יום שבת
ז' תמוז התשפ"ד
יום שבת
ז' תמוז התשפ"ד

חג שמח !

חיפוש בארכיון

שיעור 179, ספר מלכים ב, פרק יא, ד-ח

ד וּבַשָּׁנָ֣ה הַ֠שְּׁבִיעִית שָׁלַ֨ח יְהֽוֹיָדָ֜ע וַיִּקַּ֣ח ׀ אֶת־שָׂרֵ֣י הַמֵּא֗וֹת לַכָּרִי֙ וְלָ֣רָצִ֔ים וַיָּבֵ֥א אֹתָ֛ם אֵלָ֖יו בֵּ֣ית ה֑' וַיִּכְרֹת֩ לָהֶ֨ם בְּרִ֜ית וַיַּשְׁבַּ֤ע אֹתָם֙ בְּבֵ֣ית ה֔' וַיַּ֥רְא אֹתָ֖ם אֶת־בֶּן־הַמֶּֽלֶךְ׃ ה וַיְצַוֵּ֣ם לֵאמֹ֔ר זֶ֥ה הַדָּבָ֖ר אֲשֶׁ֣ר תַּֽעֲשׂ֑וּן הַשְּׁלִשִׁ֤ית מִכֶּם֙ בָּאֵ֣י הַשַּׁבָּ֔ת וְשֹׁ֣מְרֵ֔י מִשְׁמֶ֖רֶת בֵּ֥ית הַמֶּֽלֶךְ׃ ו וְהַשְּׁלִשִׁית֙ בְּשַׁ֣עַר ס֔וּר וְהַשְּׁלִשִׁ֥ית בַּשַּׁ֖עַר אַחַ֣ר הָֽרָצִ֑ים וּשְׁמַרְתֶּ֛ם אֶת־מִשְׁמֶ֥רֶת הַבַּ֖יִת מַסָּֽח׃ ז וּשְׁתֵּ֤י הַיָּדוֹת֙ בָּכֶ֔ם כֹּ֖ל יֹֽצְאֵ֣י הַשַּׁבָּ֑ת וְשָׁ֥מְר֛וּ אֶת־מִשְׁמֶ֥רֶת בֵּית־ה֖' אֶל־הַמֶּֽלֶךְ׃ ח וְהִקַּפְתֶּ֨ם עַל־הַמֶּ֜לֶךְ סָבִ֗יב אִ֚ישׁ וְכֵלָ֣יו בְּיָד֔וֹ וְהַבָּ֥א אֶל־הַשְּׂדֵר֖וֹת יוּמָ֑ת וִֽהְי֥וּ אֶת־הַמֶּ֖לֶךְ בְּצֵאת֥וֹ וּבְבֹאֽוֹ׃

 

֍           ֍            ֍

 

(ד) וּבַשָּׁנָה הַשְּׁבִיעִית שָׁלַח יְהוֹיָדָע וַיִּקַּח אֶת שָׂרֵי הַמֵּאוֹת, וכן שלח לַכָּרִי [-לגיבורים] וְלָרָצִים, וַיָּבֵא אֹתָם אֵלָיו בֵּית ה', וַיִּכְרֹת לָהֶם בְּרִית שיעזרו לו להמליך את יואש, וַיַּשְׁבַּע אֹתָם בְּבֵית ה', ואחרי הברית והשבועה, וַיַּרְא אֹתָם [-הראה להם] אֶת בֶּן הַמֶּלֶךְ.

(ה) וַיְצַוֵּם לֵאמֹר, זֶה הַדָּבָר אֲשֶׁר תַּעֲשׂוּן, כדי שתצא ההמלכה אל הפועל, יתחלקו המשמרות הבאות לשבת לשלש קבוצות, הַשְּׁלִשִׁית מִכֶּם – קבוצה אחת המונה שליש מהם, יהיו בָּאֵי הַשַּׁבָּת – הבאים בשבת זו, וְשֹׁמְרֵי מִשְׁמֶרֶת בֵּית הַמֶּלֶךְ – והם ישמרו את המלך מבפנים, בתוך הבית, שלא יהיה מי שיהרגנו.

(ו) וְהַשְּׁלִשִׁית – קבוצה נוספת המונה שליש, יהיו בְּשַׁעַר סוּר, והוא השער המזרחי שבעזרה. וְהַשְּׁלִשִׁית – קבוצה אחרונה של שליש מהם, יהיו בַּשַּׁעַר אַחַר הָרָצִים, והוא שער נוסף בעזרה. ואת אותה קבוצה ראשונה השומרת את המלך בתוך ביתו, חזר והזהיר, וּשְׁמַרְתֶּם אֶת מִשְׁמֶרֶת הַבַּיִת מַסָּח – שמרו את הבית ואל תסיחו דעתכם אפילו לרגע משמירת המלך.

(ז) וּשְׁתֵּי הַיָּדוֹת בָּכֶם – ושתי הקבוצות הנוספות המונות שני שליש, יהיו כֹּל יֹצְאֵי הַשַּׁבָּת – אותם היוצאים בשבת זו, שסיימו את משמרתם, וְשָׁמְרוּ אֶת מִשְׁמֶרֶת בֵּית ה' אֶל הַמֶּלֶךְ.

(ח) וְהִקַּפְתֶּם עַל הַמֶּלֶךְ סָבִיב, אִישׁ וְכֵלָיו [-כלי מלחמתו] בְּיָדוֹ, וְהַבָּא אֶל הַשְּׂדֵרוֹת שבחוץ, ששם התחיל מקום השמירה על המלך, יוּמָת, וִהְיוּ אֶת הַמֶּלֶךְ בְּצֵאתוֹ וּבְבֹאוֹ.

 

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)