שיעור 237, ספר דברי הימים ב, פרק לב, יח-כג

יח וַיִּקְרְא֨וּ בְקוֹל־גָּד֜וֹל יְהוּדִ֗ית עַל־עַ֤ם יְרֽוּשָׁלִַ֨ם֙ אֲשֶׁ֣ר עַל־הַֽחוֹמָ֔ה לְיָֽרְאָ֖ם וּֽלְבַהֲלָ֑ם לְמַ֖עַן יִלְכְּד֥וּ אֶת־הָעִֽיר׃ יט וַֽיְדַבְּר֔וּ אֶל־אֱלֹהֵ֖י יְרֽוּשָׁלִָ֑ם כְּעַ֗ל אֱלֹהֵי֙ עַמֵּ֣י הָאָ֔רֶץ מַֽעֲשֵׂ֖ה יְדֵ֥י הָֽאָדָֽם׃ כ וַיִּתְפַּלֵּ֞ל יְחִזְקִיָּ֣הוּ הַמֶּ֗לֶךְ וִֽישַׁעְיָ֧הוּ בֶן־אָמ֛וֹץ הַנָּבִ֖יא עַל־זֹ֑את וַֽיִּזְעֲק֖וּ הַשָּׁמָֽיִם׃ כא וַיִּשְׁלַ֤ח יְהוָה֙ מַלְאָ֔ךְ וַיַּכְחֵ֞ד כָּל־גִּבּ֥וֹר חַ֨יִל֙ וְנָגִ֣יד וְשָׂ֔ר בְּמַֽחֲנֵ֖ה מֶ֣לֶךְ אַשּׁ֑וּר וַיָּשָׁב֩ בְּבֹ֨שֶׁת פָּנִ֜ים לְאַרְצ֗וֹ וַיָּבֹא֙ בֵּ֣ית אֱלֹהָ֔יו וּמִֽיצִיאֵ֣י מֵעָ֔יו שָׁ֖ם הִפִּילֻ֥הוּ בֶחָֽרֶב׃ כב וַיּוֹשַׁע֩ יְהוָ֨ה אֶת־יְחִזְקִיָּ֜הוּ וְאֵ֣ת ׀ יֹֽשְׁבֵ֣י יְרֽוּשָׁלִַ֗ם מִיַּ֛ד סַנְחֵרִ֥יב מֶֽלֶךְ־אַשּׁ֖וּר וּמִיַּד־כֹּ֑ל וַֽיְנַהֲלֵ֖ם מִסָּבִֽיב׃ כג וְ֠רַבִּים מְבִיאִ֨ים מִנְחָ֤ה לַֽיהוָה֙ לִיר֣וּשָׁלִַ֔ם וּמִ֨גְדָּנ֔וֹת לִֽיחִזְקִיָּ֖הוּ מֶ֣לֶךְ יְהוּדָ֑ה וַיִּנַּשֵּׂ֛א לְעֵינֵ֥י כָל־הַגּוֹיִ֖ם מֵאַֽחֲרֵי־כֵֽן׃

֍              ֍              ֍

(טז) וְעוֹד דִּבְּרוּ עֲבָדָיו של סנחריב דברי חירוף וגידוף עַל ה' הָאֱלֹהִים, וְעַליְחִזְקִיָּהוּ עַבְדּוֹ.

(יז) וּסְפָרִים כָּתַב סנחריב לְחָרֵף לַה' אֱלֹהֵי יִשְׂרָאֵל, וְלֵאמֹר עָלָיו לֵאמֹר, כֵּאלֹהֵיגּוֹיֵי הָאֲרָצוֹת אֲשֶׁר לֹא הִצִּילוּ עַמָּם מִיָּדִי, כֵּן לֹא יַצִּיל אֱלֹהֵי יְחִזְקִיָּהוּ עַמּוֹ מִיָּדִי.

(יח) וַיִּקְרְאוּ עבדי סנחריב בְקוֹל גָּדוֹל יְהוּדִית [-בלשון הקודש] עַל עַם יְרוּשָׁלִַםאֲשֶׁר עַל הַחוֹמָה, לְיָרְאָם וּלְבַהֲלָם, כדי שעל ידי זה לא יאזרו כח להלחם, לְמַעַןיִלְכְּדוּ אֶת הָעִיר.

(יט) וַיְדַבְּרוּ עבדי סנחריב אֶל אֱלֹהֵי יְרוּשָׁלִָם, כְּעַל אֱלֹהֵי עַמֵּי הָאָרֶץ מַעֲשֵׂה יְדֵיהָאָדָם.

(כ) וַיִּתְפַּלֵּל יְחִזְקִיָּהוּ הַמֶּלֶךְ וִישַׁעְיָהוּ בֶן אָמוֹץ הַנָּבִיא עַל זֹאת [ונוסח התפילה מובא בספר מלכים ב' פרק יט], וַיִּזְעֲקוּ הַשָּׁמָיִם.

(כא) וַיִּשְׁלַח ה' מַלְאָךְ, וַיַּכְחֵד כָּל גִּבּוֹר חַיִל וְנָגִיד וְשָׂר בְּמַחֲנֵה מֶלֶךְ אַשּׁוּר, וַיָּשָׁבסנחריב בְּבֹשֶׁת פָּנִים לְאַרְצוֹ, וַיָּבֹא בֵּית אֱלֹהָיו, וּמִיצִיאֵי מֵעָיו – ובניו שָׁםהִפִּילֻהוּ בֶחָרֶב.

(כב) וַיּוֹשַׁע ה' אֶת יְחִזְקִיָּהוּ וְאֵת יֹשְׁבֵי יְרוּשָׁלִַם מִיַּד סַנְחֵרִיב מֶלֶךְ אַשּׁוּר וּמִיַּדכֹּל, וַיְנַהֲלֵם – הנהיגם בחמלה ובנחת מִסָּבִיב.

(כג) וְרַבִּים מהגויים מְבִיאִים מִנְחָה לַה' לִירוּשָׁלִַם, וּמִגְדָּנוֹת לִיחִזְקִיָּהוּ מֶלֶךְיְהוּדָה, וַיִּנַּשֵּׂא לְעֵינֵי כָל הַגּוֹיִם מֵאַחֲרֵי כֵן.