יום שישי
י"ט אדר ב' התשפ"ד
יום שישי
י"ט אדר ב' התשפ"ד

חיפוש בארכיון

שיעור 189, ספר תרי עשר, מיכה, פרק ה, ח-יד

ח תָּרֹ֥ם יָֽדְךָ֖ עַל־צָרֶ֑יךָ וְכָל־אֹֽיְבֶ֖יךָ יִכָּרֵֽתוּ׃ ט וְהָיָ֤ה בַיּוֹם־הַהוּא֙ נְאֻם־יְהוָ֔ה וְהִכְרַתִּ֥י סוּסֶ֖יךָ מִקִּרְבֶּ֑ךָ וְהַֽאֲבַדְתִּ֖י מַרְכְּבֹתֶֽיךָ׃ י וְהִכְרַתִּ֖י עָרֵ֣י אַרְצֶ֑ךָ וְהָֽרַסְתִּ֖י כָּל־מִבְצָרֶֽיךָ׃ יא וְהִכְרַתִּ֥י כְשָׁפִ֖ים מִיָּדֶ֑ךָ וּֽמְעוֹנְנִ֖ים לֹ֥א יִֽהְיוּ־לָֽךְ׃ יב וְהִכְרַתִּ֧י פְסִילֶ֛יךָ וּמַצֵּֽבוֹתֶ֖יךָ מִקִּרְבֶּ֑ךָ וְלֹֽא־תִשְׁתַּחֲוֶ֥ה ע֖וֹד לְמַֽעֲשֵׂ֥ה יָדֶֽיךָ׃ יג וְנָֽתַשְׁתִּ֥י אֲשֵׁירֶ֖יךָ מִקִּרְבֶּ֑ךָ וְהִשְׁמַדְתִּ֖י עָרֶֽיךָ׃ יד וְעָשִׂ֜יתִי בְּאַ֧ף וּבְחֵמָ֛ה נָקָ֖ם אֶת־הַגּוֹיִ֑ם אֲשֶׁ֖ר לֹ֥א שָׁמֵֽעוּ׃

 

֍              ֍               ֍

 

(ח) תָּרֹם יָדְךָ עַל צָרֶיךָ – על הצוררים הלוחמים בהם בפועל, יהיה די בהרמת יד אחת כדי לנצחם, וְכָל אֹיְבֶיךָ, שאינם נלחמים בפועל אלא רק דורשים רעתם, יִכָּרֵתוּ מעצמם.

(ט) וְהָיָה בַיּוֹם הַהוּא, אחרי מלחמת גוג ומגוג, נְאֻם ה', כבר לא יצטרכו ישראל כלל להלחם בגויים, וְהִכְרַתִּי סוּסֶיךָ מִקִּרְבֶּךָ, וְהַאֲבַדְתִּי מַרְכְּבֹתֶיךָ, כי לא תצאו כלל למלחמה.

(י) וְהִכְרַתִּי עָרֵי אַרְצֶךָ – הערים השייכות לכלל הארץ, והם הערים של הנשק והמרכבות, וְהָרַסְתִּי כָּל מִבְצָרֶיךָ, כי לא יהיה בהם צורך.

(יא) וְהִכְרַתִּי כְשָׁפִים מִיָּדֶךָ, האומרים אם יצליחו במלחמה או לא, וּמְעוֹנְנִים – האומרים לפי ה'עונה' והזמן מתי ינצחו במלחמה, לֹא יִהְיוּ לָךְ.

(יב) וְהִכְרַתִּי פְסִילֶיךָ וּמַצֵּבוֹתֶיךָ של עבודה זרה מִקִּרְבֶּךָ, וְלֹא תִשְׁתַּחֲוֶה עוֹד לְמַעֲשֵׂה יָדֶיךָ.

(יג) וְנָתַשְׁתִּי אֲשֵׁירֶיךָ מִקִּרְבֶּךָ, וְהִשְׁמַדְתִּי עָרֶיךָ העשויות לעבודה זרה.

(יד) וְעָשִׂיתִי בְּאַף וּבְחֵמָה נָקָם אֶת הַגּוֹיִם אֲשֶׁר לֹא שָׁמֵעוּ – ובאותו זמן יעשה ה' נקמה גדולה בגויים אשר לא ישמעו לחזור לדת האמת ולקבל עליהם מלכות שמים.

 

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)