שיעור 214, ספר ירמיהו, פרק לז, יז-כא

יז וַיִּשְׁלַח֩ הַמֶּ֨לֶךְ צִדְקִיָּ֜הוּ וַיִּקָּחֵ֗הוּ וַיִּשְׁאָלֵ֨הוּ הַמֶּ֤לֶךְ בְּבֵיתוֹ֙ בַּסֵּ֔תֶר וַיֹּ֕אמֶר הֲיֵ֥שׁ דָּבָ֖ר מֵאֵ֣ת יְהוָ֑ה וַיֹּ֤אמֶר יִרְמְיָ֨הוּ֙ יֵ֔שׁ וַיֹּ֕אמֶר בְּיַ֥ד מֶֽלֶךְ־בָּבֶ֖ל תִּנָּתֵֽן׃ יח וַיֹּ֣אמֶר יִרְמְיָ֔הוּ אֶל־הַמֶּ֖לֶךְ צִדְקִיָּ֑הוּ מֶה֩ חָטָ֨אתִֽי לְךָ֤ וְלַֽעֲבָדֶ֨יךָ֙ וְלָעָ֣ם הַזֶּ֔ה כִּֽי־נְתַתֶּ֥ם אוֹתִ֖י אֶל־בֵּ֥ית הַכֶּֽלֶא׃ יט וְאַיֵּה֙ נְבִ֣יאֵיכֶ֔ם אֲשֶׁר־נִבְּא֥וּ לָכֶ֖ם לֵאמֹ֑ר לֹֽא־יָבֹ֤א מֶֽלֶךְ־בָּבֶל֙ עֲלֵיכֶ֔ם וְעַ֖ל הָאָ֥רֶץ הַזֹּֽאת׃ כ וְעַתָּ֕ה שְֽׁמַֽע־נָ֖א אֲדֹנִ֣י הַמֶּ֑לֶךְ תִּפָּל־נָ֤א תְחִנָּתִי֙ לְפָנֶ֔יךָ וְאַל־תְּשִׁבֵ֗נִי בֵּ֚ית יְהֽוֹנָתָ֣ן הַסֹּפֵ֔ר וְלֹ֥א אָמ֖וּת שָֽׁם׃ כא וַיְצַוֶּ֞ה הַמֶּ֣לֶךְ צִדְקִיָּ֗הוּ וַיַּפְקִ֣דוּ אֶֽת־יִרְמְיָהוּ֮ בַּֽחֲצַ֣ר הַמַּטָּרָה֒ וְנָתֹן֩ ל֨וֹ כִכַּר־לֶ֤חֶם לַיּוֹם֙ מִח֣וּץ הָֽאֹפִ֔ים עַד־תֹּ֥ם כָּל־הַלֶּ֖חֶם מִן־הָעִ֑יר וַיֵּ֣שֶׁב יִרְמְיָ֔הוּ בַּֽחֲצַ֖ר הַמַּטָּרָֽה׃

֍֍ ֍

(יז) לאחר שהיה ירמיהו זמן רב בבית הכלא, וַיִּשְׁלַח הַמֶּלֶךְ צִדְקִיָּהוּ, וַיִּקָּחֵהוּ מבור הכלא, וַיִּשְׁאָלֵהוּ הַמֶּלֶךְ בְּבֵיתוֹ, בַּסֵּתֶר, וַיֹּאמֶר, הֲיֵשׁ דָּבָר מֵאֵת ה' – האם יש נבואה חדשה מה', מלבד הנבואה הקודמת שתימסר העיר ביד הכשדים וישרפוה באש. וַיֹּאמֶר יִרְמְיָהוּ, יֵשׁ נבואה חדשה, והיא נאמרה עליך, וַיֹּאמֶר ירמיהו לצדקיהו, בְּיַד מֶלֶךְ בָּבֶל תִּנָּתֵן.

(יח) וַיֹּאמֶר יִרְמְיָהוּ אֶל הַמֶּלֶךְ צִדְקִיָּהוּ, מֶה חָטָאתִי לְךָ, וְלַעֲבָדֶיךָ, וְלָעָם הַזֶּה, כִּי נְתַתֶּם אוֹתִי אֶל בֵּית הַכֶּלֶא.

(יט) וְאַיֵּה נְבִיאֵיכֶם – והיכן הם נביאי השקר שלכם, אֲשֶׁר נִבְּאוּ לָכֶם לֵאמֹר, לֹא יָבֹא מֶלֶךְ בָּבֶל עֲלֵיכֶם וְעַל הָאָרֶץ הַזֹּאת.

(כ) וְעַתָּה, שהתברר לך שאותם נביאים אמרו לכם נבואות שקר, ונבואותי אמיתיות, שְׁמַע נָא אֲדֹנִי הַמֶּלֶךְ, תִּפָּל נָא תְחִנָּתִי לְפָנֶיךָ, וְאַל תְּשִׁבֵנִי בֵּית יְהוֹנָתָן הַסֹּפֵר, וְלֹא אָמוּת שָׁם מחמת צער המאסר שיש לי שם.

(כא) וַיְצַוֶּה הַמֶּלֶךְ צִדְקִיָּהוּ, וַיַּפְקִדוּ אֶת יִרְמְיָהוּ בַּחֲצַר הַמַּטָּרָה, ולא היה כלוא שם אלא היה רשאי ללכת כרצונו, וְנָתֹן לוֹ כִכַּר לֶחֶם לַיּוֹם מִחוּץ (-משוק) הָאֹפִים, עַד תֹּם כָּל הַלֶּחֶם מִן הָעִיר, וַיֵּשֶׁב יִרְמְיָהוּ בַּחֲצַר הַמַּטָּרָה.