יום חמישי
ט' כסלו התשפ"ז

חיפוש בארכיון

פרקים קיז – קיח

נֶאֱמַר עַל יְמוֹת הַמָּשִׁיחַ בְּשָׁעָה שֶׁיַּהַפְכוּ כָּל הָעַמִּים שָׂפָה בְּרוּרָה לִקְרֹא כֻּלָּם בְּשֵּׁם ה' (מאירי).

 

קיז (א) הַֽלְל֣וּ אֶת־֖יְהֹוָה כָּל־גּוֹיִ֑ם, ֜שַׁבְּח֗וּהוּ כָּל־הָֽאֻמִּים לאוּמים: (ב) כִּ֥י גָ֘בַ֤ר עָלֵ֨ינוּ | חַסְדּ֗וֹ, וֶֽאֱמֶת־יְהֹוָ֣ה ֜לְעוֹלָ֗ם  נאמנות ה' נשארת לעולם, הַֽלְלוּיָהּ:

 

יְכַוֵּן כְּאִלּוּ מַמָּשׁ אוֹמֵר לְנֹכַח בֵּית יִשְׂרָאֵל אַהֲרֹן וְלֵוִי: עֲלֵיכֶם מֻטָּל תָּמִיד לְהוֹדוֹת לַה', כִּי טוֹב וְיָשָׁר לְהוֹדוֹת לוֹ, בַּעֲבוּר כִּי לְעוֹלָם חַסְדּוֹ הַגָּדוֹל עָלֵינוּ (יסוה"ע).

 

קיח (א) הוֹד֣וּ לַֽיהֹוָ֣ה כִּי־ט֑וֹב, כִּ֖י לְעוֹלָ֣ם חַסְדּֽוֹ: (ב) יֹֽאמַר־נָ֥א יִשְׂרָאֵ֑ל דִּבְרֵי הודיה, כִּ֖י לְעוֹלָ֣ם חַסְדּֽוֹ: (ג) יֹֽאמְרוּ־נָ֥א בֵֽית־אַֽהֲרֹ֑ן, כִּ֖י לְעוֹלָ֣ם חַסְדּֽוֹ: (ד) יֹֽאמְרוּ־֖נָא יִרְאֵ֣י יְהֹוָ֑ה, כִּ֖י לְעוֹלָ֣ם חַסְדּֽוֹ: (ה) מִֽן־֖הַמֵּצַר קָרָ֣אתִי יָּ֑הּ, עָנָ֖נִי בַמֶּרְחָ֣ב יָֽהּ  ה' הוציאני מצרה לרוחה: (ו) יְהֹוָ֣ה ֖לִי לֹ֣א אִירָ֑א, מַה־יַּֽעֲשֶׂ֖ה לִ֣י אָדָֽם: (ז) יְהֹוָ֣ה ֖לִי בְּעֹֽזְרָ֑י, ֜וַֽאֲנִ֗י אֶרְאֶ֥ה נקמתו בְשֹֽׂנְאָי: (ח) ט֗וֹב לַֽחֲס֥וֹת בַּֽיהֹוָ֑ה, ֜מִבְּטֹ֗חַ בָּֽאָדָם: (ט) ט֗וֹב לַֽחֲס֥וֹת בַּֽיהֹוָ֑ה, ֜מִבְּטֹ֗חַ בִּנְדִיבִֽים: (י) כָּל־גּוֹיִ֥ם סְבָב֑וּנִי הקיפוני [במלחמת גוג ומגוג] , בְּשֵׁ֥ם ֜יְהֹוָ֗ה כִּ֣י אֲמִילַֽם אבטח בה' שאכריתם : (יא) סַבּ֥וּנִי גַם־סְבָב֑וּנִי כמה פעמים, בְּשֵׁ֥ם ֜יְהֹוָ֗ה אבטח כִּ֣י אֲמִילַֽם: (יב) סַבּ֤וּנִי כִדְבֹרִ֗ים ֖דֹּֽעֲכוּ אֲבָל כבו במהרה  כְּאֵ֣שׁ קוֹצִ֑ים, בְּשֵׁ֥ם ֜יְהֹוָ֗ה אבטח כִּ֣י אֲמִילַֽם אכריתם: (יג) דָּחֹ֣ה דְחִיתַ֣נִי האויב לִנְפֹּ֑ל, וַי֖הֹוָ֣ה עֲזָרָנִי: (יד) עָזִּ֣י וְזִמְרָ֣ת יָ֑הּ כח ונקמת ה', וַֽיְהִי־֜לִ֗י לִֽישׁוּעָה: (טו) ק֤וֹל | רִנָּ֬ה וִֽישׁוּעָ֗ה בְּאָֽהֳלֵ֥י צַדִּיקִ֑ים,  שמשבחים ה' ואומרים: יְמִ֥ין ֜יְהֹוָ֗ה עֹ֣שָׂה [מלעיל] חָֽיִל: (טז) יְמִ֣ין ֖יְהֹוָה רֽוֹמֵמָ֑ה, יְמִ֥ין ֜יְהֹוָ֗ה עֹ֣שָׂה [מלעיל] חָֽיִל: (יז) לֹֽא־אָמ֥וּת כִּי־אֶֽחְיֶ֑ה, ֜וַֽאֲסַפֵּ֗ר מַֽעֲשֵׂ֥י יָֽהּ: (יח) יַסֹּ֣ר יִסְּרַ֣נִּי יָּ֑הּ, ֜וְלַמָּ֗וֶת אֲבָל למיתה [ע"י אויבַי]  לֹ֣א נְתָנָֽנִי: (יט) פִּתְחוּ־לִ֥י שַֽׁעֲרֵי־צֶ֑דֶק, אָֽבֹא־֜בָ֗ם אוֹדֶ֥ה יָֽהּ: (כ) זֶֽה־הַשַּׁ֥עַר לַֽיהֹוָ֑ה, ֜צַדִּיקִ֗ים יָבֹ֥אוּ בֽוֹ להודות לה' : (כא) ולכשאכנס אומַר  ֖אֽוֹדְךָ כִּ֣י עֲנִיתָ֑נִי ענית לתפילתי בהיותי במיצר , וַתְּהִי־ ֜לִ֗י לִֽישׁוּעָה: (כב) ֖אֶבֶן מָֽאֲס֣וּ הַבּוֹנִ֑ים [האומות מאסו בעַם ישראל] , ולבסוף ֜הָֽיְתָ֗ה לְרֹ֣אשׁ פִּנָּֽה [עליהם עומד כל העוֹלָם] : (כג) מֵאֵ֣ת ֖יְהֹוָה הָ֣יְתָה זֹּ֑את, הִ֖יא נִפְלָ֣את בְּעֵינֵֽינוּ: (כד) זֶֽה־֖הַיּוֹם עָשָׂ֣ה יְהֹוָ֑ה, ולכן נָגִ֖ילָה וְנִשְׂמְחָ֣ה בֽוֹ: (כה) אָֽנָּ֣א ֖יְהֹוָה הוֹשִׁ֣יעָה נָּ֑א, אָֽנָּ֥א ֜יְהֹוָ֗ה הַצְלִ֘יחָ֥ה [מלרע] נָּֽא: (כו)  ואז יענו הכהנים: בָּר֣וּךְ ֖הַבָּא  לביהמ"ק להקריב קרבנות בְּשֵׁ֣ם יְהֹוָ֑ה  בעבור שם ה', ֜בֵּרַֽכְנוּכֶ֗ם מִבֵּ֥ית יְהֹוָֽה: (כז) אֵ֤ל | יְהֹוָה֘ וַיָּ֪אֶ֫ר לָ֥נוּ הוציאנו מאפלה לאורה , אִסְרוּ־חַ֥ג בַּֽעֲבֹתִ֑ים קִשרו הקָרְבַּן בחבלי עבות , עַד־֜קַרְנ֗וֹת הַמִּזְבֵּֽחַ להיות נשמר עד שיִשָחֵט ויִזָרֵק דמו עַל המזבח : (כח) אֵלִ֣י אַתָּ֣ה וְאוֹדֶ֑ךָּ, ֜אֱלֹהַ֗י אֲרֽוֹמְמֶךָּ: (כט) הוֹד֣וּ לַֽיהֹוָ֣ה כִּי־ט֑וֹב, כִּ֖י לְעוֹלָ֣ם קיים חַסְדּֽוֹ:

 

האם "זמני היום" באתר יועילו לך?