שיעור 300, ספר ירמיהו, פרק נב, לא-לד

לא וַיְהִי֩ בִשְׁלֹשִׁ֨ים וָשֶׁ֜בַע שָׁנָ֗ה לְגָלוּת֙ יְהֽוֹיָכִ֣ן מֶֽלֶךְ־יְהוּדָ֔ה בִּשְׁנֵי֤ם עָשָׂר֙ חֹ֔דֶשׁ בְּעֶשְׂרִ֥ים וַֽחֲמִשָּׁ֖ה לַחֹ֑דֶשׁ נָשָׂ֡א אֱוִ֣יל מְרֹדַךְ֩ מֶ֨לֶךְ בָּבֶ֜ל בִּשְׁנַ֣ת מַלְכֻת֗וֹ אֶת־רֹאשׁ֙ יְהֽוֹיָכִ֣ין מֶֽלֶךְ־יְהוּדָ֔ה וַיֹּצֵ֥א אֹת֖וֹ מִבֵּ֥ית הַכְּלֽוּא׃ לב וַיְדַבֵּ֥ר אִתּ֖וֹ טֹב֑וֹת וַיִּתֵּן֙ אֶת־כִּסְא֔וֹ מִמַּ֗עַל לְכִסֵּ֧א הַמְּלָכִ֛ים אֲשֶׁ֥ר אִתּ֖וֹ בְּבָבֶֽל׃ לג וְשִׁנָּ֕ה אֵ֖ת בִּגְדֵ֣י כִלְא֑וֹ וְאָכַ֨ל לֶ֧חֶם לְפָנָ֛יו תָּמִ֖יד כָּל־יְמֵ֥י חַיָּֽו׃ לד וַאֲרֻֽחָת֗וֹ אֲרֻחַת֩ תָּמִ֨יד נִתְּנָה־לּ֜וֹ מֵאֵ֧ת מֶֽלֶךְ־בָּבֶ֛ל דְּבַר־י֥וֹם בְּיוֹמ֖וֹ עַד־י֣וֹם מוֹת֑וֹ כֹּ֖ל יְמֵ֥י חַיָּֽיו׃

֍֍ ֍

(לא) וַיְהִי בִשְׁלֹשִׁים וָשֶׁבַע שָׁנָה לְגָלוּת יְהוֹיָכִן מֶלֶךְ יְהוּדָה, בִּשְׁנֵים עָשָׂר חֹדֶשׁ, בְּעֶשְׂרִים וַחֲמִשָּׁה לַחֹדֶשׁ, נָשָׂא – הגביה ורומם אֱוִיל מְרֹדַךְ מֶלֶךְ בָּבֶל (בנו של נבוכדנצר, שמלך לאחר שמת נבוכדנצר) בִּשְׁנַת מַלְכֻתוֹ הראשונה אֶת רֹאשׁ יְהוֹיָכִין מֶלֶךְ יְהוּדָה, וַיֹּצֵא אֹתוֹ מִבֵּית הַכְּלוּא.

(לב) וַיְדַבֵּר אִתּוֹ טֹבוֹת – דברים טובים ודברי ניחומים, וַיִּתֵּן אֶת כִּסְאוֹ מִמַּעַל לְכִסֵּא הַמְּלָכִים אֲשֶׁר אִתּוֹ בְּבָבֶל.

(לג) וְשִׁנָּה אֵת בִּגְדֵי כִלְאוֹ של יהויכין לבגדים טובים וחשובים, וְאָכַל יהויכין לֶחֶם לְפָנָיו תָּמִיד, כָּל יְמֵי חַיָּו.

(לד) וַאֲרֻחָתוֹ, אֲרֻחַת תָּמִיד לצורך בני ביתו (כי הוא עצמו היה אוכל על שולחן המלך), נִתְּנָה לּוֹ מֵאֵת מֶלֶךְ בָּבֶל, דְּבַר יוֹם בְּיוֹמוֹ, עַד יוֹם מוֹתוֹ של יהויכין, כֹּל יְמֵי חַיָּיו.