֶל־יִרְמְיָ֥הוּ הַנָּבִ֖יא לֵאמֹֽר׃ ז כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל כֹּ֚ה תֹֽאמְרוּ֙ אֶל־מֶ֣לֶךְ יְהוּדָ֔ה הַשֹּׁלֵ֧חַ אֶתְכֶ֛ם אֵלַ֖י לְדָרְשֵׁ֑נִי הִנֵּ֣ה ׀ חֵ֣יל פַּרְעֹ֗ה הַיֹּצֵ֤א לָכֶם֙ לְעֶזְרָ֔ה שָׁ֥ב לְאַרְצ֖וֹ מִצְרָֽיִם׃ ח וְשָׁ֨בוּ֙ הַכַּשְׂדִּ֔ים וְנִלְחֲמ֖וּ עַל־הָעִ֣יר הַזֹּ֑את וּלְכָדֻ֖הָ וּשְׂרָפֻ֥הָ בָאֵֽשׁ׃ ט כֹּ֣ה ׀ אָמַ֣ר יְהוָ֗ה אַל־תַּשִּׁ֤אוּ נַפְשֹֽׁתֵיכֶם֙ לֵאמֹ֔ר הָלֹ֛ךְ יֵֽלְכ֥וּ מֵֽעָלֵ֖ינוּ הַכַּשְׂדִּ֑ים כִּי־לֹ֖א יֵלֵֽכוּ׃ י כִּ֣י אִם־הִכִּיתֶ֞ם כָּל־חֵ֤יל כַּשְׂדִּים֙ הַנִּלְחָמִ֣ים אִתְּכֶ֔ם וְנִ֨שְׁאֲרוּ־בָ֔ם אֲנָשִׁ֖ים מְדֻקָּרִ֑ים אִ֤ישׁ בְּאָֽהֳלוֹ֙ יָק֔וּמוּ וְשָׂ֥רְפ֛וּ אֶת־הָעִ֥יר הַזֹּ֖את בָּאֵֽשׁ׃

֍֍ ֍

(ו) וַיְהִי דְּבַר ה' אֶל יִרְמְיָהוּ הַנָּבִיא, לֵאמֹר.

(ז) כֹּה אָמַר ה' אֱלֹהֵי יִשְׂרָאֵל, כֹּה תֹאמְרוּ אֶל צדקיהו מֶלֶךְ יְהוּדָה, הַשֹּׁלֵחַ אֶתְכֶם אֵלַי לְדָרְשֵׁנִי, אל תסמוך על כך שחיל פרעה ילחמו בחיל הכשדים, כי הִנֵּה אני מודיעך שחֵיל פַּרְעֹה הַיֹּצֵא לָכֶם לְעֶזְרָה, לא הצליח במלחמתו, ושָׁב לְאַרְצוֹ מִצְרָיִם.

(ח) ואל תחשבו שמתוך המלחמה הסתלקו הכשדים לארצם, אלא וְשָׁבוּ הַכַּשְׂדִּים וְנִלְחֲמוּ עַל הָעִיר הַזֹּאת, וּלְכָדֻהָ, וּשְׂרָפֻהָ בָאֵשׁ.

(ט) ולא תחשבו שלכל הפחות כעת יעזבו הכשדים את העיר, וישובו רק לאחר זמן, כי כֹּה אָמַר ה', אַל תַּשִּׁאוּ (-אל תפתו את) נַפְשֹׁתֵיכֶם לֵאמֹר, הָלֹךְ יֵלְכוּ מֵעָלֵינוּ הַכַּשְׂדִּים, וישובו לאחר זמן, כִּי לֹא יֵלֵכוּ, אלא עתה ימשיכו את המלחמה על העיר.

(י) ולהגדיל את חוזק הגזירה הוסיף ואמר דרך מליצה, כִּי גם אִם הִכִּיתֶם את כָּל חֵיל כַּשְׂדִּים הַנִּלְחָמִים אִתְּכֶם, וְנִשְׁאֲרוּ בָם רק אֲנָשִׁים מְדֻקָּרִים אִישׁ בְּאָהֳלוֹ, הרי שאותם אנשים בודדים ופצועים יָקוּמוּ וְשָׂרְפוּ אֶת הָעִיר הַזֹּאת בָּאֵשׁ.