בְּזֶה הַמִּזְמוֹר הִזְּהִיר הַמְּשׁוֹרֵר אֶת עַצְמוֹ וְאֶת זוּלָתוֹ לְפַרְסֵם אֶת דַּרְכֵי טוּב הָאֵל ית', לְמַעַן תִּכָּנֵס אַהֲבָתוֹ בְּכָל לֵב שׁוֹמֵעַ וְיַעַבְדוּהוּ מֵאַהֲבָה (ספורנו).
(א) לְדָוִ֨ד |, בָּֽרְכִ֣י ֖נַפְשִׁי אֶת־יְהֹוָ֑ה, וְכָל־֜קְרָבַ֗י אברי גופי הפנימיים אֶת־שֵׁ֥ם קָדְשֽׁוֹ: (ב) בָּֽרְכִ֣י ֖נַפְשִׁי אֶת־יְהֹוָ֑ה, וְאַֽל־ ֜תִּשְׁכְּחִ֗י כָּל־גְּמוּלָֽיו את חסדיו שגמל עִמֵך: (ג) הַסֹּלֵ֥חַ לְכָל־עֲוֹנֵ֑כִי, ֜הָֽרֹפֵ֗א לְכָל־ תַּֽחֲלוּאָיְכִי מחלותַיִך: (ד) הַגּוֹאֵ֣ל מִשַּׁ֣חַת חַיָּ֑יְכִי, ֜הַֽמְעַטְּרֵ֗כִי חֶ֣סֶד וְרַֽחֲמִים המקיפך מכל צד בְּחסד וברחמים : (ה) הַמַּשְׂבִּ֣יעַ בַּטּ֣וֹב עֶדְיֵ֑ךְ אֶת פִיך, תִּתְחַדֵּ֖שׁ כַּנֶּ֣שֶׁר נְעוּרָיְכִי: (ו) עֹשֵׂ֣ה צְדָק֣וֹת יְהֹוָ֑ה, ֜וּמִשְׁפָּטִ֗ים לְכָל־ עֲשׁוּקִֽים מציל העשוק מיד עושקיו : (ז) יוֹדִ֣יעַ דְּרָכָ֣יו [י"ג מידותיו] לְמֹשֶׁ֑ה, לִבְנֵ֥י ֜יִשְׂרָאֵ֗ל עֲלִֽילוֹתָיו יודיע מעשיו הנוראים : (ח) רַח֣וּם וְחַנּ֣וּן יְהֹוָ֑ה, אֶ֖רֶךְ אַפַּ֣יִם וְרַב־חָסֶד: (ט) לֹֽא־לָנֶ֥צַח יָרִ֑יב לא יכעס וינקום בחוטאים לאורך זמן, וְלֹ֖א לְעוֹלָ֣ם יִטּֽוֹר להם איבה: (י) לֹ֣א ֖כַֽחֲטָאֵינוּ עָ֣שָׂה לָ֑נוּ לא הענישנו כחומרת שגגותינו, וְלֹ֥א ֜כַעֲוֹֽנֹתֵ֗ינוּ גָּמַ֥ל עָלֵֽינוּ: (יא) כִּ֤י כִגְבֹ֣הַּ ֖שָׁמַיִם עַל־הָאָ֑רֶץ כפי ערך גַבְהוּת השמים מהארץ, כך גָּבַ֥ר ֜חַסְדּ֗וֹ עַל־יְרֵאָֽיו אשר עשו תשובה על עוונותהם : (יב) כִּרְחֹ֣ק ֖מִזְרָח מִֽמַּעֲרָ֑ב, כך הִֽרְחִ֥יק ֜מִמֶּ֗נּוּ אֶת־פְּשָׁעֵֽינוּ: (יג) כְּרַחֵ֣ם ֖אָב עַל־בָּנִ֑ים, כך רִחַ֥ם ֜יְהֹוָ֗ה עַל־ יְרֵאָֽיו: (יד) כִּי־֖הוּא יָדַ֣ע יִצְרֵ֑נוּ שנוצרנו מעפר, ֜זָכ֗וּר כִּֽי־עָפָ֥ר אֲנָֽחְנוּ זכוּר לפניו כי יסוֹדנו מעפר: (טו) למרות שֶ ֖אֱנוֹשׁ כֶּֽחָצִ֣יר יָמָ֑יו, כְּצִ֥יץ ֜הַשָּׂדֶ֗ה כֵּ֣ן יָצִֽיץ יִפרח ומיד ינבול: (טז) כִּ֤י ר֣וּחַ עָֽבְרָה־בּ֣וֹ וְאֵינֶ֑נּוּ כאשר הרוח תְיַבְּשוֹ מיד יִבּוֹל, וְלֹֽא־ יַכִּירֶ֖נּוּ ע֣וֹד מְקוֹמֽוֹ לא יִשַאֵר לו זֵכֶר כי יִשַכַּח מִלֶב : (יז) אולם וְחֶ֤סֶד יְהֹוָ֨ה | מֵֽעוֹלָ֣ם וְעַד־֖עוֹלָם עַל־יְרֵאָ֑יו, ֜וְצִדְקָת֗וֹ לִבְנֵ֥י בָנִֽים ישמור לבניהם את צדקתו : (יח) לְשֹֽׁמְרֵ֥י בְרִית֑וֹ, וּלְזֹֽכְרֵ֥י ֜פִקֻּדָ֗יו לַֽעֲשׂוֹתָם: (יט) יְֽהֹוָ֗ה ֖בַּשָּׁמַיִם הֵכִ֣ין כִּסְא֑וֹ יסד מַלְכוּתוֹ, ֜וּמַלְכוּת֗וֹ בַּכֹּ֥ל מָשָֽׁלָה: (כ) בָּֽרְכ֥וּ יְהֹוָ֗ה מַלְאָ֫כָ֥יו, גִּבֹּ֣רֵי ֖כֹחַ עֹשֵׂ֣י דְבָר֑וֹ, שכל מגמתם ֜לִשְׁמֹ֗עַ בְּק֣וֹל דְּבָרֽוֹ: (כא) בָּֽרְכ֣וּ ֖יְהֹוָה כָּל־צְבָאָ֑יו כל צבא השמים , ֜מְשָֽׁרְתָ֗יו עֹשֵׂ֥י רְצוֹנֽוֹ: (כב) בָּֽרְכ֤וּ יְהֹוָ֨ה | כָּֽל־מַֽעֲשָׂ֗יו בְּכָל־מְקֹמ֥וֹת מֶמְשַׁלְתּ֑וֹ, וגם בָּֽרְכִ֥י ֜נַפְשִׁ֗י אֶת־יְהֹוָֽה:
