יז וְהַמֶּלֶךְ֩ הִפְקִ֨יד אֶת־הַשָּׁלִ֜ישׁ אֲשֶׁר־נִשְׁעָ֤ן עַל־יָדוֹ֙ עַל־הַשַּׁ֔עַר וַיִּרְמְסֻ֧הוּ הָעָ֛ם בַּשַּׁ֖עַר וַיָּמֹ֑ת כַּֽאֲשֶׁ֤ר דִּבֶּר֙ אִ֣ישׁ הָֽאֱלֹהִ֔ים אֲשֶׁ֣ר דִּבֶּ֔ר בְּרֶ֥דֶת הַמֶּ֖לֶךְ אֵלָֽיו׃ יח וַיְהִ֗י כְּדַבֵּר֙ אִ֣ישׁ הָֽאֱלֹהִ֔ים אֶל־הַמֶּ֖לֶךְ לֵאמֹ֑ר סָאתַ֨יִם שְׂעֹרִ֜ים בְּשֶׁ֗קֶל וּֽסְאָה־סֹ֨לֶת֙ בְּשֶׁ֔קֶל יִֽהְיֶה֙ כָּעֵ֣ת מָחָ֔ר בְּשַׁ֖עַר שֹֽׁמְרֽוֹן׃ יט וַיַּ֨עַן הַשָּׁלִ֜ישׁ אֶת־אִ֣ישׁ הָֽאֱלֹהִים֮ וַיֹּאמַר֒ וְהִנֵּ֣ה ה֗' עֹשֶׂ֤ה אֲרֻבּוֹת֙ בַּשָּׁמַ֔יִם הֲיִֽהְיֶ֖ה כַּדָּבָ֣ר הַזֶּ֑ה וַיֹּ֗אמֶר הִנְּךָ֤ רֹאֶה֙ בְּעֵינֶ֔יךָ וּמִשָּׁ֖ם לֹ֥א תֹאכֵֽל׃ כ וַֽיְהִי־ל֖וֹ כֵּ֑ן וַיִּרְמְס֨וּ אֹת֥וֹ הָעָ֛ם בַּשַּׁ֖עַר וַיָּמֹֽת׃
֍ ֍ ֍
(יז) עתה יסופר כיצד התקיימו דברי אלישע הנביא, שאמר לשליש שיראה בעיניו את התקיימות הנבואה, אך לא יאכל מאותה התבואה, וְהַמֶּלֶךְ הִפְקִיד אֶת הַשָּׁלִישׁ אֲשֶׁר נִשְׁעָן עַל יָדוֹ להיות ממונה עַל הַשַּׁעַר, כדי שלא יבזזו העם את שלל ארם, וַיִּרְמְסֻהוּ הָעָם בַּשַּׁעַר, וַיָּמֹת, כַּאֲשֶׁר דִּבֶּר אִישׁ הָאֱלֹהִים, אֲשֶׁר דִּבֶּר דבר זה מעצמו, שלא בנבואת ה', בְּרֶדֶת הַמֶּלֶךְ אֵלָיו.
(יח) וכוונת השליש היתה לעמוד בשער העיר ולהעלות את מחיר החיטים והשעורים, כדי לבטל את דברי הנביא, ועל ידי שנהרג אותו שליש התקיימה נבואת אלישע, וַיְהִי – אכן אירע הדבר, כְּדַבֵּר אִישׁ הָאֱלֹהִים אֶל הַמֶּלֶךְ לֵאמֹר, סָאתַיִם שְׂעֹרִים בְּשֶׁקֶל וּסְאָה סֹלֶת בְּשֶׁקֶל יִהְיֶה כָּעֵת מָחָר בְּשַׁעַר שֹׁמְרוֹן.
(יט) ואגב כך מזכיר שוב את חטאו של השליש, מכמה פנים, כי הנה דברי אלישע היו אל המלך, ולא אל השליש, וַיַּעַן הַשָּׁלִישׁ אֶת אִישׁ הָאֱלֹהִים וַיֹּאמַר, וְהִנֵּה ה' עֹשֶׂה אֲרֻבּוֹת בַּשָּׁמַיִם, הֲיִהְיֶה כַּדָּבָר הַזֶּה, ובכך הכחיש את דברי הנביא, ובפרט שהיה זה בזמן שבא המלך להרוג את הנביא, ובכך שסתר את דברי הנביא הסכים שיהרוג המלך את הנביא. וגם לא היה זה דבר הרחוק מהמציאות, שיוסר המצור מעל שומרון, ויהיה המחיר של החיטים והשעורים כמו בכל ארץ ישראל. וגם זלזל בדבריו בה', כאילו תקצר ידו לעשות ארובות בשמים, ומחמת כל הדברים הללו נתחייב השליש מיתה בדין. וַיֹּאמֶר לו הנביא, הִנְּךָ רֹאֶה בְּעֵינֶיךָ, וּמִשָּׁם לֹא תֹאכֵל.
(כ) וַיְהִי לוֹ כֵּן, וַיִּרְמְסוּ אֹתוֹ הָעָם בַּשַּׁעַר, וַיָּמֹת.