שיעור 143, ספר דברי הימים ב, פרק ז, ד-ו

ד וְהַמֶּ֖לֶךְ וְכָל־הָעָ֑ם זֹֽבְחִ֥ים זֶ֖בַח לִפְנֵ֥י יְהוָֽה׃ ה וַיִּזְבַּ֞ח הַמֶּ֣לֶךְ שְׁלֹמֹה֮ אֶת־זֶ֣בַח הַבָּקָר֒ עֶשְׂרִ֤ים וּשְׁנַ֨יִם֙ אֶ֔לֶף וְצֹ֕אן מֵאָ֥ה וְעֶשְׂרִ֖ים אָ֑לֶף וַֽיַּחְנְכוּ֙ אֶת־בֵּ֣ית הָֽאֱלֹהִ֔ים הַמֶּ֖לֶךְ וְכָל־הָעָֽם׃ ו וְהַכֹּֽהֲנִ֞ים עַל־מִשְׁמְרוֹתָ֣ם עֹֽמְדִ֗ים וְהַלְוִיִּ֞ם בִּכְלֵי־שִׁ֤יר יְהוָה֙ אֲשֶׁ֨ר עָשָׂ֜ה דָּוִ֣יד הַמֶּ֗לֶךְ לְהֹד֤וֹת לַֽיהוָה֙ כִּֽי־לְעוֹלָ֣ם חַסְדּ֔וֹ בְּהַלֵּ֥ל דָּוִ֖יד בְּיָדָ֑ם וְהַכֹּֽהֲנִים֙ מַחְצְרִ֣ים נֶגְדָּ֔ם וְכָל־יִשְׂרָאֵ֖ל עֹֽמְדִֽים׃

֍              ֍              ֍

(ד) וְהַמֶּלֶךְ וְכָל הָעָם זֹבְחִים זֶבַח לִפְנֵי יְהֹוָה.

(ה) וַיִּזְבַּח הַמֶּלֶךְ שְׁלֹמֹה אֶת זֶבַח הַבָּקָר, עֶשְׂרִים וּשְׁנַיִם אֶלֶף. וְצֹאן, מֵאָה וְעֶשְׂרִים אָלֶף. וַיַּחְנְכוּ אֶת בֵּית הָאֱלֹהִים, הַמֶּלֶךְ וְכָל הָעָם.

(ו) וְהַכֹּהֲנִים עַל מִשְׁמְרוֹתָם עֹמְדִים, וְהַלְוִיִּם עמדו על הדוכן במזרח בִּכְלֵי שִׁיר יְהֹוָה, אֲשֶׁר עָשָׂה דָּוִיד הַמֶּלֶךְ, כפי שעומדים במועדים, לְהֹדוֹת לַיהוָה כִּי לְעוֹלָם חַסְדּוֹ, בְּהַלֵּל דָּוִיד בְּיָדָם – וכלי השיר שעשה דוד המלך ביד הלויים, וְהַכֹּהֲנִים מַחְצְרִים בחצוצרות נֶגְדָּם, בצד מערב, וְכָל יִשְׂרָאֵל עֹמְדִים.