זֶה הַמִּזְמוֹר חִבְּרוֹ דָוִד בְּשָּׁעָה שֶׁבָּרַח מִפְּנֵי שָאוּל, וְאָמַר תְפִלָה זוֹ לָאֵל ית' שֶׁיִשְׁמְרֵהוּ וְיוֹשִׁיעֵהוּ מִיַּד מְבַקְשֵׁי נַפְשׁוֹ (רד"ק). וְהָאר"י ז"ל הִזְהִיר מְאֹד לְאָמְרָהּ בְּכַוָּנָה עֲצוּמָה (יסוה"ע).
(א) תְּפִלָּ֗ה לְדָ֫וִ֥ד, הַטֵּֽה־יְהֹוָ֣ה אָזְנְךָ֣ עֲנֵ֑נִי, כִּֽי־עָנִ֖י וְאֶבְי֣וֹן אָֽנִי: (ב) שָֽׁמְרָ֣ה נַפְשִׁי֘ כִּֽי־חָסִ֪יד אָ֥נִי אני מעביר על מידותי, הוֹשַׁ֣ע ֖עַבְדְּךָ אַתָּ֣ה אֱלֹהַ֑י, הַבּוֹטֵ֥חַ אֵלֶיךָ: (ג) חָנֵּ֥נִי אֲדֹנָ֑י, כִּֽי־אֵלֶ֥יךָ ֜אֶקְרָ֗א כָּל־ הַיּֽוֹם: (ד) ֖שַׂמֵּחַ נֶ֣פֶשׁ עַבְדֶּ֑ךָ, כִּ֥י־אֵלֶ֥יךָ ֜אֲדֹנָ֗י נַפְשִׁ֥י אֶשָּֽׂא לבי אכוון: (ה) כִּֽי־אַתָּ֣ה ֖אֲדֹנָי ט֣וֹב וְסַלָּ֑ח לחוטאים, וְרַב־֜חֶ֗סֶד לְכָל־קֹֽרְאֶיךָ: (ו) הַֽאֲזִ֣ינָה ֖יְהֹוָה תְּפִלָּתִ֑י, ֜וְהַקְשִׁ֗יבָה בְּק֣וֹל תַּחֲנֽוּנוֹתָי: (ז) בְּי֣וֹם ֖צָֽרָתִי ֜אֶקְרָאֶ֗ךָּ, כִּ֣י תַֽעֲנֵנִי: (ח) אֵֽין־כָּמ֖וֹךָ בָֽאֱלֹהִ֥ים | אֲדֹנָ֗י, וְאֵ֣ין כְּֽמַעֲשֶׂיךָ: (ט) ולעתיד לבא כָּל־גּוֹיִ֤ם | אֲשֶׁ֥ר עָשִׂ֗יתָ יָב֤וֹאוּ | וְיִשְׁתַּֽחֲו֣וּ לְפָנֶ֣יךָ אֲדֹנָ֑י, וִ֖יכַבְּד֣וּ לִשְׁמֶךָ: (י) שיכירו אז כִּֽי־גָד֣וֹל ֖אַתָּה וְעֹשֵׂ֣ה נִפְלָא֑וֹת, אַתָּ֖ה אֱלֹהִ֣ים לְבַדֶּךָ: (יא) ה֘וֹרֵ֤נִי יְהֹוָ֨ה | דַּרְכֶּ֗ךָ, לְמַעַן אֲהַלֵּ֥ךְ בַּֽאֲמִתֶּ֑ךָ, יַחֵ֥ד ֜לְבָבִ֗י לְיִרְאָ֥ה שְׁמֶךָ: (יב) אֽוֹדְךָ֤ | אֲדֹנָ֣י ֖אֱלֹהַי בְּכָל־ לְבָבִ֑י, וַֽאֲכַבְּדָ֖ה שִׁמְךָ֣ לְעוֹלָֽם: (יג) כִּֽי־֖חַסְדְּךָ גָּד֣וֹל עָלָ֑י, וְהִצַּ֥לְתָּ ֜נַפְשִׁ֗י מִשְּׁא֥וֹל תַּחְתִּיָּֽה: (יד) אֱלֹהִ֤ים |, זֵ֘דִ֤ים קָֽמוּ־עָלַ֗י, וַֽעֲדַ֣ת ֖עָֽרִיצִים חזקים בִּקְשׁ֣וּ נַפְשִׁ֑י, וְלֹ֖א שָׂמ֣וּךָ לְנֶגְדָּֽם: (טו) וְאַתָּ֣ה ֖אֲדֹנָי אולם אתה ה' אֵֽל־רַח֣וּם וְחַנּ֑וּן, אֶ֥רֶךְ ֜אַפַּ֗יִם וְרַב־חֶ֥סֶד וֶֽאֱמֶת מקיים הבטחתו: (טז) פְּנֵ֥ה אֵלַ֗י וְחָ֫נֵּ֥נִי, תְּנָֽה־עֻזְּךָ֥ לְעַבְדֶּ֑ךָ, ֜וְהוֹשִׁ֗יעָה לְבֶן־אֲמָתֶךָ: (יז) עֲשֵֽׂה־עִמִּ֥י א֗וֹת לְט֫וֹבָ֥ה שאתה עמדי, וְיִרְא֣וּ שֹֽׂנְאַ֣י וְיֵבֹ֑שׁוּ, לפי שיראו כִּֽי־אַתָּ֥ה ֜יְהֹוָ֗ה עֲזַרְתַּ֥נִי וְנִֽחַמְתָּנִי:
