שיעור 36, ספר עזרא, פרק ח, לא-לו
לא וַֽנִּסְּעָ֞ה מִנְּהַ֣ר אַֽהֲוָ֗א בִּשְׁנֵ֤ים עָשָׂר֙ לַחֹ֣דֶשׁ הָֽרִאשׁ֔וֹן לָלֶ֖כֶת יְרֽוּשָׁלִָ֑ם וְיַד־אֱלֹהֵ֨ינוּ֙ הָֽיְתָ֣ה עָלֵ֔ינוּ וַיַּ֨צִּילֵ֔נוּ מִכַּ֥ף אוֹיֵ֛ב וְאוֹרֵ֖ב עַל־הַדָּֽרֶךְ׃ לב וַנָּב֖וֹא יְרֽוּשָׁלִָ֑ם וַנֵּ֥שֶׁב שָׁ֖ם יָמִ֥ים שְׁלֹשָֽׁה׃ לג וּבַיּ֣וֹם הָֽרְבִיעִ֡י נִשְׁקַ֣ל הַכֶּסֶף֩ וְהַזָּהָ֨ב וְהַכֵּלִ֜ים בְּבֵ֣ית אֱלֹהֵ֗ינוּ עַ֠ל יַד־מְרֵמ֤וֹת בֶּן־אֽוּרִיָּה֙ הַכֹּהֵ֔ן וְעִמּ֖וֹ אֶלְעָזָ֣ר בֶּן־פִּֽינְחָ֑ס וְעִמָּהֶ֞ם יֽוֹזָבָ֧ד בֶּן־יֵשׁ֛וּעַ וְנֽוֹעַדְיָ֥ה בֶן־בִּנּ֖וּי הַלְוִיִּֽם׃ לד בְּמִסְפָּ֥ר בְּמִשְׁקָ֖ל לַכֹּ֑ל וַיִּכָּתֵ֥ב כָּֽל־הַמִּשְׁקָ֖ל בָּעֵ֥ת הַהִֽיא׃ לה הַ֠בָּאִים מֵֽהַשְּׁבִ֨י בְנֵֽי־הַגּוֹלָ֜ה הִקְרִ֥יבוּ עֹל֣וֹת ׀ לֵֽאלֹהֵ֣י יִשְׂרָאֵ֗ל פָּרִ֨ים שְׁנֵים־עָשָׂ֤ר עַל־כָּל־יִשְׂרָאֵל֙ אֵילִ֣ים ׀ תִּשְׁעִ֣ים וְשִׁשָּׁ֗ה כְּבָשִׂים֙ שִׁבְעִ֣ים וְשִׁבְעָ֔ה צְפִירֵ֥י חַטָּ֖את שְׁנֵ֣ים עָשָׂ֑ר הַכֹּ֖ל עוֹלָ֥ה לַֽיהוָֽה׃ לו וַֽיִּתְּנ֣וּ ׀ אֶת־דָּתֵ֣י הַמֶּ֗לֶךְ לַֽאֲחַשְׁדַּרְפְּנֵי֙ הַמֶּ֔לֶךְ וּפַֽחֲו֖וֹת עֵ֣בֶר הַנָּהָ֑ר וְנִשְּׂא֥וּ אֶת־הָעָ֖ם וְאֶת־בֵּ֥ית הָֽאֱלֹהִֽים׃
֍ ֍ ֍
(לא) וַנִּסְּעָה מִנְּהַר אַהֲוָא בִּשְׁנֵים עָשָׂר לַחֹדֶשׁ הָרִאשׁוֹן, חודש ניסן, לָלֶכֶת אל יְרוּשָׁלִָם, וְיַד אֱלֹהֵינוּ הָיְתָה עָלֵינוּ לטובה, וַיַּצִּילֵנוּ מִכַּף אוֹיֵב וְאוֹרֵב עַל הַדָּרֶךְ.
(לב) וַנָּבוֹא יְרוּשָׁלִָם, וַנֵּשֶׁב שָׁם יָמִים שְׁלֹשָׁה.
(לג) וּבַיּוֹם הָרְבִיעִי נִשְׁקַל הַכֶּסֶף וְהַזָּהָב וְהַכֵּלִים בְּבֵית אֱלֹהֵינוּ, עַל יַד מְרֵמוֹת בֶּן אוּרִיָּה הַכֹּהֵן, וְעִמּוֹ אֶלְעָזָר בֶּן פִּינְחָס, וְעִמָּהֶם יוֹזָבָד בֶּן יֵשׁוּעַ, וְנוֹעַדְיָה בֶן בִּנּוּי הַלְוִיִּם.
(לד) בְּמִסְפָּר בְּמִשְׁקָל לַכֹּל – כל הכלים נמסרו במספר ובמשקל, וַיִּכָּתֵב כָּל הַמִּשְׁקָל וכל המספר בָּעֵת הַהִיא.
(לה) הַבָּאִים מֵהַשְּׁבִי עם עזרא, בְנֵי הַגּוֹלָה, הִקְרִיבוּ עֹלוֹת לֵאלֹהֵי יִשְׂרָאֵל, והיו אלו קרבנות שהוקרבו כהוראת שעה באותו זמן, פָּרִים שְׁנֵים עָשָׂר עַל כָּל שבטי יִשְׂרָאֵל, אֵילִים תִּשְׁעִים וְשִׁשָּׁה, כְּבָשִׂים שִׁבְעִים וְשִׁבְעָה, צְפִירֵי חַטָּאת שְׁנֵים עָשָׂר, הַכֹּל עוֹלָה לַה'.
(לו) וַיִּתְּנוּ אֶת דָּתֵי הַמֶּלֶךְ שכתב להם, לַאֲחַשְׁדַּרְפְּנֵי הַמֶּלֶךְ, וּפַחֲווֹת עֵבֶר הַנָּהָר, וְנִשְּׂאוּ העמים שקיבלו את מכתבי המלך אֶת הָעָם, וְאֶת בֵּית הָאֱלֹהִים.
