תְּפִלָּה עַל אֲרִיכוּת הַגָּלוּת (ספורנו). וְנֶאֱמַר בּוֹ ד' פְּעָמִים 'עַד אָנָה' כְּנֶגֶד ד' מַלְכֻיּוֹת שֶׁיְּשַׁעְבְּדוּ אֶת יִשְׂרָאֵל (שוח"ט).
(א) לַֽמְנַצֵּ֗חַ, מִזְמ֥וֹר לְדָוִֽד: (ב) עַד־אָ֣נָה ֖יְהֹוָה תִּשְׁכָּחֵ֣נִי נֶ֑צַח, עַד־אָ֓נָה | תַּסְתִּ֖יר אֶת־פָּנֶ֣יךָ מִמֶּֽנִּי: (ג) עַד־אָ֨נָה אָשִׁ֪ית עֵצ֡וֹת בְּנַפְשִׁ֗י איך להמלט מהצרה , יָג֣וֹן בִּלְבָבִ֣י יוֹמָ֑ם, עַד־אָ֓נָה | יָר֖וּם אֹֽיְבִ֣י עָלָֽי: (ד) הַבִּ֣יטָה ֖עֲנֵנִי יְהֹוָ֣ה אֱלֹהָ֑י, הָאִ֥ירָה ֜עֵינַ֗י פֶּן־אִישַׁ֥ן הַמָּֽוֶת [האויב ימיתני]: (ה) פֶּן־יֹאמַ֣ר אֹֽיְבִ֣י יְכָלְתִּ֑יו, צָרַ֥י ֜יָגִ֗ילוּ כִּ֣י אֶמּֽוֹט: (ו) וַֽאֲנִ֤י | בְּחַסְדְּךָ֣ בָטַחְתִּי֘, יָ֤גֵ֥ל לִבִּ֗י בִּישֽׁוּעָ֫תֶ֥ךָ, אָשִׁ֥ירָה לַֽיהֹוָ֑ה, כִּ֖י גָמַ֣ל עָלָֽי הביא הטוב הזֶה בעבורי:
