יום חמישי
ט' כסלו התשפ"ז

חיפוש בארכיון

פרק נה

מִזְמוֹר זֶה אֲמָרוֹ דָּוִד בְּבָרְחוֹ מִפְּנֵי אַבְשָׁלוֹם בְּנוֹ, וּכְשֶׁהִתְבָּרֵר לוֹ כִּי אֲחִיתֹפֶל בַּקּוֹשְׁרִים, וּלְיִרְאָתוֹ אוֹתוֹ הִתְפַּלֵּל לה' שֶׁיְּסַכֵּל עֲצָתוֹ (אבן יחייא).

 

(א) לַֽמְנַצֵּ֥חַ בִּנְגִינֹ֗ת לנגנו בנעימה בביהמ"ק , מַשְׂכִּ֥יל לְדָוִֽד: (ב) הַֽאֲזִ֣ינָה ֖אֱלֹהִים תְּפִלָּתִ֑י, וְאַל־֜תִּתְעַלַּ֗ם מִתְּחִנָּתִֽי: (ג) הַקְשִׁ֣יבָה לִּ֣י וַֽעֲנֵ֑נִי, אָרִ֖יד בְּשִׂיחִ֣י וְאָהִֽימָה אתאונן בסיפור תלאותַי ואהמה בקולי : (ד) מִקּ֤וֹל אוֹיֵ֗ב [אבשלום] מִפְּנֵי עָקַ֣ת רָשָׁ֑ע [לַחַץ צָרַת אחיתופל] , כִּֽי־יָמִ֣יטוּ עָלַ֥י ֜אָ֗וֶן  יביאו עלי אסון ושֶבר וּבְאַ֥ף יִשְׂטְמוּנִי בכעס ובחימה יִשנאוני : (ה) ֖לִבִּי יָחִ֣יל ירעד בְּקִרְבִּ֑י מקול האויב, וְאֵימ֥וֹת ֜מָ֗וֶת נָֽפְל֥וּ עָלָֽי בעת רדיפתם פחדתי פחדים של מָוֶת : (ו) יִרְאָ֣ה ֖וָרַעַד יָ֣בֹא בִ֑י, ֜וַתְּכַסֵּ֗נִי פַּלָּצוּת רעדה בכל האברים : (ז) וָֽאֹמַ֗ר מִֽי־יִתֶּן־לִ֣י ֖אֵבֶר כַּיּוֹנָ֗ה הלואי והיו לי כנפיים כיונה , אָע֥וּפָה וְאֶשְׁכֹּנָה אמצא מקום מנוחה : (ח) ֖הִנֵּה אַרְחִ֣יק נְדֹ֑ד, אָלִ֖ין בַּמִּדְבָּ֣ר סֶלָה: (ט) אָחִ֣ישָׁה מִפְלָ֣ט לִ֑י, מֵר֖וּחַ סֹעָ֣ה מִסָּֽעַר מרוח הנוסעת בעת צרה : (י) בַּלַּ֣ע הַשְחֵת ֖אֲדֹנָי פַּלַּ֣ג לְשׁוֹנָ֑ם [תשים מחלוקת ביניהם] , כִּֽי־רָאִ֨יתִי חָמָ֖ס וְרִ֣יב בָּעִֽיר שֶלהם: (יא) יוֹמָ֤ם וָלַ֗יְלָה יְסֽוֹבְבֻ֥הָ החמס והריב עַל־חֽוֹמֹתֶ֑יהָ, וְאָ֖וֶן וְעָמָ֣ל בְּקִרְבָּֽהּ: (יב) הַוּ֥וֹת שֶבֶר ורוע בְּקִרְבָּ֑הּ, וְֽלֹא־יָמִ֥ישׁ ֜מֵֽרְחֹבָ֗הּ תֹּ֣ךְ שקר וּמִרְמָֽה: (יג)  [בגידת אחיתופל קשה] כִּ֤י לֹֽא־אוֹיֵ֥ב יְחָֽרְפֵ֗נִי וְאֶ֫שָּׂ֥א אסבול את החֵרוף , לֹֽא־֖מְשַׂנְאִי עָלַ֣י הִגְדִּ֑יל וְאֶסָּתֵ֥ר מִמֶּֽנּוּ שאדע להשמר ממנו : (יד) וְאַתָּ֣ה אֱנ֣וֹשׁ כְּעֶרְכִּ֑י  אֶלָּא אתה אחיתופל היית אדם חשוב כמוני, ֜אַלּוּפִ֗י וּמְיֻדָּעִֽי: (טו) אֲשֶׁ֣ר ֖יַחְדָּו נַמְתִּ֣יק ס֑וֹד  היינו מטכְּסים עצה, בְּבֵ֥ית ֜אֱלֹהִ֗ים נְהַלֵּ֥ךְ בְּרָגֶשׁ נכנסנו ויצאנו בחבורה : (טז) יַשִּׁ֤יא מָ֨וֶת | ישימות עָלֵ֗ימוֹ יה"ר שיפתה ויסית עליהם את המָוֲת , יֵֽרְד֣וּ שְׁא֣וֹל חַיִּ֑ים, כִּֽי־רָע֖וֹת בִּמְגוּרָ֣ם בְּקִרְבָּֽם בקרב בֵּיתם וגם בקרבם פנימה : (יז)  וכשירצו להרע לי ֖אֲנִי אֶל־אֱלֹהִ֣ים אֶקְרָ֑א, ֜וַֽיהֹוָ֗ה יֽוֹשִׁיעֵנִי: (יח) עֶ֤רֶב וָבֹ֣קֶר ֖וְצָֽהֳרַיִם אָשִׂ֣יחָה וְאֶֽהֱמֶ֑ה בבכיה לקב"ה, וַיִּשְׁמַ֥ע קוֹלִֽי: (יט) פָּ֘דָ֤ה בְשָׁל֣וֹם ֖נַפְשִׁי מִקְּרָב־לִ֑י מלהתקרב אֵלַי, כִּֽי־ ֜בְרַבִּ֗ים הָי֥וּ עִמָּדִֽי  עַם רָב נלחמו נגדי: (כ) יִשְׁמַ֤ע | אֵ֨ל | וְֽיַעֲנֵם֘ ויכניעם וְיֹ֤שֵׁ֥ב [מלעיל] קֶ֗דֶם סֶ֥֫לָה, אֲשֶׁ֤ר אֵ֣ין חֲלִיפ֣וֹת לָ֑מוֹ  אינם מחליפים מִדותיהם הרעות וְלֹ֖א יָֽרְא֣וּ אֱלֹהִֽים: (כא) שָׁלַ֣ח ֖יָדָיו בִּשְׁלֹמָ֗יו, חִלֵּ֥ל בְּרִיתֽוֹ  אשר כרת עִמי: (כב) חָֽלְק֤וּ | מַֽחְמָאֹ֣ת פִּיו֘  היו חֲלקים ורכים דבריו בדברי חנופה יותר מֵחֶמְאָה, וּֽקְרָב־לִ֫בּ֥וֹ אבל מחשבות מלחמה בְּלבו , רַכּ֖וּ דְבָרָ֥יו מִשֶּׁ֗מֶן יותר משֶמֶן, וְהֵ֣מָּה פְתִחֽוֹת  אבל הם כּחרבות שלופות: (כג) הַשְׁלֵ֤ךְ עַל־יְהֹוָ֨ה | יְהָֽבְךָ֘ מַשָׂאֲךָ וְה֪וּא יְכַ֫לְכְּלֶ֥ךָ, לֹֽא־יִתֵּ֖ן לְעוֹלָ֥ם ֜מ֗וֹט לַצַּדִּֽיק: (כד) וְאַתָּ֤ה אֱלֹהִ֨ים | תּֽוֹרִ֬דֵם | לִבְאֵ֬ר שַׁ֗חַת, אַנְשֵׁ֤י דָמִ֣ים ֖וּמִרְמָה לֹא־יֶֽחֱצ֣וּ יְמֵיהֶ֑ם  לא יחיו אף חצי מהימים שנקצבו להם, ֜וַֽאֲנִ֗י אֶבְטַח־בָּֽךְ:

 

האם "זמני היום" באתר יועילו לך?