(קיג) סֵֽעֲפִ֥ים שָׂנֵ֑אתִי שנאתי בעלֵי מחשבות רעות, וְֽתוֹרָֽתְךָ֥ אָהָבְתִּי: (קיד) סִתְרִ֣י וּמָֽגִנִּ֣י אָ֑תָּה, לִדְבָֽרְךָ֥ יִחָלְתִּי: (קטו) ס֣וּרוּ מִמֶּ֣נִּי מְרֵעִ֑ים המבקשים להדיחני מאלוהי, ֜וְאֶצְּרָ֗ה מִצְוֹ֥ת אֱלֹהָֽי: (קטז) סָמְכֵ֣נִי כְאִמְרָֽתְךָ֣ וְאֶֽחְיֶ֑ה, וְאַל־֜תְּבִישֵׁ֗נִי מִשִּׂבְרִֽי אל אתאכזב מבִטחוני בך: (קיז) סְעָדֵ֥נִי וְאִוָּשֵׁ֑עָה, וְאֶשְׁעָ֖ה ואספר בְחֻקֶּ֣יךָ תָמִֽיד: (קיח) ֖סָלִיתָ רמסתָ כָּל־שׁוֹגִ֣ים מֵֽחֻקֶּ֑יךָ, כִּי־֜שֶׁ֗קֶר תַּרְמִיתָֽם שמראים עצמם כחסידים : (קיט) סִגִ֗ים הִשְׁבַּ֥תָּ כָל־רִשְׁעֵי־אָ֑רֶץ כביעור סיגי המתכת כך בִּטַלְתָ הרשעים , ֜לָכֵ֗ן אָהַ֥בְתִּי עֵֽדֹתֶיךָ: (קכ) סָמַ֣ר מִפַּחְדְּךָ֣ שְׂעַר בְשָׂרִ֑י, וּֽמִמִּשְׁפָּטֶ֥יךָ יָרֵֽאתִי:
ע (קכא) ֖עָשִׂיתִי מִשְׁפָּ֣ט וָצֶ֑דֶק, בַּל־ ֜תַּנִּיחֵ֗נִי לְעֹֽשְׁקָי: (קכב) עֲרֹ֣ב האר פניך אֶל עַבְדְּךָ֣ לְט֑וֹב, אַל־יַֽעַשְׁקֻ֥נִי זֵדִֽים: (קכג) ֖עֵינַי כָּל֣וּ לִישֽׁוּעָתֶ֑ךָ, וּלְאִמְרַ֥ת צִדְקֶךָ: (קכד) עֲשֵׂ֖ה עִם־עַבְדְּךָ֥ כְחַסְדֶּ֗ךָ, וְחֻקֶּ֥יךָ לַמְּדֵֽנִי: (קכה) עַבְדְּךָ־אָ֥נִי הֲבִינֵ֑נִי תורתך, ֜וְאֵֽדְעָ֗ה עֵֽדֹתֶיךָ: (קכו) ֖עֵת לַֽעֲשׂ֣וֹת לַֽיהֹוָ֑ה [לנקום ברשעים], ֜הֵפֵ֗רוּ תּֽוֹרָתֶךָ: (קכז) עַל־֖כֵּן אָהַ֣בְתִּי מִצְוֹתֶ֑יךָ מִזָּהָ֥ב וּמִפָּֽז: (קכח) עַל־כֵּ֤ן | כָּל־פִּקּ֣וּדֵי כֹ֣ל יִשָּׁ֑רְתִּי ישרים בעֵינַי, כָּל־ אֹ֖רַח שֶׁ֣קֶר שָׂנֵֽאתִי:
