שיעור 18, ספר דברי הימים א, פרק ד, יא-כ

יא וּכְל֥וּב אֲחִֽי־שׁוּחָ֖ה הוֹלִ֣יד אֶת־מְחִ֑יר ה֖וּא אֲבִ֥י אֶשְׁתּֽוֹן׃ יב וְאֶשְׁתּ֗וֹן הוֹלִ֞יד אֶת־בֵּ֤ית רָפָא֙ וְאֶת־פָּסֵ֔חַ וְאֶת־תְּחִנָּ֖ה אֲבִ֣י עִ֣יר נָחָ֑שׁ אֵ֖לֶּה אַנְשֵׁ֥י רֵכָֽה׃ יג וּבְנֵ֣י קְנַ֔ז עָתְנִיאֵ֖ל וּשְׂרָיָ֑ה וּבְנֵ֥י עָתְנִיאֵ֖ל חֲתַֽת׃ יד וּמְעֽוֹנֹתַ֖י הוֹלִ֣יד אֶת־עָפְרָ֑ה וּשְׂרָיָ֗ה הוֹלִ֤יד אֶת־יוֹאָב֙ אֲבִי֙ גֵּ֣יא חֲרָשִׁ֔ים כִּ֥י חֲרָשִׁ֖ים הָיֽוּ׃ טו וּבְנֵי֙ כָּלֵ֣ב בֶּן־יְפֻנֶּ֔ה עִ֥ירוּ אֵלָ֖ה וָנָ֑עַם וּבְנֵ֥י אֵלָ֖ה וּקְנַֽז׃ טז וּבְנֵ֖י יְהַלֶּלְאֵ֑ל זִ֣יף וְזִיפָ֔ה תִּֽירְיָ֖א וַֽאֲשַׂרְאֵֽל׃ יז וּבֶ֨ן־עֶזְרָ֔ה יֶ֥תֶר וּמֶ֖רֶד וְעֵ֣פֶר וְיָל֑וֹן וַתַּ֨הַר֙ אֶת־מִרְיָ֣ם וְאֶת־שַׁמַּ֔י וְאֶת־יִשְׁבָּ֖ח אֲבִ֥י אֶשְׁתְּמֹֽעַ׃ יח וְאִשְׁתּ֣וֹ הַיְהֻֽדִיָּ֗ה יָֽלְדָ֞ה אֶת־יֶ֨רֶד אֲבִ֤י גְדוֹר֙ וְאֶת־חֶ֨בֶר֙ אֲבִ֣י שׂוֹכ֔וֹ וְאֶת־יְקֽוּתִיאֵ֖ל אֲבִ֣י זָנ֑וֹחַ וְאֵ֗לֶּה בְּנֵי֙ בִּתְיָ֣ה בַת־פַּרְעֹ֔ה אֲשֶׁ֥ר לָקַ֖ח מָֽרֶד׃ יט וּבְנֵי֙ אֵ֣שֶׁת הֽוֹדִיָּ֔ה אֲח֣וֹת נַ֔חַם אֲבִ֥י קְעִילָ֖ה הַגַּרְמִ֑י וְאֶשְׁתְּמֹ֖עַ הַמַּֽעֲכָתִֽי׃ כ וּבְנֵ֣י שִׁימ֔וֹן אַמְנ֣וֹן וְרִנָּ֔ה בֶּן־חָנָ֖ן וְתִיל֑וֹן וּבְנֵ֣י יִשְׁעִ֔י זוֹחֵ֖ת וּבֶן־זוֹחֵֽת׃

֍              ֍            ֍

(יא) וּכְלוּב, שהיה מבני אשחור [וכפי שהתבאר, לא מנה עזרא את כל הבנים בכל הדורות, אלא רק את המיוחדים שבהם], אֲחִי שׁוּחָה, הוֹלִיד אֶת מְחִיר, הוּא אֲבִי אֶשְׁתּוֹן.

(יב) וְאֶשְׁתּוֹן הוֹלִיד אֶת בֵּית רָפָא, וְאֶת פָּסֵחַ, וְאֶת תְּחִנָּה, אֲבִי עִיר נָחָשׁ, אֵלֶּה היו מכונים משפחת אַנְשֵׁי רֵכָה.

(יג) וּבְנֵי קְנַז, שהיו גם כן ממשפחה זו, עָתְנִיאֵל, וּשְׂרָיָה. וּבְנֵי עָתְנִיאֵל, חֲתַת.

(יד) וּמְעוֹנֹתַי היה גם הוא מבני עתניאל, והוא הוֹלִיד אֶת עָפְרָה. וּשְׂרָיָה בנו של קנז, הוֹלִיד אֶת יוֹאָב, אֲבִי גֵּיא חֲרָשִׁים, ונקראה העיר על שם מלאכתם, כִּי חֲרָשִׁים [-אמני אבן, עץ וברזל] הָיוּ.

(טו) וּבְנֵי כָּלֵב [אחי קנז] בֶּן יְפֻנֶּה, עִירוּ, אֵלָה, וָנָעַם. וּבְנֵי אֵלָה, וּקְנַז [-כך היה שמו, והאות וי"ו היא חלק מהשם].

(טז) וּבְנֵי כלב מאשתו השניה, ששמה יְהַלֶּלְאֵל, היו זִיף, וְזִיפָה, תִּירְיָא וַאֲשַׂרְאֵל.

(יז) וּבֶן עֶזְרָה, יֶתֶר, וּמֶרֶד, וְעֵפֶר, וְיָלוֹן. וַתַּהַר יהללאל אֶת מִרְיָם וְאֶת שַׁמַּי וְאֶת יִשְׁבָּח [ואמר לשון 'ותהר' ללמד שהרתה את שלשתם יחד], וישבח הוא אֲבִי אֶשְׁתְּמֹעַ.

(יח) וְאִשְׁתּוֹ השלישית של כלב, ששמה הַיְהֻדִיָּה [והאות ה"א היא חלק מהשם], יָלְדָה אֶת יֶרֶד, אֲבִי גְדוֹר, וְאֶת חֶבֶר אֲבִי שׂוֹכוֹ, וְאֶת יְקוּתִיאֵל אֲבִי זָנוֹחַ. וְאֵלֶּה בְּנֵי בִּתְיָה בַת פַּרְעֹה, אֲשֶׁר לָקַח כלב כאשה רביעית, מָרֶד.

(יט) והודיה היה גם הוא מבני בתיה בת פרעה אשת כלב, וּבְנֵי אֵשֶׁת הוֹדִיָּה שהיתה אֲחוֹת נַחַם [כי היו להודיה עוד נשים, שלא נמנו כאן], אֲבִי קְעִילָה הַגַּרְמִי, וְאֶשְׁתְּמֹעַ הַמַּעֲכָתִי.

(כ) ושימון היה גם הוא מבני בתיה, וּבְנֵי שִׁימוֹן, אַמְנוֹן, וְרִנָּה, בֶּן חָנָן, וְתִילוֹן. וישעי היה גם כן מבני בתיה, וּבְנֵי יִשְׁעִי, זוֹחֵת, וּבֶן זוֹחֵת [-כך היה שמו].