שיעור 27, ספר דברי הימים א, פרק ה, כג-כו

כג וּבְנֵ֗י חֲצִי֙ שֵׁ֣בֶט מְנַשֶּׁ֔ה יָֽשְׁב֖וּ בָּאָ֑רֶץ מִבָּשָׁ֞ן עַד־בַּ֧עַל חֶרְמ֛וֹן וּשְׂנִ֥יר וְהַר־חֶרְמ֖וֹן הֵ֥מָּה רָבֽוּ׃ כד וְאֵ֖לֶּה רָאשֵׁ֣י בֵית־אֲבוֹתָ֑ם וְעֵ֡פֶר וְיִשְׁעִ֡י וֶֽאֱלִיאֵ֡ל וְ֠עַזְרִיאֵל וְיִרְמְיָ֨ה וְהֽוֹדַוְיָ֜ה וְיַחְדִּיאֵ֗ל אֲנָשִׁים֙ גִּבּ֣וֹרֵי חַ֔יִל אַנְשֵׁ֣י שֵׁמ֔וֹת רָאשִׁ֖ים לְבֵ֥ית אֲבוֹתָֽם׃ כה וַיִּֽמְעֲל֔וּ בֵּֽאלֹהֵ֖י אֲבֹֽתֵיהֶ֑ם וַיִּזְנ֗וּ אַֽחֲרֵי֙ אֱלֹהֵ֣י עַמֵּי־הָאָ֔רֶץ אֲשֶׁר־הִשְׁמִ֥יד אֱלֹהִ֖ים מִפְּנֵיהֶֽם׃ כו וַיָּעַר֩ אֱלֹהֵ֨י יִשְׂרָאֵ֜ל אֶת־ר֣וּחַ ׀ פּ֣וּל מֶֽלֶךְ־אַשּׁ֗וּר וְאֶת־ר֨וּחַ֙ תִּלְּגַ֤ת פִּלְנֶ֨סֶר֙ מֶ֣לֶךְ אַשּׁ֔וּר וַיַּגְלֵם֙ לָרֽאוּבֵנִ֣י וְלַגָּדִ֔י וְלַֽחֲצִ֖י שֵׁ֣בֶט מְנַשֶּׁ֑ה וַ֠יְבִיאֵם לַחְלַ֨ח וְחָב֤וֹר וְהָרָא֙ וּנְהַ֣ר גּוֹזָ֔ן עַ֖ד הַיּ֥וֹם הַזֶּֽה׃

֍              ֍            ֍

(כג) וּבְנֵי חֲצִי שֵׁבֶט מְנַשֶּׁה, התפשטו גם הם יותר מגבולותיהם, ויָשְׁבוּ בָּאָרֶץ, מִבָּשָׁן עַד בַּעַלחֶרְמוֹן, וּשְׂנִיר, וְהַר חֶרְמוֹן, הֵמָּה רָבוּ – התרבו יותר מאחיהם בני גד ובני ראובן, ולכן גם גדלה נחלתם יותר מהם.

(כד) וְאֵלֶּה רָאשֵׁי בֵית אֲבוֹתָם, והיו שבעה, כנגד שבע משפחות בני מכיר, וְעֵפֶר [האות וי"ו היא חלק משמו], וְיִשְׁעִי, וֶאֱלִיאֵל, וְעַזְרִיאֵל, וְיִרְמְיָה, וְהוֹדַוְיָה, וְיַחְדִּיאֵל, כל אלו אֲנָשִׁיםגִּבּוֹרֵי חַיִל, אַנְשֵׁי שֵׁמוֹת, רָאשִׁים לְבֵית אֲבוֹתָם.

(כה) וַיִּמְעֲלוּ בֵּאלֹהֵי אֲבֹתֵיהֶם, וַיִּזְנוּ אַחֲרֵי אֱלֹהֵי עַמֵּי הָאָרֶץ אֲשֶׁר הִשְׁמִיד אֱלֹהִים מִפְּנֵיהֶם.

(כו) וַיָּעַר אֱלֹהֵי יִשְׂרָאֵל אֶת רוּחַ פּוּל מֶלֶךְ אַשּׁוּר, והוא בא עליהם בזמן מלכותו של מנחם בן גדי מלך ישראל, וְאֶת רוּחַ תִּלְּגַת פִּלְנֶסֶר מֶלֶךְ אַשּׁוּר, והוא בא בימי הושע בן אלה מלך ישראל, וַיַּגְלֵם לָראוּבֵנִי וְלַגָּדִי וְלַחֲצִי שֵׁבֶט מְנַשֶּׁה, ובזמן פול גלו שבט ראובן ומקצת שבט גד, ובזמן תלגת פלנסר גלו שבט מנשה והנותרים משבט גד, וַיְבִיאֵם אל ארצות לַחְלַח, וְחָבוֹר,וְהָרָא, וּנְהַר גּוֹזָן, ויהיו שם עַד הַיּוֹם הַזֶּה, כי לא שבו עם עזרא בזמן בית המקדש השני.