שיעור 33, ספר עזרא, פרק ח, א-יד
א וְאֵ֛לֶּה רָאשֵׁ֥י אֲבֹֽתֵיהֶ֖ם וְהִתְיַחְשָׂ֑ם הָֽעֹלִ֣ים עִמִּ֗י בְּמַלְכ֛וּת אַרְתַּחְשַׁ֥סְתְּא הַמֶּ֖לֶךְ מִבָּבֶֽל׃ ב מִבְּנֵ֤י פִֽינְחָס֙ גֵּֽרְשֹׁ֔ם מִבְּנֵ֥י אִֽיתָמָ֖ר דָּֽנִיֵּ֑אל מִבְּנֵ֥י דָוִ֖יד חַטּֽוּשׁ׃ ג מִבְּנֵ֣י שְׁכַנְיָ֔ה מִבְּנֵ֥י פַרְעֹ֖שׁ זְכַרְיָ֑ה וְעִמּ֛וֹ הִתְיַחֵ֥שׂ לִזְכָרִ֖ים מֵאָ֥ה וַֽחֲמִשִּֽׁים׃ ד מִבְּנֵי֙ פַּחַ֣ת מוֹאָ֔ב אֶלְיְהֽוֹעֵינַ֖י בֶּן־זְרַֽחְיָ֑ה וְעִמּ֖וֹ מָאתַ֥יִם הַזְּכָרִֽים׃ ה מִבְּנֵ֥י שְׁכַנְיָ֖ה בֶּן־יַֽחֲזִיאֵ֑ל וְעִמּ֕וֹ שְׁלֹ֥שׁ מֵא֖וֹת הַזְּכָרִֽים׃ ו וּמִבְּנֵ֣י עָדִ֔ין עֶ֖בֶד בֶּן־יֽוֹנָתָ֑ן וְעִמּ֖וֹ חֲמִשִּׁ֥ים הַזְּכָרִֽים׃ ז וּמִבְּנֵ֣י עֵילָ֔ם יְשַֽׁעְיָ֖ה בֶּן־עֲתַלְיָ֑ה וְעִמּ֖וֹ שִׁבְעִ֥ים הַזְּכָרִֽים׃ ח וּמִבְּנֵ֣י שְׁפַטְיָ֔ה זְבַדְיָ֖ה בֶּן־מִֽיכָאֵ֑ל וְעִמּ֖וֹ שְׁמֹנִ֥ים הַזְּכָרִֽים׃ ט מִבְּנֵ֣י יוֹאָ֔ב עֹֽבַדְיָ֖ה בֶּן־יְחִיאֵ֑ל וְעִמּ֕וֹ מָאתַ֛יִם וּשְׁמֹנָ֥ה עָשָׂ֖ר הַזְּכָרִֽים׃ י וּמִבְּנֵ֥י שְׁלוֹמִ֖ית בֶּן־יֽוֹסִפְיָ֑ה וְעִמּ֕וֹ מֵאָ֥ה וְשִׁשִּׁ֖ים הַזְּכָרִֽים׃ יא וּמִבְּנֵ֣י בֵבַ֔י זְכַרְיָ֖ה בֶּן־בֵּבָ֑י וְעִמּ֕וֹ עֶשְׂרִ֥ים וּשְׁמֹנָ֖ה הַזְּכָרִֽים׃ יב וּמִבְּנֵ֣י עַזְגָּ֔ד יֽוֹחָנָ֖ן בֶּן־הַקָּטָ֑ן וְעִמּ֕וֹ מֵאָ֥ה וַֽעֲשָׂרָ֖ה הַזְּכָרִֽים׃ יג וּמִבְּנֵ֣י אֲדֹֽנִיקָם֮ אַֽחֲרֹנִים֒ וְאֵ֣לֶּה שְׁמוֹתָ֔ם אֱלִיפֶ֖לֶט יְעִיאֵ֣ל וּֽשְׁמַעְיָ֑ה וְעִמָּהֶ֖ם שִׁשִּׁ֥ים הַזְּכָרִֽים׃ יד וּמִבְּנֵ֥י בִגְוַ֖י עוּתַ֣י וְזַכּ֑וּר וְעִמּ֖וֹ שִׁבְעִ֥ים הַזְּכָרִֽים׃
֍ ֍ ֍
פרק ח (א) וְאֵלֶּה רָאשֵׁי אֲבֹתֵיהֶם וְהִתְיַחְשָׂם – לראשי האבות של כל שבט ושבט היה כתב יחוס עד השבטים, ולכל האנשים השייכים לאותו בית אב היה כתב יחוס לראש בית האב, הָעֹלִים עִמִּי בְּמַלְכוּת אַרְתַּחְשַׁסְתְּא הַמֶּלֶךְ מִבָּבֶל.
(ב) מִבְּנֵי פִינְחָס, ראש בית האב היה גֵּרְשֹׁם. מִבְּנֵי אִיתָמָר, ראש בית האב היה דָּנִיֵּאל. מִבְּנֵי דָוִיד, חַטּוּשׁ.
(ג) מִבְּנֵי שְׁכַנְיָה מִבְּנֵי פַרְעֹשׁ, ראש בית האב היה זְכַרְיָה, וְעִמּוֹ הִתְיַחֵשׂ לִזְכָרִים מֵאָה וַחֲמִשִּׁים איש.
(ד) מִבְּנֵי פַּחַת מוֹאָב, אֶלְיְהוֹעֵינַי בֶּן זְרַחְיָה, וְעִמּוֹ מָאתַיִם הַזְּכָרִים.
(ה) מִבְּנֵי שְׁכַנְיָה, ראש בית האב היה בֶּן יַחֲזִיאֵל, וְעִמּוֹ שְׁלֹשׁ מֵאוֹת הַזְּכָרִים.
(ו) וּמִבְּנֵי עָדִין היה ראש בית האב עֶבֶד [-שם האיש] בֶּן יוֹנָתָן, וְעִמּוֹ חֲמִשִּׁים הַזְּכָרִים.
(ז) וּמִבְּנֵי עֵילָם, יְשַׁעְיָה בֶּן עֲתַלְיָה, וְעִמּוֹ שִׁבְעִים הַזְּכָרִים.
(ח) וּמִבְּנֵי שְׁפַטְיָה, זְבַדְיָה בֶּן מִיכָאֵל, וְעִמּוֹ שְׁמֹנִים הַזְּכָרִים.
(ט) מִבְּנֵי יוֹאָב, עֹבַדְיָה בֶּן יְחִיאֵל, וְעִמּוֹ מָאתַיִם וּשְׁמֹנָה עָשָׂר הַזְּכָרִים.
(י) וּמִבְּנֵי שְׁלוֹמִית היה ראש בית האב בֶּן יוֹסִפְיָה, וְעִמּוֹ מֵאָה וְשִׁשִּׁים הַזְּכָרִים.
(יא) וּמִבְּנֵי בֵבַי, זְכַרְיָה בֶּן בֵּבָי, וְעִמּוֹ עֶשְׂרִים וּשְׁמֹנָה הַזְּכָרִים.
(יב) וּמִבְּנֵי עַזְגָּד, יוֹחָנָן בֶּן הַקָּטָן, וְעִמּוֹ מֵאָה וַעֲשָׂרָה הַזְּכָרִים.
(יג) וּמִבְּנֵי משפחת אֲדֹנִיקָם יצאו עתה האנשים האַחֲרֹנִים [כי הראשונים יצאו כבר בעליה הראשונה, כמבואר לעיל פרק ב' פסוק י"ג, שיצאו אז ממשפחה זו שש מאות ששים וששה], ועתה עלו כל האחרונים ולא נשאר ממשפחה זו אפילו אחד בבבל, וְאֵלֶּה שְׁמוֹתָם, אֱלִיפֶלֶט, יְעִיאֵל, וּשְׁמַעְיָה, וְעִמָּהֶם שִׁשִּׁים הַזְּכָרִים.
(יד) וּמִבְּנֵי בִגְוַי, עוּתַי וְזַכּוּר, וְעִמּוֹ שִׁבְעִים הַזְּכָרִים.
