יום חמישי
י"ח אדר ב' התשפ"ד
יום חמישי
י"ח אדר ב' התשפ"ד

חיפוש בארכיון

שיעור 40, ספר שופטים, פרק ט, א-ט

 

א וַיָּקָם֩ אַֽחֲרֵ֨י אֲבִימֶ֜לֶךְ לְהוֹשִׁ֣יעַ אֶת־יִשְׂרָאֵ֗ל תּוֹלָ֧ע בֶּן־פּוּאָ֛ה בֶּן־דּוֹד֖וֹ אִ֣ישׁ יִשָּׂשכָ֑ר וְהֽוּא־יֹשֵׁ֥ב בְּשָׁמִ֖יר בְּהַ֥ר אֶפְרָֽיִם׃ ב וַיִּשְׁפֹּט֙ אֶת־יִשְׂרָאֵ֔ל עֶשְׂרִ֥ים וְשָׁלֹ֖שׁ שָׁנָ֑ה וַיָּ֖מָת וַיִּקָּבֵ֥ר בְּשָׁמִֽיר׃ ג וַיָּ֣קָם אַֽחֲרָ֔יו יָאִ֖יר הַגִּלְעָדִ֑י וַיִּשְׁפֹּט֙ אֶת־יִשְׂרָאֵ֔ל עֶשְׂרִ֥ים וּשְׁתַּ֖יִם שָׁנָֽה׃ ד וַֽיְהִי־ל֞וֹ שְׁלֹשִׁ֣ים בָּנִ֗ים רֹֽכְבִים֙ עַל־שְׁלֹשִׁ֣ים עֲיָרִ֔ים וּשְׁלֹשִׁ֥ים עֲיָרִ֖ים לָהֶ֑ם לָהֶ֞ם יִקְרְא֣וּ ׀ חַוֹ֣ת יָאִ֗יר עַ֚ד הַיּ֣וֹם הַזֶּ֔ה אֲשֶׁ֖ר בְּאֶ֥רֶץ הַגִּלְעָֽד׃ ה וַיָּ֣מָת יָאִ֔יר וַיִּקָּבֵ֖ר בְּקָמֽוֹן׃ ו וַיֹּסִ֣יפוּ ׀ בְּנֵ֣י יִשְׂרָאֵ֗ל לַֽעֲשׂ֣וֹת הָרַע֮ בְּעֵינֵ֣י ה֒' וַיַּֽעַבְד֣וּ אֶת־הַבְּעָלִ֣ים וְאֶת־הָֽעַשְׁתָּר֡וֹת וְאֶת־אֱלֹהֵ֣י אֲרָם֩ וְאֶת־אֱלֹהֵ֨י צִיד֜וֹן וְאֵ֣ת ׀ אֱלֹהֵ֣י מוֹאָ֗ב וְאֵת֙ אֱלֹהֵ֣י בְנֵֽי־עַמּ֔וֹן וְאֵ֖ת אֱלֹהֵ֣י פְלִשְׁתִּ֑ים וַיַּֽעַזְב֥וּ אֶת־ה֖' וְלֹ֥א עֲבָדֽוּהוּ׃

 

֍           ֍            ֍

 

(א) וַיָּקָם אַחֲרֵי אֲבִימֶלֶךְ שופט שקם כדי לְהוֹשִׁיעַ אֶת יִשְׂרָאֵל [כי אבימלך רק השתרר עליהם, ולא הושיעם כלל] תּוֹלָע בֶּן פּוּאָה, בֶּן דּוֹדוֹ [-שם איש], אִישׁ משבט יִשָּׂשכָר, וְהוּא יֹשֵׁב בְּשָׁמִיר, בְּהַר אֶפְרָיִם.

(ב) וַיִּשְׁפֹּט אֶת יִשְׂרָאֵל עֶשְׂרִים וְשָׁלֹשׁ שָׁנָה, וַיָּמָת, וַיִּקָּבֵר בְּשָׁמִיר.

(ג) וַיָּקָם אַחֲרָיו יָאִיר הַגִּלְעָדִי, וַיִּשְׁפֹּט אֶת יִשְׂרָאֵל עֶשְׂרִים וּשְׁתַּיִם שָׁנָה.

(ד) וַיְהִי לוֹ שְׁלֹשִׁים בָּנִים, רֹכְבִים עַל שְׁלֹשִׁים עֲיָרִים – חמורים צעירים, דרך חשיבות, וּשְׁלֹשִׁים עֲיָרִים לָהֶם – היו להם שלשים ערים [ונכתב 'עירים' דרך צחות, על משקל ה'עירים' שהיו רוכבים עליהם], לָהֶם – לאותם ערים יִקְרְאוּ חַוֹּת יָאִיר עַד הַיּוֹם הַזֶּה אֲשֶׁר בְּאֶרֶץ הַגִּלְעָד, כיון שהיה שמו כשם יאיר בן מנשה, וגם לו היו ערים רבות, קראו להם כשם הערים של יאיר בן מנשה, חוות יאיר.

(ה) וַיָּמָת יָאִיר, וַיִּקָּבֵר בְּקָמוֹן.

(ו) ועד עתה, כשהיו להם שופטים צדיקים עבדו ישראל את ה', אך לאחר מיתת השופטים סרו ישראל מאחרי ה', וַיֹּסִיפוּ בְּנֵי יִשְׂרָאֵל לַעֲשׂוֹת הָרַע בְּעֵינֵי ה', וַיַּעַבְדוּ אֶת הַבְּעָלִים, וְאֶת הָעַשְׁתָּרוֹת, וְאֶת אֱלֹהֵי אֲרָם, וְאֶת אֱלֹהֵי צִידוֹן, וְאֵת אֱלֹהֵי מוֹאָב, וְאֵת אֱלֹהֵי בְנֵי עַמּוֹן, וְאֵת אֱלֹהֵי פְלִשְׁתִּים, וַיַּעַזְבוּ אֶת ה', וְלֹא עֲבָדוּהוּ אפילו בשיתוף עם עבודה זרה.

 

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)