שיעור 286, ספר ירמיהו, פרק נא, כה-כט

כה הִנְנִ֨י אֵלֶ֜יךָ הַ֤ר הַמַּשְׁחִית֙ נְאֻם־יְהוָ֔ה הַמַּשְׁחִ֖ית אֶת־כָּל־הָאָ֑רֶץ וְנָטִ֨יתִי אֶת־יָדִ֜י עָלֶ֗יךָ וְגִלְגַּלְתִּ֨יךָ֙ מִן־הַסְּלָעִ֔ים וּנְתַתִּ֖יךָ לְהַ֥ר שְׂרֵפָֽה׃ כו וְלֹֽא־יִקְח֤וּ מִמְּךָ֙ אֶ֣בֶן לְפִנָּ֔ה וְאֶ֖בֶן לְמֽוֹסָד֑וֹת כִּֽי־שִׁמְמ֥וֹת עוֹלָ֛ם תִּֽהְיֶ֖ה נְאֻם־יְהוָֽה׃ כז שְׂאוּ־נֵ֣ס בָּאָ֗רֶץ תִּקְע֨וּ שׁוֹפָ֤ר בַּגּוֹיִם֙ קַדְּשׁ֤וּ עָלֶ֨יהָ֙ גּוֹיִ֔ם הַשְׁמִ֧יעוּ עָלֶ֛יהָ מַמְלְכ֥וֹת אֲרָרַ֖ט מִנִּ֣י וְאַשְׁכְּנָ֑ז פִּקְד֤וּ עָלֶ֨יהָ֙ טִפְסָ֔ר הַֽעֲלוּ־ס֖וּס כְּיֶ֥לֶק סָמָֽר׃ כח קַדְּשׁ֨וּ עָלֶ֤יהָ גוֹיִם֙ אֶת־מַלְכֵ֣י מָדַ֔י אֶת־פַּֽחוֹתֶ֖יהָ וְאֶת־כָּל־סְגָנֶ֑יהָ וְאֵ֖ת כָּל־אֶ֥רֶץ מֶמְשַׁלְתּֽוֹ׃

֍֍ ֍

(כה) הִנְנִי פונה אֵלֶיךָ, הַר הַמַּשְׁחִית של בבל, נְאֻם ה', הַמַּשְׁחִית אֶת כָּל הָאָרֶץ, וְנָטִיתִי אֶת יָדִי עָלֶיךָ, וְגִלְגַּלְתִּיךָ מִן הַסְּלָעִים, וּנְתַתִּיךָ לְהַר שְׂרֵפָה.

(כו) וְלֹא יִקְחוּ מִמְּךָ אֶבֶן לְפִנָּה, שהדרך היא לקחת לאבן פינה אבן יקרה וחזקה, והנמשל הוא שלא יקימו ממך מלכות נוספת, וְאֶבֶן לְמוֹסָדוֹת – ואף לא אבן ליסוד, שהיא פחותה מאבן פינה, והנמשל הוא שלא תהיה לו אפילו ממשלה מועטת, או מקום ישוב, כִּי שִׁמְמוֹת עוֹלָם תִּהְיֶה, נְאֻם ה'.

(כז) וקורא עתה לגויים המקיפים את בבל, שְׂאוּ נֵס בָּאָרֶץ, תִּקְעוּ שׁוֹפָר בַּגּוֹיִם, קַדְּשׁוּ (-הזמינו ויחדו) עָלֶיהָ גּוֹיִם, הַשְׁמִיעוּ עָלֶיהָ מַמְלְכוֹת, ומונה את שמות הארצות, אֲרָרַט, מִנִּי, וְאַשְׁכְּנָז, פִּקְדוּ עָלֶיהָ טִפְסָר – מנו עליה פקיד, הַעֲלוּ סוּס כְּיֶלֶק סָמָר – העלו עליה סוסים רבים כארבה, עד שתסמרנה שערותיהם של הסוסים בעת הקרב.

(כח) קַדְּשׁוּ עָלֶיהָ גוֹיִם, אֶת מַלְכֵי מָדַי, אֶת פַּחוֹתֶיהָ וְאֶת כָּל סְגָנֶיהָ, וְאֵת כָּל אֶרֶץ מֶמְשַׁלְתּוֹ.