שיעור 25, ספר דברי הימים א, פרק ה, יב-טז

יב יוֹאֵ֣ל הָרֹ֔אשׁ וְשָׁפָ֖ם הַמִּשְׁנֶ֑ה וְיַעְנַ֥י וְשָׁפָ֖ט בַּבָּשָֽׁן׃ יג וַֽאֲחֵיהֶ֞ם לְבֵ֣ית אֲבֽוֹתֵיהֶ֗ם מִֽיכָאֵ֡ל וּמְשֻׁלָּ֡ם וְ֠שֶׁבַע וְיוֹרַ֧י וְיַעְכָּ֛ן וְזִ֥יעַ וָעֵ֖בֶר שִׁבְעָֽה׃ יד אֵ֣לֶּה ׀ בְּנֵ֣י אֲבִיחַ֗יִל בֶּן־חוּרִ֡י בֶּן־יָ֠רוֹחַ בֶּן־גִּלְעָ֧ד בֶּן־מִֽיכָאֵ֛ל בֶּן־יְשִׁישַׁ֥י בֶּן־יַחְדּ֖וֹ בֶּן־בּֽוּז׃ טו אֲחִי֙ בֶּן־עַבְדִּיאֵ֣ל בֶּן־גּוּנִ֔י רֹ֖אשׁ לְבֵ֥ית אֲבוֹתָֽם׃ טז וַיֵּ֥שְׁב֛וּ בַּגִּלְעָ֥ד בַּבָּשָׁ֖ן וּבִבְנֹתֶ֑יהָ וּבְכָֽל־מִגְרְשֵׁ֥י שָׁר֖וֹן עַל־תּֽוֹצְאוֹתָֽם׃

֍              ֍            ֍

(יב) בעת ההיא היה יוֹאֵל הָרֹאשׁ של השבט, וְשָׁפָם היה הַמִּשְׁנֶה, וְיַעְנַי וְשָׁפָט היו ראשי המשפחה בַּבָּשָׁן, במקום שאותו קיבלו בני גד בחלוקה החדשה.

(יג) וַאֲחֵיהֶם, ראשי המשפחות, לְבֵית אֲבוֹתֵיהֶם, מִיכָאֵל, וּמְשֻׁלָּם, וְשֶׁבַע, וְיוֹרַי, וְיַעְכָּן, וְזִיעַ, וָעֵבֶר, שִׁבְעָה.

(יד) אֵלֶּה, שבעת הראשים שהוזכרו, היו בְּנֵי אֲבִיחַיִל, בֶּן חוּרִי, בֶּן יָרוֹחַ, בֶּן גִּלְעָד, בֶּן מִיכָאֵל, בֶּן יְשִׁישַׁי, בֶּן יַחְדּוֹ, בֶּן בּוּז.

(טו) ואֲחִי, בֶּן עַבְדִּיאֵל, בֶּן גּוּנִי, היה רֹאשׁ לְבֵית אֲבוֹתָם.

(טז) וַיֵּשְׁבוּ בַּגִּלְעָד, בַּבָּשָׁן וּבִבְנֹתֶיהָ, הוא החלק שנתנו להם בני מנשה מחלקם, וּבְכָל מִגְרְשֵׁי שָׁרוֹן, וגם הרחיבו גבולם מחוץ לשרון, עַל תּוֹצְאוֹתָם – במקום שיצאו חוץ לגבולם, במה שכבשו מן ההגריאים.