שיעור 134, ספר מלכים א', פרק כב, מא-נד
מא וִיהֽוֹשָׁפָט֙ בֶּן־אָסָ֔א מָלַ֖ךְ עַל־יְהוּדָ֑ה בִּשְׁנַ֣ת אַרְבַּ֔ע לְאַחְאָ֖ב מֶ֥לֶךְ יִשְׂרָאֵֽל׃ מב יְהֽוֹשָׁפָ֗ט בֶּן־שְׁלֹשִׁ֨ים וְחָמֵ֤שׁ שָׁנָה֙ בְּמָלְכ֔וֹ וְעֶשְׂרִ֤ים וְחָמֵשׁ֙ שָׁנָ֔ה מָלַ֖ךְ בִּירֽוּשָׁלִָ֑ם וְשֵׁ֣ם אִמּ֔וֹ עֲזוּבָ֖ה בַּת־שִׁלְחִֽי׃ מג וַיֵּ֗לֶךְ בְּכָל־דֶּ֛רֶךְ אָסָ֥א אָבִ֖יו לֹא־סָ֣ר מִמֶּ֑נּוּ לַֽעֲשׂ֥וֹת הַיָּשָׁ֖ר בְּעֵינֵ֥י הֽ'׃ מד אַ֥ךְ הַבָּמ֖וֹת לֹֽא־סָ֑רוּ ע֥וֹד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֽוֹת׃ מה וַיַּשְׁלֵ֥ם יְהֽוֹשָׁפָ֖ט עִם־מֶ֥לֶךְ יִשְׂרָאֵֽל׃ מו וְיֶ֨תֶר דִּבְרֵ֧י יְהֽוֹשָׁפָ֛ט וּגְבֽוּרָת֥וֹ אֲשֶׁר־עָשָׂ֖ה וַֽאֲשֶׁ֣ר נִלְחָ֑ם הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ מז וְיֶ֨תֶר֙ הַקָּדֵ֔שׁ אֲשֶׁ֣ר נִשְׁאַ֔ר בִּימֵ֖י אָסָ֣א אָבִ֑יו בִּעֵ֖ר מִן־הָאָֽרֶץ׃ מח וּמֶ֥לֶךְ אֵ֛ין בֶּֽאֱד֖וֹם נִצָּ֥ב מֶֽלֶךְ׃ מט יְהֽוֹשָׁפָ֡ט עָשָׂה֩ אֳנִיּ֨וֹת תַּרְשִׁ֜ישׁ לָלֶ֧כֶת אֹפִ֛ירָה לַזָּהָ֖ב וְלֹ֣א הָלָ֑ךְ כִּֽי־נִשְׁבְּר֥וּ אֳנִיּ֖וֹת בְּעֶצְי֥וֹן גָּֽבֶר׃ נ אָ֠ז אָמַ֞ר אֲחַזְיָ֤הוּ בֶן־אַחְאָב֙ אֶל־יְה֣וֹשָׁפָ֔ט יֵֽלְכ֧וּ עֲבָדַ֛י עִם־עֲבָדֶ֖יךָ בָּֽאֳנִיּ֑וֹת וְלֹ֥א אָבָ֖ה יְהֽוֹשָׁפָֽט׃ נא וַיִּשְׁכַּ֤ב יְהֽוֹשָׁפָט֙ עִם־אֲבֹתָ֔יו וַיִּקָּבֵר֙ עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְ יְהוֹרָ֥ם בְּנ֖וֹ תַּחְתָּֽיו׃ נב אֲחַזְיָ֣הוּ בֶן־אַחְאָ֗ב מָלַ֤ךְ עַל־יִשְׂרָאֵל֙ בְּשֹׁ֣מְר֔וֹן בִּשְׁנַת֙ שְׁבַ֣ע עֶשְׂרֵ֔ה לִיהֽוֹשָׁפָ֖ט מֶ֣לֶךְ יְהוּדָ֑ה וַיִּמְלֹ֥ךְ עַל־יִשְׂרָאֵ֖ל שְׁנָתָֽיִם׃ נג וַיַּ֥עַשׂ הָרַ֖ע בְּעֵינֵ֣י ה֑' וַיֵּ֗לֶךְ בְּדֶ֤רֶךְ אָבִיו֙ וּבְדֶ֣רֶךְ אִמּ֔וֹ וּבְדֶ֨רֶךְ֙ יָֽרָבְעָ֣ם בֶּן־נְבָ֔ט אֲשֶׁ֥ר הֶֽחֱטִ֖יא אֶת־יִשְׂרָאֵֽל׃ נד וַֽיַּעֲבֹד֙ אֶת־הַבַּ֔עַל וַיִּֽשְׁתַּחֲוֶ֖ה ל֑וֹ וַיַּכְעֵ֗ס אֶת־ה֙' אֱלֹהֵ֣י יִשְׂרָאֵ֔ל כְּכֹ֥ל אֲשֶׁר־עָשָׂ֖ה אָבִֽיו׃
(מא) וִיהוֹשָׁפָט בֶּן אָסָא מָלַךְ עַל יְהוּדָה בִּשְׁנַת אַרְבַּע לְאַחְאָב מֶלֶךְ יִשְׂרָאֵל.
(מב) יְהוֹשָׁפָט בֶּן שְׁלֹשִׁים וְחָמֵשׁ שָׁנָה בְּמָלְכוֹ, וְעֶשְׂרִים וְחָמֵשׁ שָׁנָה מָלַךְ בִּירוּשָׁלִָם, וְשֵׁם אִמּוֹ עֲזוּבָה בַּת שִׁלְחִי.
(מג) וַיֵּלֶךְ בְּכָל דֶּרֶךְ אָסָא אָבִיו, לֹא סָר מִמֶּנּוּ, לַעֲשׂוֹת הַיָּשָׁר בְּעֵינֵי ה'.
(מד) אַךְ בשני דברים לא עשה את הישר בעיני ה', כי הַבָּמוֹת לֹא סָרוּ, עוֹד הָעָם מְזַבְּחִים וּמְקַטְּרִים בַּבָּמוֹת, והדבר היה אסור, לאחר שנבנה בית המקדש.
(מה) ועוד, וַיַּשְׁלֵם יְהוֹשָׁפָט עִם מֶלֶךְ יִשְׂרָאֵל, שהיה רשע, ובזה לא נהג כרצון ה', וכמו שנאמר בדברי הימים (ב' יט ב) כאשר חזר יהושפט ממלחמה זו, 'וַיֵּצֵא אֶל פָּנָיו יֵהוּא בֶן חֲנָנִי הַחֹזֶה, וַיֹּאמֶר אֶל הַמֶּלֶךְ יְהוֹשָׁפָט, הֲלָרָשָׁע לַעְזֹר וּלְשֹׂנְאֵי ה' תֶּאֱהָב, וּבָזֹאת עָלֶיךָ קֶּצֶף מִלִּפְנֵי ה".
(מו) וְיֶתֶר דִּבְרֵי יְהוֹשָׁפָט, וּגְבוּרָתוֹ אֲשֶׁר עָשָׂה, וַאֲשֶׁר נִלְחָם, הֲלֹא הֵם כְּתוּבִים עַל סֵפֶר דִּבְרֵי הַיָּמִים לְמַלְכֵי יְהוּדָה.
(מז) וְיֶתֶר הַקָּדֵשׁ – שאר עניני עבודה זרה (אלשיך) אֲשֶׁר נִשְׁאַר בִּימֵי אָסָא אָבִיו, בִּעֵר יהושפט מִן הָאָרֶץ.
(מח) וּמֶלֶךְ אֵין בֶּאֱדוֹם באותו זמן, כי נפלו אדום ומואב לפני יהושפט מלך יהודה, נִצָּב מֶלֶךְ – והיו ממנים נציבים על ארץ אדום, אך לא היו להם מלכים.
(מט) יְהוֹשָׁפָט עָשָׂה אֳנִיּוֹת תַּרְשִׁישׁ – אניות מהמין המיוחד שהיו נוסעות עד תרשיש, ויהושפט עשאם כדי לָלֶכֶת אֹפִירָה, לַזָּהָב, וכפי שהביא שלמה המלך זהב מארץ אופיר, וְלֹא הָלָךְ – לא התחילו האניות להפליג לאופיר, כִּי נִשְׁבְּרוּ האֳנִיּוֹת מיד בְּעֶצְיוֹן גָּבֶר, ששם עשאום, והיה זה כיון שעשאם בשותפות עם אחזיה בן אחאב מלך ישראל, שהיה רשע, ומחמת שהתחבר לרשע נשברו אוניותיו.
(נ) אָז אָמַר אֲחַזְיָהוּ בֶן אַחְאָב מלך ישראל אֶל יְהוֹשָׁפָט מלך יהודה, גם אם אינך רוצה שנהיה שותפים באוניות עצמם, לכל הפחות יֵלְכוּ עֲבָדַי עִם עֲבָדֶיךָ בָּאֳנִיּוֹת שלך, ולא תהיה לי שותפות בגוף האניות, וְלֹא אָבָה יְהוֹשָׁפָט, כיון שחשש שגם דבר זה ייחשב כהתחברות לרשע.
(נא) וַיִּשְׁכַּב יְהוֹשָׁפָט עִם אֲבֹתָיו, וַיִּקָּבֵר עִם אֲבֹתָיו בְּעִיר דָּוִד אָבִיו, וַיִּמְלֹךְ יְהוֹרָם בְּנוֹ תַּחְתָּיו.
(נב) אֲחַזְיָהוּ בֶן אַחְאָב מָלַךְ עַל יִשְׂרָאֵל בְּשֹׁמְרוֹן, ותחילת מלכותו היתה בִּשְׁנַת שְׁבַע עֶשְׂרֵה לִיהוֹשָׁפָט מֶלֶךְ יְהוּדָה, וַיִּמְלֹךְ עַל יִשְׂרָאֵל שְׁנָתָיִם.
(נג) וַיַּעַשׂ הָרַע בְּעֵינֵי ה', וַיֵּלֶךְ בְּדֶרֶךְ אָבִיו אחאב, וּבְדֶרֶךְ אִמּוֹ איזבל, וּבְדֶרֶךְ יָרָבְעָם בֶּן נְבָט אֲשֶׁר הֶחֱטִיא אֶת יִשְׂרָאֵל.
(נד) וַיַּעֲבֹד אֶת הַבַּעַל, וַיִּשְׁתַּחֲוֶה לוֹ, וַיַּכְעֵס אֶת ה' אֱלֹהֵי יִשְׂרָאֵל, כְּכֹל אֲשֶׁר עָשָׂה אָבִיו.
נ"ך מבואר ללימוד עצמי בקצב שלך! לחץ כאן
(הושע יב יא)
