שיעור 38, ספר דברי הימים א, פרק ז, כ-כט
כ וּבְנֵ֥י אֶפְרַ֖יִם שׁוּתָ֑לַח וּבֶ֤רֶד בְּנוֹ֙ וְתַ֣חַת בְּנ֔וֹ וְאֶלְעָדָ֥ה בְנ֖וֹ וְתַ֥חַת בְּנֽוֹ׃ כא וְזָבָ֥ד בְּנ֛וֹ וְשׁוּתֶ֥לַח בְּנ֖וֹ וְעֵ֣זֶר וְאֶלְעָ֑ד וַֽהֲרָג֗וּם אַנְשֵׁי־גַת֙ הַנּֽוֹלָדִ֣ים בָּאָ֔רֶץ כִּ֣י יָֽרְד֔וּ לָקַ֖חַת אֶת־מִקְנֵיהֶֽם׃ כב וַיִּתְאַבֵּ֛ל אֶפְרַ֥יִם אֲבִיהֶ֖ם יָמִ֣ים רַבִּ֑ים וַיָּבֹ֥אוּ אֶחָ֖יו לְנַֽחֲמֽוֹ׃ כג וַיָּבֹא֙ אֶל־אִשְׁתּ֔וֹ וַתַּ֖הַר וַתֵּ֣לֶד בֵּ֑ן וַיִּקְרָ֤א אֶת־שְׁמוֹ֙ בְּרִיעָ֔ה כִּ֥י בְרָעָ֖ה הָֽיְתָ֥ה בְּבֵיתֽוֹ׃ כד וּבִתּ֣וֹ שֶֽׁאֱרָ֔ה וַתִּ֧בֶן אֶת־בֵּית־חוֹר֛וֹן הַתַּחְתּ֖וֹן וְאֶת־הָֽעֶלְי֑וֹן וְאֵ֖ת אֻזֵּ֥ן שֶֽׁאֱרָֽה׃ כה וְרֶ֣פַח בְּנ֗וֹ וְרֶ֧שֶׁף וְתֶ֛לַח בְּנ֖וֹ וְתַ֥חַן בְּנֽוֹ׃ כו לַעְדָּ֥ן בְּנ֛וֹ עַמִּיה֥וּד בְּנ֖וֹ אֱלִֽישָׁמָ֥ע בְּנֽוֹ׃ כז נ֥וֹן בְּנ֖וֹ יְהוֹשֻׁ֥עַ בְּנֽוֹ׃ כח וַֽאֲחֻזָּתָם֙ וּמֹ֣שְׁבוֹתָ֔ם בֵּֽית־אֵ֖ל וּבְנֹתֶ֑יהָ וְלַמִּזְרָ֣ח נַֽעֲרָ֔ן וְלַֽמַּעֲרָ֗ב גֶּ֤זֶר וּבְנֹתֶ֨יהָ֙ וּשְׁכֶ֣ם וּבְנֹתֶ֔יהָ עַד־עַיָּ֖ה וּבְנֹתֶֽיהָ׃ כט וְעַל־יְדֵ֣י בְנֵֽי־מְנַשֶּׁ֗ה בֵּית־שְׁאָ֤ן וּבְנֹתֶ֨יהָ֙ תַּעְנַ֣ךְ וּבְנֹתֶ֔יהָ מְגִדּ֥וֹ וּבְנוֹתֶ֖יהָ דּ֣וֹר וּבְנוֹתֶ֑יהָ בְּאֵ֨לֶּה֙ יָֽשְׁב֔וּ בְּנֵ֥י יוֹסֵ֖ף בֶּן־יִשְׂרָאֵֽל׃
֍ ֍ ֍
(כ) וּבְנֵי אֶפְרַיִם, שׁוּתָלַח, והוא היה בנו של אפרים ממש, ומכאן והלאה מונה את בני שותלח, וּבֶרֶד בְּנוֹ, וְתַחַת בְּנוֹ, וְאֶלְעָדָה בְנוֹ, וְתַחַת בְּנוֹ.
(כא) וְזָבָד בְּנוֹ, וְשׁוּתֶלַח בְּנוֹ, וְעֵזֶר וְאֶלְעָד. ועוד בהיות ישראל בגלות מצרים יצאו משם בני אפרים, וַהֲרָגוּם אַנְשֵׁי גַת הַנּוֹלָדִים בָּאָרֶץ, כִּי יָרְדוּ לארצם לָקַחַת אֶת מִקְנֵיהֶם.
(כב) וַיִּתְאַבֵּל אֶפְרַיִם אֲבִיהֶם על בני שותלח יָמִים רַבִּים, וַיָּבֹאוּ אֶחָיו של שותלח, בניו של אפרים, לְנַחֲמוֹ.
(כג) וַיָּבֹא שותלח אֶל אִשְׁתּוֹ, וַתַּהַר וַתֵּלֶד בֵּן, וַיִּקְרָא אֶת שְׁמוֹ בְּרִיעָה, כִּי בְרָעָה הָיְתָה בְּבֵיתוֹ, שנהרגו כל בניו.
(כד) וּבִתּוֹ של בריעה היתה שֶׁאֱרָה, וַתִּבֶן אֶת בֵּית חוֹרוֹן הַתַּחְתּוֹן, וְאֶת הָעֶלְיוֹן, וְאֵת אֻזֵּן שֶׁאֱרָה, שנקראה על שמה.
(כה) וְרֶפַח בְּנוֹ, וְרֶשֶׁף וְתֶלַח בְּנוֹ, וְתַחַן בְּנוֹ, כל אלו בני בריעה.
(כו) לַעְדָּן בְּנוֹ של תחן, עַמִּיהוּד בְּנוֹ של לעדן, אֱלִישָׁמָע בְּנוֹ של עמיהוד.
(כז) נוֹן בְּנוֹ של עמיהוד, יְהוֹשֻׁעַ בְּנוֹ של נון, הוא יהושע בן נון שהנהיג את ישראל לאחר משה רבינו.
(כח) וַאֲחֻזָּתָם וּמֹשְׁבוֹתָם, בֵּית אֵל וּבְנֹתֶיהָ, וְלַמִּזְרָח, נַעֲרָן. וְלַמַּעֲרָב, גֶּזֶר וּבְנֹתֶיהָ, וּשְׁכֶם וּבְנֹתֶיהָ, עַד עַיָּה וּבְנֹתֶיהָ.
(כט) וְעַל יְדֵי – ובסמוך לבְנֵי מְנַשֶּׁה ישבו גם כן בני אפרים, בבֵּית שְׁאָן וּבְנֹתֶיהָ, תַּעְנַךְ וּבְנֹתֶיהָ, מְגִדּוֹ וּבְנוֹתֶיהָ, דּוֹר וּבְנוֹתֶיהָ, בְּאֵלֶּה יָשְׁבוּ בְּנֵי יוֹסֵף בֶּן יִשְׂרָאֵל, שהם בני אפרים ובני מנשה.
