שיעור 22, ספר דברי הימים א, פרק ד, לח-מג

לח אֵ֚לֶּה הַבָּאִ֣ים בְּשֵׁמ֔וֹת נְשִׂיאִ֖ים בְּמִשְׁפְּחוֹתָ֑ם וּבֵית֙ אֲב֣וֹתֵיהֶ֔ם פָּֽרְצ֖וּ לָרֽוֹב׃ לט וַיֵּֽלְכוּ֙ לִמְב֣וֹא גְדֹ֔ר עַ֖ד לְמִזְרַ֣ח הַגָּ֑יְא לְבַקֵּ֥שׁ מִרְעֶ֖ה לְצֹאנָֽם׃ מ וַֽיִּמְצְא֤וּ מִרְעֶה֙ שָׁמֵ֣ן וָט֔וֹב וְהָאָ֨רֶץ֙ רַֽחֲבַ֣ת יָדַ֔יִם וְשֹׁקֶ֖טֶת וּשְׁלֵוָ֑ה כִּ֣י מִן־חָ֔ם הַיֹּֽשְׁבִ֥ים שָׁ֖ם לְפָנִֽים׃ מא וַיָּבֹ֡אוּ אֵלֶּה֩ הַכְּתוּבִ֨ים בְּשֵׁמ֜וֹת בִּימֵ֣י ׀ יְחִזְקִיָּ֣הוּ מֶֽלֶךְ־יְהוּדָ֗ה וַיַּכּ֨וּ אֶת־אָֽהֳלֵיהֶ֜ם וְאֶת־הַמְּעוּנִ֨ים אֲשֶׁ֤ר נִמְצְאוּ־שָׁ֨מָּה֙ וַיַּֽחֲרִימֻם֙ עַד־הַיּ֣וֹם הַזֶּ֔ה וַיֵּֽשְׁב֖וּ תַּחְתֵּיהֶ֑ם כִּֽי־מִרְעֶ֥ה לְצֹאנָ֖ם שָֽׁם׃מב וּמֵהֶ֣ם ׀ מִן־בְּנֵ֣י שִׁמְע֗וֹן הָֽלְכוּ֙ לְהַ֣ר שֵׂעִ֔יר אֲנָשִׁ֖ים חֲמֵ֣שׁ מֵא֑וֹת וּפְלַטְיָ֡ה וּ֠נְעַרְיָה וּרְפָיָ֧ה וְעֻזִּיאֵ֛ל בְּנֵ֥י יִשְׁעִ֖י בְּרֹאשָֽׁם׃ מג וַיַּכּ֕וּ אֶת־שְׁאֵרִ֥ית הַפְּלֵטָ֖ה לַֽעֲמָלֵ֑ק וַיֵּ֣שְׁבוּ שָׁ֔ם עַ֖ד הַיּ֥וֹם הַזֶּֽה׃

֍              ֍            ֍

(לח) אֵלֶּה הַבָּאִים בְּשֵׁמוֹת, המוזכרים למעלה, היו נְשִׂיאִים בְּמִשְׁפְּחוֹתָם [ולא נשיאי שבטים, כמו אותם שהוזכרו בתחילה, ששמעי היה הנשיא האחרון שבהם], וּבֵית אֲבוֹתֵיהֶם פָּרְצוּ לָרוֹב, כי בימי חזקיהו מצאו שאין המקום מחזיק את היושבים המרובים שבה, כי היה שבט שמעון מרובה, ונחלתו קטנה.

(לט) וַיֵּלְכוּ לִמְבוֹא גְדֹר, עַד לְמִזְרַח הַגָּיְא, לְבַקֵּשׁ מִרְעֶה לְצֹאנָם.

(מ) וַיִּמְצְאוּ מִרְעֶה שָׁמֵן וָטוֹב, וְהָאָרֶץ רַחֲבַת יָדַיִם, וְשֹׁקֶטֶת וּשְׁלֵוָה, שלא היתה להם מלחמה מבחוץ, ולא מרידה מבפנים, כִּי מִן חָם – כי הם היו מבני חם, הַיֹּשְׁבִים שָׁם לְפָנִים – וישבו שם מאז ולעולם.

(מא) וַיָּבֹאוּ אֵלֶּה – שלשה עשר האנשים המוזכרים למעלה, הַכְּתוּבִים בְּשֵׁמוֹת, בִּימֵי יְחִזְקִיָּהוּ מֶלֶךְ יְהוּדָה, וַיַּכּוּ אֶת אָהֳלֵיהֶם, כי היו אלו רועי צאן היושבים באהלים, וְאֶת הַמְּעוּנִים [-שם אומה] אֲשֶׁר נִמְצְאוּ שָׁמָּה, וַיַּחֲרִימֻם עַד הַיּוֹם הַזֶּה, כי גם אחרי שגלו שבט שמעון מעל אדמתם לא חזרו לשם אותם גויים שהיו שם קודם לכן, וַיֵּשְׁבוּ תַּחְתֵּיהֶם, כִּי היה מִרְעֶה לְצֹאנָם שָׁם.

(מב) וּמֵהֶם, מִן בְּנֵי שִׁמְעוֹן, הָלְכוּ לְהַר שֵׂעִיר אֲנָשִׁים חֲמֵשׁ מֵאוֹת, וּפְלַטְיָה, וּנְעַרְיָה, וּרְפָיָה,וְעֻזִּיאֵל בְּנֵי יִשְׁעִי בְּרֹאשָׁם.

(מג) וַיַּכּוּ אֶת שְׁאֵרִית הַפְּלֵטָה לַעֲמָלֵק, אותם שנשארו שם לאחר שהיכום שאול המלך ודוד המלך, וַיֵּשְׁבוּ שָׁם בני שמעון עַד הַיּוֹם הַזֶּה.