שיעור 8, ספר דברי הימים א, פרק ב, ט-יז

ט וּבְנֵ֥י חֶצְר֖וֹן אֲשֶׁ֣ר נֽוֹלַד־ל֑וֹ אֶת־יְרַחְמְאֵ֥ל וְאֶת־רָ֖ם וְאֶת־כְּלוּבָֽי׃ י וְרָ֖ם הוֹלִ֣יד אֶת־עַמִּֽינָדָ֑ב וְעַמִּֽינָדָב֙ הוֹלִ֣יד אֶת־נַחְשׁ֔וֹן נְשִׂ֖יא בְּנֵ֥י יְהוּדָֽה׃ יא וְנַחְשׁוֹן֙ הוֹלִ֣יד אֶת־שַׂלְמָ֔א וְשַׂלְמָ֖א הוֹלִ֥יד אֶת־בֹּֽעַז׃ יב וּבֹ֨עַז֙ הוֹלִ֣יד אֶת־עוֹבֵ֔ד וְעוֹבֵ֖ד הוֹלִ֥יד אֶת־יִשָֽׁי׃ יג וְאִישַׁ֛י הוֹלִ֥יד אֶת־בְּכֹר֖וֹ אֶת־אֱלִיאָ֑ב וַאֲבִֽינָדָב֙ הַשֵּׁנִ֔י וְשִׁמְעָ֖א הַשְּׁלִשִֽׁי׃ יד נְתַנְאֵל֙ הָֽרְבִיעִ֔י רַדַּ֖י הַֽחֲמִישִֽׁי׃ טו אֹ֚צֶם הַשִּׁשִּׁ֔י דָּוִ֖יד הַשְּׁבִעִֽי׃ טז וְאַחְיֹֽתֵיהֶ֖ם צְרוּיָ֣ה וַֽאֲבִיגָ֑יִל וּבְנֵ֣י צְרוּיָ֗ה אַבְשַׁ֛י וְיוֹאָ֥ב וַֽעֲשָׂהאֵ֖ל שְׁלֹשָֽׁה׃ יז וַֽאֲבִיגַ֕יִל יָֽלְדָ֖ה אֶת־עֲמָשָׂ֑א וַֽאֲבִ֣י עֲמָשָׂ֔א יֶ֖תֶר הַיִּשְׁמְעֵאלִֽי׃

֍              ֍            ֍

(ט) וּבְנֵי חֶצְרוֹן אֲשֶׁר נוֹלַד לוֹ בחייו, והתייחסו אחריו, אֶת יְרַחְמְאֵל וְאֶת רָם וְאֶת כְּלוּבָי [אמנם מלבדם היו לו בנים נוספים, אלא שלא התייחסו אחריו, וכמו שיבואר להלן (פסוק כא). וכן נולדו לו בנים נוספים לאחר מותו, וכמו שיבואר להלן (פסוק כד)].

(י) וְרָם הוֹלִיד אֶת עַמִּינָדָב, וְעַמִּינָדָב הוֹלִיד אֶת נַחְשׁוֹן, נְשִׂיא בְּנֵי יְהוּדָה.

(יא) וְנַחְשׁוֹן הוֹלִיד אֶת שַׂלְמָא, וְשַׂלְמָא הוֹלִיד אֶת בֹּעַז.

(יב) וּבֹעַז הוֹלִיד אֶת עוֹבֵד, וְעוֹבֵד הוֹלִיד אֶת יִשָׁי.

(יג) וְאִישַׁי הוֹלִיד אֶת בְּכֹרוֹ אֶת אֱלִיאָב, וַאֲבִינָדָב הַשֵּׁנִי, וְשִׁמְעָא הַשְּׁלִשִׁי.

(יד) נְתַנְאֵל הָרְבִיעִי, רַדַּי הַחֲמִישִׁי.

(טו) אֹצֶם הַשִּׁשִּׁי, דָּוִיד הַשְּׁבִעִי.

(טז) וְאַחְיֹתֵיהֶם, צְרוּיָה וַאֲבִיגָיִל. וּבְנֵי צְרוּיָה, אַבְשַׁי, וְיוֹאָב, וַעֲשָׂהאֵל, שְׁלֹשָׁה.

(יז) וַאֲבִיגַיִל יָלְדָה אֶת עֲמָשָׂא, וַאֲבִי עֲמָשָׂא יֶתֶר הַיִּשְׁמְעֵאלִי, ומכונה כך כיון שהיה גר בארץ ישמעאל.