שיעור 170, ספר מלכים ב', פרק ט, ד-י

ד וַיֵּ֧לֶךְ הַנַּ֛עַר הַנַּ֥עַר הַנָּבִ֖יא רָמֹ֥ת גִּלְעָֽד׃ ה וַיָּבֹ֗א וְהִנֵּ֨ה שָׂרֵ֤י הַחַ֨יִל֙ יֹֽשְׁבִ֔ים וַיֹּ֕אמֶר דָּבָ֥ר לִ֛י אֵלֶ֖יךָ הַשָּׂ֑ר וַיֹּ֤אמֶר יֵהוּא֙ אֶל־מִ֣י מִכֻּלָּ֔נוּ וַיֹּ֖אמֶר אֵלֶ֥יךָ הַשָּֽׂר׃ ו וַיָּ֨קָם֙ וַיָּבֹ֣א הַבַּ֔יְתָה וַיִּצֹ֥ק הַשֶּׁ֖מֶן אֶל־רֹאשׁ֑וֹ וַיֹּ֣אמֶר ל֗וֹ כֹּֽה־אָמַ֤ר ה֙' אֱלֹהֵ֣י יִשְׂרָאֵ֔ל מְשַׁחְתִּ֧יךָ לְמֶ֛לֶךְ אֶל־עַ֥ם ה֖' אֶל־יִשְׂרָאֵֽל׃ ז וְהִ֨כִּיתָ֔ה אֶת־בֵּ֥ית אַחְאָ֖ב אֲדֹנֶ֑יךָ וְנִקַּמְתִּ֞י דְּמֵ֣י ׀ עֲבָדַ֣י הַנְּבִיאִ֗ים וּדְמֵ֛י כָּל־עַבְדֵ֥י ה֖' מִיַּ֥ד אִיזָֽבֶל׃ ח וְאָבַ֖ד כָּל־בֵּ֣ית אַחְאָ֑ב וְהִכְרַתִּ֤י לְאַחְאָב֙ מַשְׁתִּ֣ין בְּקִ֔יר וְעָצ֥וּר וְעָז֖וּב בְּיִשְׂרָאֵֽל׃ ט וְנָֽתַתִּי֙ אֶת־בֵּ֣ית אַחְאָ֔ב כְּבֵ֖ית יָֽרָבְעָ֣ם בֶּן־נְבָ֑ט וּכְבֵ֖ית בַּעְשָׁ֥א בֶן־אֲחִיָּֽה׃ י וְאֶת־אִיזֶ֜בֶל יֹֽאכְל֧וּ הַכְּלָבִ֛ים בְּחֵ֥לֶק יִזְרְעֶ֖אל וְאֵ֣ין קֹבֵ֑ר וַיִּפְתַּ֥ח הַדֶּ֖לֶת וַיָּנֹֽס׃

(ד) וַיֵּלֶךְ הַנַּעַר – תלמידו של אלישע הנביא, הַנַּעַר הַנָּבִיא – התלמיד שהיה גם נביא מצד עצמו (כמו שיבואר להלן שהוסיף דברים מכח נבואת עצמו) אל רָמֹת גִּלְעָד.

(ה) וַיָּבֹא, וְהִנֵּה שָׂרֵי הַחַיִל יֹשְׁבִים. וַיֹּאמֶר, דָּבָר לִי אֵלֶיךָ הַשָּׂר. וַיֹּאמֶר יֵהוּא, אֶל מִי מִכֻּלָּנוּ, וַיֹּאמֶר אליו תלמיד הנביא, אֵלֶיךָ, הַשָּׂר.

(ו) וַיָּקָם, וַיָּבֹא הַבַּיְתָה, וַיִּצֹק הַשֶּׁמֶן אֶל רֹאשׁוֹ של יהוא, וַיֹּאמֶר לוֹ, כֹּה אָמַר ה' אֱלֹהֵי יִשְׂרָאֵל, מְשַׁחְתִּיךָ לְמֶלֶךְ אֶל עַם ה' אֶל יִשְׂרָאֵל (הוסיף בדבריו לשון 'אלוקי ישראל' ו'אל עם ה" שלא אמר לו אלישע, כדי לרמוז לו שיבטל את עבודת הבעל מישראל, כדי שישובו להיות 'עם ה", וכן הקדוש ברוך הוא מכונה בזמן זה 'אלוקי ישראל', כי הוא מייחד שמו על הצדיקים).

(ז) וְהִכִּיתָה אֶת בֵּית אַחְאָב אֲדֹנֶיךָ, וְנִקַּמְתִּי דְּמֵי עֲבָדַי הַנְּבִיאִים וּדְמֵי כָּל עַבְדֵי ה' מִיַּד אִיזָבֶל.

(ח) וְאָבַד כָּל בֵּית אַחְאָב, וְהִכְרַתִּי לְאַחְאָב מַשְׁתִּין בְּקִיר, וְעָצוּר – העושר הכנוס בבית, וְעָזוּב – המקנה העזוב על פני השדה בְּיִשְׂרָאֵל.

(ט) וְנָתַתִּי אֶת בֵּית אַחְאָב כְּבֵית יָרָבְעָם בֶּן נְבָט, וּכְבֵית בַּעְשָׁא בֶן אֲחִיָּה, שלא נשאר מהם יורש עצר, וכך לא יהיה יורש לבית אחאב שימלוך תחתיו.

(י) וְאֶת אִיזֶבֶל יֹאכְלוּ הַכְּלָבִים בְּחֵלֶק יִזְרְעֶאל, וְאֵין קֹבֵר. וכשסיים תלמיד הנביא את נבואתו, וַיִּפְתַּח הַדֶּלֶת, וַיָּנֹס.