שיעור 27, ספר שופטים, פרק ז, כג-כה

כג וַיִּצָּעֵ֧ק אִֽישׁ־יִשְׂרָאֵ֛ל מִנַּפְתָּלִ֥י וּמִן־אָשֵׁ֖ר וּמִן־כָּל־מְנַשֶּׁ֑ה וַֽיִּרְדְּפ֖וּ אַֽחֲרֵ֥י מִדְיָֽן׃ כד וּמַלְאָכִ֡ים שָׁלַ֣ח גִּדְעוֹן֩ בְּכָל־הַ֨ר אֶפְרַ֜יִם לֵאמֹ֗ר רְד֞וּ לִקְרַ֤את מִדְיָן֙ וְלִכְד֤וּ לָהֶם֙ אֶת־הַמַּ֔יִם עַ֛ד בֵּ֥ית בָּרָ֖ה וְאֶת־הַיַּרְדֵּ֑ן וַיִּצָּעֵ֞ק כָּל־אִ֤ישׁ אֶפְרַ֨יִם֙ וַיִּלְכְּד֣וּ אֶת־הַמַּ֔יִם עַ֛ד בֵּ֥ית בָּרָ֖ה וְאֶת־הַיַּרְדֵּֽן׃ כה וַֽיִּלְכְּד֡וּ שְׁנֵֽי־שָׂרֵ֨י מִדְיָ֜ן אֶת־עֹרֵ֣ב וְאֶת־זְאֵ֗ב וַיַּֽהַרְג֨וּ אֶת־עוֹרֵ֤ב בְּצוּר־עוֹרֵב֙ וְאֶת־זְאֵב֙ הָֽרְג֣וּ בְיֶֽקֶב־זְאֵ֔ב וַֽיִּרְדְּפ֖וּ אֶל־מִדְיָ֑ן וְרֹאשׁ־עֹרֵ֣ב וּזְאֵ֔ב הֵבִ֨יאוּ֙ אֶל־גִּדְע֔וֹן מֵעֵ֖בֶר לַיַּרְדֵּֽן׃

֍           ֍            ֍

(כג) וַיִּצָּעֵק – הוזעקו אִישׁ יִשְׂרָאֵל מִנַּפְתָּלִי וּמִן אָשֵׁר וּמִן כָּל מְנַשֶּׁה, וַיִּרְדְּפוּ אַחֲרֵי מִדְיָן [והיו אלו אותם אנשים ששלח גדעון מהמחנה מחמת שהיו רכי לב, ואמר להם שילינו בהר הגלעד, ועתה רדפו אחרי מדין].

(כד) וּמַלְאָכִים שָׁלַח גִּדְעוֹן בְּכָל הַר אֶפְרַיִם לֵאמֹר, רְדוּ לִקְרַאת מִדְיָן, וְלִכְדוּ לָהֶם אֶת הַמַּיִם עַד בֵּית בָּרָה – קחו את הספינות הקטנות שלא יוכלו לעבור בהם את נחל המים שהיה סמוך להם, וְאֶת הַיַּרְדֵּן – וכן קחו את הספינות מהירדן, שלא יוכלו להמלט דרך הירדן, וַיִּצָּעֵק כָּל אִישׁ אֶפְרַיִם, וַיִּלְכְּדוּ אֶת הַמַּיִם עַד בֵּית בָּרָה, וְאֶת הַיַּרְדֵּן.

(כה) וַיִּלְכְּדוּ בני אפרים את שְׁנֵי שָׂרֵי מִדְיָן, אֶת עֹרֵב וְאֶת זְאֵב, וַיַּהַרְגוּ אֶת עוֹרֵב בְּצוּר עוֹרֵב [-כך קראו למקום לאחר שהרגו בו את עורב], וְאֶת זְאֵב הָרְגוּ בְיֶקֶב זְאֵב [-כך קראו למקום לאחר הריגת זאב (רלב"ג)], וַיִּרְדְּפוּ אֶל [-את] מִדְיָן, וְרֹאשׁ עֹרֵב וּזְאֵב הֵבִיאוּ בני אפרים אֶל גִּדְעוֹן, מֵעֵבֶר לַיַּרְדֵּן – כשעבר גדעון את הירדן להמשיך לרדוף אחרי מדין.