שיעור 29, ספר נחמיה, פרק ח, ו-ח

ו וַיְבָ֣רֶךְ עֶזְרָ֔א אֶת־יְהוָ֥ה הָֽאֱלֹהִ֖ים הַגָּד֑וֹל וַיַּֽעֲנ֨וּ כָל־הָעָ֜ם אָמֵ֤ן ׀ אָמֵן֙ בְּמֹ֣עַל יְדֵיהֶ֔ם וַיִּקְּד֧וּ וַיִּֽשְׁתַּחֲו֛וּ לַֽיהוָ֖ה אַפַּ֥יִם אָֽרְצָה׃ ז וְיֵשׁ֡וּעַ וּבָנִ֡י וְשֵׁרֵ֥בְיָ֣ה ׀ יָמִ֡ין עַקּ֡וּב שַׁבְּתַ֣י ׀ הֽוֹדִיָּ֡ה מַֽעֲשֵׂיָ֡ה קְלִיטָ֣א עֲזַרְיָה֩ יֽוֹזָבָ֨ד חָנָ֤ן פְּלָאיָה֙ וְהַלְוִיִּ֔ם מְבִינִ֥ים אֶת־הָעָ֖ם לַתּוֹרָ֑ה וְהָעָ֖ם עַל־עָמְדָֽם׃ ח וַֽיִּקְרְא֥וּ בַסֵּ֛פֶר בְּתוֹרַ֥ת הָֽאֱלֹהִ֖ים מְפֹרָ֑שׁ וְשׂ֣וֹם שֶׂ֔כֶל וַיָּבִ֖ינוּ בַּמִּקְרָֽא׃

֍           ֍            ֍

(ו) וַיְבָרֶךְ עֶזְרָא אֶת ה' הָאֱלֹהִים הַגָּדוֹל, וַיַּעֲנוּ כָל הָעָם אָמֵן אָמֵן, בְּמֹעַל [-בנשיאת] יְדֵיהֶם, וַיִּקְּדוּ וַיִּשְׁתַּחֲווּ לַה' אַפַּיִם אָרְצָה.

(ז) וְיֵשׁוּעַ, וּבָנִי, וְשֵׁרֵבְיָה, יָמִין, עַקּוּב, שַׁבְּתַי, הוֹדִיָּה, מַעֲשֵׂיָה, קְלִיטָא, עֲזַרְיָה, יוֹזָבָד, חָנָן, פְּלָאיָה וְהַלְוִיִּם, מְבִינִים אֶת הָעָם לַתּוֹרָה – מתרגמים לעם את דברי התורה שאמר עזרא, וְהָעָם עַל עָמְדָם – עומדים על רגליהם.

(ח) וַיִּקְרְאוּ בַסֵּפֶר את התורה שבכתב, וגם בְּתוֹרַת הָאֱלֹהִים המסורה בעל פה, מְפֹרָשׁ – תירגמו ופירשו להם את התורה שבכתב בשפתם, וְשׂוֹם שֶׂכֶל – הסבירו להם את הדברים שבעל פה, וַיָּבִינוּ בַּמִּקְרָא – הבינו כיצד הדברים שבעל פה נלמדים מתוך התורה שבכתב.