שיעור 33, ספר שופטים, פרק ט, א-ו
א וַיֵּ֨לֶךְ אֲבִימֶ֤לֶךְ בֶּן־יְרֻבַּ֨עַל֙ שְׁכֶ֔מָה אֶל־אֲחֵ֖י אִמּ֑וֹ וַיְדַבֵּ֣ר אֲלֵיהֶ֔ם וְאֶל־כָּל־מִשְׁפַּ֛חַת בֵּית־אֲבִ֥י אִמּ֖וֹ לֵאמֹֽר׃ ב דַּבְּרוּ־נָ֞א בְּאָזְנֵ֨י כָל־בַּֽעֲלֵ֣י שְׁכֶם֮ מַה־טּ֣וֹב לָכֶם֒ הַמְשֹׁ֨ל בָּכֶ֜ם שִׁבְעִ֣ים אִ֗ישׁ כֹּ֚ל בְּנֵ֣י יְרֻבַּ֔עַל אִם־מְשֹׁ֥ל בָּכֶ֖ם אִ֣ישׁ אֶחָ֑ד וּזְכַרְתֶּ֕ם כִּֽי־עַצְמְכֶ֥ם וּבְשַׂרְכֶ֖ם אָֽנִי׃ ג וַיְדַבְּר֨וּ אֲחֵֽי־אִמּ֜וֹ עָלָ֗יו בְּאָזְנֵי֙ כָּל־בַּֽעֲלֵ֣י שְׁכֶ֔ם אֵ֥ת כָּל־הַדְּבָרִ֖ים הָאֵ֑לֶּה וַיֵּ֤ט לִבָּם֙ אַֽחֲרֵ֣י אֲבִימֶ֔לֶךְ כִּ֥י אָֽמְר֖וּ אָחִ֥ינוּ הֽוּא׃ ד וַיִּתְּנוּ־לוֹ֙ שִׁבְעִ֣ים כֶּ֔סֶף מִבֵּ֖ית בַּ֣עַל בְּרִ֑ית וַיִּשְׂכֹּ֨ר בָּהֶ֜ם אֲבִימֶ֗לֶךְ אֲנָשִׁ֤ים רֵיקִים֙ וּפֹ֣חֲזִ֔ים וַיֵּֽלְכ֖וּ אַֽחֲרָֽיו׃ ה וַיָּבֹ֤א בֵית־אָבִיו֙ עָפְרָ֔תָה וַֽיַּהֲרֹ֞ג אֶת־אֶחָ֧יו בְּנֵֽי־יְרֻבַּ֛עַל שִׁבְעִ֥ים אִ֖ישׁ עַל־אֶ֣בֶן אֶחָ֑ת וַיִּוָּתֵ֞ר יוֹתָ֧ם בֶּן־יְרֻבַּ֛עַל הַקָּטֹ֖ן כִּ֥י נֶחְבָּֽא׃ ו וַיֵּאָ֨סְפ֜וּ כָּל־בַּֽעֲלֵ֤י שְׁכֶם֙ וְכָל־בֵּ֣ית מִלּ֔וֹא וַיֵּ֣לְכ֔וּ וַיַּמְלִ֥יכוּ אֶת־אֲבִימֶ֖לֶךְ לְמֶ֑לֶךְ עִם־אֵל֥וֹן מֻצָּ֖ב אֲשֶׁ֥ר בִּשְׁכֶֽם׃
֍ ֍ ֍
(א) וַיֵּלֶךְ אֲבִימֶלֶךְ בֶּן יְרֻבַּעַל שְׁכֶמָה, אֶל אֲחֵי אִמּוֹ, וַיְדַבֵּר אֲלֵיהֶם וְאֶל כָּל מִשְׁפַּחַת בֵּית אֲבִי אִמּוֹ לֵאמֹר.
(ב) דַּבְּרוּ נָא בְּאָזְנֵי כָל בַּעֲלֵי שְׁכֶם, מַה טּוֹב לָכֶם, הַמְשֹׁל בָּכֶם שִׁבְעִים אִישׁ, כֹּל בְּנֵי יְרֻבַּעַל, כי מאחר וכולם שוים בחשיבותם, ימשלו בכם כולם, אִם מְשֹׁל בָּכֶם אִישׁ אֶחָד, ובודאי טובת הכלל היא שימשול בהם אדם אחד, ולא בני אדם רבים. ואחרי שפיתה אותם בדבריו שכך היא טובת הכלל, הוסיף שגם מצד עצמם כדאי להם לבחור בו למשול בהם, מאחר והוא ממשפחתם, ולכן אמר, וּזְכַרְתֶּם גם כִּי עַצְמְכֶם וּבְשַׂרְכֶם אָנִי.
(ג) וַיְדַבְּרוּ אֲחֵי אִמּוֹ עָלָיו בְּאָזְנֵי כָּל בַּעֲלֵי שְׁכֶם אֵת כָּל הַדְּבָרִים הָאֵלֶּה, וַיֵּט לִבָּם אַחֲרֵי אֲבִימֶלֶךְ, ולא מחמת שקיבלו את דבריו שכך היא טובת הכלל, וגם לא מצד שהבטיחו לגדעון שבניו ימשלו בהם, אלא רק כִּי אָמְרוּ אָחִינוּ הוּא.
(ד) וַיִּתְּנוּ לוֹ שִׁבְעִים כֶּסֶף מִבֵּית אותה עבודה זרה ששמה בַּעַל בְּרִית, וַיִּשְׂכֹּר בָּהֶם אֲבִימֶלֶךְ אֲנָשִׁים רֵיקִים וּפֹחֲזִים, וַיֵּלְכוּ אַחֲרָיו.
(ה) וַיָּבֹא אל בֵית אָבִיו עָפְרָתָה, וַיַּהֲרֹג אֶת אֶחָיו בְּנֵי יְרֻבַּעַל, שִׁבְעִים אִישׁ עַל אֶבֶן אֶחָת, וַיִּוָּתֵר יוֹתָם בֶּן יְרֻבַּעַל הַקָּטֹן, כִּי נֶחְבָּא.
(ו) וַיֵּאָסְפוּ כָּל בַּעֲלֵי שְׁכֶם, וְכָל בֵּית מִלּוֹא, וַיֵּלְכוּ וַיַּמְלִיכוּ אֶת אֲבִימֶלֶךְ לְמֶלֶךְ, עִם אֵלוֹן מֻצָּב אֲשֶׁר בִּשְׁכֶם.
נ"ך מבואר ללימוד בקצב שלך. הנה זה כאן.
