שיעור 33, ספר דברי הימים א, פרק ו, מו-נה

מו וְלִבְנֵ֨י קְהָ֜ת הַנּֽוֹתָרִ֗ים מִמִּשְׁפַּ֣חַת הַמַּטֶּ֡ה מִֽ֠מַּחֲצִית מַטֵּ֨ה חֲצִ֧י מְנַשֶּׁ֛ה בַּגּוֹרָ֖ל עָרִ֥ים עָֽשֶׂר׃ מז וְלִבְנֵ֨י גֵֽרְשׁ֜וֹם לְמִשְׁפְּחוֹתָ֗ם מִמַּטֵּ֣ה יִ֠שָּׂשכָר וּמִמַּטֵּ֨ה אָשֵׁ֜ר וּמִמַּטֵּ֣ה נַפְתָּלִ֗י וּמִמַּטֵּ֤ה מְנַשֶּׁה֙ בַּבָּשָׁ֔ן עָרִ֖ים שְׁלֹ֥שׁ עֶשְׂרֵֽה׃ מח לִבְנֵ֨י מְרָרִ֜י לְמִשְׁפְּחוֹתָ֗ם מִמַּטֵּ֣ה רְ֠אוּבֵן וּֽמִמַּטֵּה־גָ֞ד וּמִמַּטֵּ֤ה זְבֻלוּן֙ בַּגּוֹרָ֔ל עָרִ֖ים שְׁתֵּ֥ים עֶשְׂרֵֽה׃ מט וַיִּתְּנ֥וּ בְנֵֽי־יִשְׂרָאֵ֖ל לַלְוִיִּ֑ם אֶת־הֶֽעָרִ֖ים וְאֶת־מִגְרְשֵׁיהֶֽם׃ נ וַיִּתְּנ֣וּ בַגּוֹרָ֗ל מִמַּטֵּ֤ה בְנֵֽי־יְהוּדָה֙ וּמִמַּטֵּ֣ה בְנֵֽי־שִׁמְע֔וֹן וּמִמַּטֵּ֖ה בְּנֵ֣י בִנְיָמִ֑ן אֵ֚ת הֶֽעָרִ֣ים הָאֵ֔לֶּה אֲשֶׁר־יִקְרְא֥וּ אֶתְהֶ֖ם בְּשֵׁמֽוֹת׃ נא וּמִֽמִּשְׁפְּח֖וֹת בְּנֵ֣י קְהָ֑ת וַֽיְהִי֙ עָרֵ֣י גְבוּלָ֔ם מִמַּטֵּ֖ה אֶפְרָֽיִם׃ נב וַיִּתְּנ֨וּ לָהֶ֜ם אֶת־עָרֵ֧י הַמִּקְלָ֛ט אֶת־שְׁכֶ֥ם וְאֶת־מִגְרָשֶׁ֖יהָ בְּהַ֣ר אֶפְרָ֑יִם וְאֶת־גֶּ֖זֶר וְאֶת־מִגְרָשֶֽׁיהָ׃ נג וְאֶֽת־יָקְמְעָם֙ וְאֶת־מִגְרָשֶׁ֔יהָ וְאֶת־בֵּ֥ית חוֹר֖וֹן וְאֶת־מִגְרָשֶֽׁיהָ׃ נד וְאֶת־אַיָּלוֹן֙ וְאֶת־מִגְרָשֶׁ֔יהָ וְאֶת־גַּת־רִמּ֖וֹן וְאֶת־מִגְרָשֶֽׁיהָ׃ נה וּמִֽמַּחֲצִית֙ מַטֵּ֣ה מְנַשֶּׁ֔ה אֶת־עָנֵר֙ וְאֶת־מִגְרָשֶׁ֔יהָ וְאֶת־בִּלְעָ֖ם וְאֶת־מִגְרָשֶׁ֑יהָ לְמִשְׁפַּ֥חַת לִבְנֵֽי־קְהָ֖ת הַנּֽוֹתָרִֽים׃

֍              ֍            ֍

(מו) וְלִבְנֵי קְהָת הַנּוֹתָרִים, ניתנו ערים מִמִּשְׁפַּחַת הַמַּטֶּה – ממשפחת אפרים שהיתה ממטה יוסף, וכן מִמַּחֲצִית מַטֵּה, והיינו חֲצִי מְנַשֶּׁה, בַּגּוֹרָל, עָרִים עָשֶׂר [אמנם אף שבגורל עצמו עלו בחלקם עשר ערים, הרי שבפועל לא נטלו אלא שמונה ערים, וכמו שיבואר להלן (פסוק נ"ד)].

(מז) וְלִבְנֵי גֵרְשׁוֹם, לְמִשְׁפְּחוֹתָם, ניתנו ערים מִמַּטֵּה יִשָּׂשכָר, וּמִמַּטֵּה אָשֵׁר, וּמִמַּטֵּה נַפְתָּלִי,וּמִמַּטֵּה מְנַשֶּׁה בַּבָּשָׁן, עָרִים שְׁלֹשׁ עֶשְׂרֵה.

(מח) לִבְנֵי מְרָרִי לְמִשְׁפְּחוֹתָם, ניתנו ערים מִמַּטֵּה רְאוּבֵן, וּמִמַּטֵּה גָד, וּמִמַּטֵּה זְבֻלוּן, בַּגּוֹרָל,עָרִים שְׁתֵּים עֶשְׂרֵה.

(מט) וַיִּתְּנוּ בְנֵי יִשְׂרָאֵל לַלְוִיִּם אֶת הֶעָרִים וְאֶת מִגְרְשֵׁיהֶם.

(נ) וַיִּתְּנוּ בַגּוֹרָל מִמַּטֵּה בְנֵי יְהוּדָה, וּמִמַּטֵּה בְנֵי שִׁמְעוֹן, וּמִמַּטֵּה בְּנֵי בִנְיָמִן, אֵת הֶעָרִים הָאֵלֶּה אֲשֶׁר יִקְרְאוּ אֶתְהֶם בְּשֵׁמוֹת.

(נא) וּמִמִּשְׁפְּחוֹת [-מקצת ממשפחות] בְּנֵי קְהָת, וַיְהִי עָרֵי גְבוּלָם מִמַּטֵּה אֶפְרָיִם.

(נב) וַיִּתְּנוּ לָהֶם אֶת עָרֵי הַמִּקְלָט, אֶת שְׁכֶם וְאֶת מִגְרָשֶׁיהָ בְּהַר אֶפְרָיִם, וְאֶת גֶּזֶר וְאֶת מִגְרָשֶׁיהָ.

(נג) וְאֶת יָקְמְעָם וְאֶת מִגְרָשֶׁיהָ, וְאֶת בֵּית חוֹרוֹן וְאֶת מִגְרָשֶׁיהָ.

(נד) וְאֶת אַיָּלוֹן וְאֶת מִגְרָשֶׁיהָ, וְאֶת גַּת רִמּוֹן וְאֶת מִגְרָשֶׁיהָ [ובספר יהושע (כא כג) נמנו גם הערים אלתקא וגבתון, כיון שהם עלו בגורל, אך כאן לא הוזכרו כיון שבפועל לא נכבשו ערים אלו, וממילא לא ניתנו ללויים].