שיעור 43, ספר דברי הימים א, פרק ט, א-יג

א וְכָל־יִשְׂרָאֵל֙ הִתְיַחְשׂ֔וּ וְהִנָּ֣ם כְּתוּבִ֔ים עַל־סֵ֖פֶר מַלְכֵ֣י יִשְׂרָאֵ֑ל וִֽיהוּדָ֛ה הָגְל֥וּ לְבָבֶ֖ל בְּמַֽעֲלָֽם׃ ב וְהַיּֽוֹשְׁבִים֙ הָרִ֣אשֹׁנִ֔ים אֲשֶׁ֥ר בַּֽאֲחֻזָּתָ֖ם בְּעָֽרֵיהֶ֑ם יִשְׂרָאֵל֙ הַכֹּ֣הֲנִ֔ים הַלְוִיִּ֖ם וְהַנְּתִינִֽים׃ ג וּבִירֽוּשָׁלִַ֨ם֙ יָֽשְׁב֔וּ מִן־בְּנֵ֥י יְהוּדָ֖ה וּמִן־בְּנֵ֣י בִנְיָמִ֑ן וּמִן־בְּנֵ֥י אֶפְרַ֖יִם וּמְנַשֶּֽׁה׃ד עוּתַ֨י בֶּן־עַמִּיה֤וּד בֶּן־עָמְרִי֙ בֶּן־אִמְרִ֣י בֶן־בָּנִ֔י מִן־בְּנֵי־פֶ֖רֶץ בֶּן־יְהוּדָֽה׃ הוּמִן־הַשִּׁ֣ילוֹנִ֔י עֲשָׂיָ֥ה הַבְּכ֖וֹר וּבָנָֽיו׃ ו וּמִן־בְּנֵי־זֶ֖רַח יְעוּאֵ֑ל וַֽאֲחֵיהֶ֖ם שֵׁשׁ־מֵא֥וֹת וְתִשְׁעִֽים׃ ז וּמִן־בְּנֵ֖י בִּנְיָמִ֑ן סַלּוּא֙ בֶּן־מְשֻׁלָּ֔ם בֶּן־הֽוֹדַוְיָ֖ה בֶּן־הַסְּנֻאָֽה׃ ח וְיִבְנְיָה֙ בֶּן־יְרֹחָ֔ם וְאֵלָ֥ה בֶן־עֻזִּ֖י בֶּן־מִכְרִ֑י וּמְשֻׁלָּם֙ בֶּן־שְׁפַטְיָ֔ה בֶּן־רְעוּאֵ֖ל בֶּן־יִבְנִיָּֽה׃ ט וַֽאֲחֵיהֶם֙ לְתֹ֣לְדוֹתָ֔ם תְּשַׁ֥ע מֵא֖וֹת וַֽחֲמִשִּׁ֣ים וְשִׁשָּׁ֑ה כָּל־אֵ֣לֶּה אֲנָשִׁ֔ים רָאשֵׁ֥י אָב֖וֹת לְבֵ֥ית אֲבֹֽתֵיהֶֽם׃ י וּמִן־הַֽכֹּהֲנִ֑ים יְדַעְיָ֥ה וִיהֽוֹיָרִ֖יב וְיָכִֽין׃ יא וַֽעֲזַרְיָ֨ה בֶן־חִלְקִיָּ֜ה בֶּן־מְשֻׁלָּ֣ם בֶּן־צָד֗וֹק בֶּן־מְרָיוֹת֙ בֶּן־אֲחִיט֔וּב נְגִ֖יד בֵּ֥ית הָֽאֱלֹהִֽים׃ יב וַֽעֲדָיָה֙ בֶּן־יְרֹחָ֔ם בֶּן־פַּשְׁח֖וּר בֶּן־מַלְכִּיָּ֑ה וּמַעְשַׂ֨י בֶּן־עֲדִיאֵ֧ל בֶּן־יַחְזֵ֛רָה בֶּן־מְשֻׁלָּ֥ם בֶּן־מְשִׁלֵּמִ֖ית בֶּן־אִמֵּֽר׃ יג וַֽאֲחֵיהֶ֗ם רָאשִׁים֙ לְבֵ֣ית אֲבוֹתָ֔ם אֶ֕לֶף וּשְׁבַ֥ע מֵא֖וֹת וְשִׁשִּׁ֑ים גִּבּ֣וֹרֵי חֵ֔יל מְלֶ֖אכֶת עֲבוֹדַ֥ת בֵּית־הָֽאֱלֹהִֽים׃

֍              ֍            ֍

פרק ט (א) אחרי שפירט את יחוסם של חלק מהשבטים, אך דילג לגמרי על יחוסם של זבולון, דן ונפתלי, וכן בשאר השבטים ייחס רק חלק מהמשפחות, על זה אמר, וְכָל יִשְׂרָאֵלהִתְיַחְשׂוּ, ולא רק המשפחות שהוזכרו כאן, וְהִנָּם כְּתוּבִים עַל סֵפֶר מַלְכֵי יִשְׂרָאֵל, שם תמצא את כל המשפחות, וִיהוּדָה – וכן בספר מלכי יהודה תמצא את ייחוס משפחות יהודה, אשרהָגְלוּ לְבָבֶל בְּמַעֲלָם, כי באותו זמן עדיין היו ספרי היחוס קיימים.

(ב) וְהַיּוֹשְׁבִים הָרִאשֹׁנִים שחזרו מגלות בבל, ברשיונו של כורש מלך פרס, אֲשֶׁר ישבובַּאֲחֻזָּתָם בְּעָרֵיהֶם, כל אחד ישב במקום ישיבת אבותיו בזמן בית המקדש הראשון, קודם הגלות, יִשְׂרָאֵל, הַכֹּהֲנִים, הַלְוִיִּם וְהַנְּתִינִים.

(ג) וּבִירוּשָׁלִַם יָשְׁבוּ מִן בְּנֵי יְהוּדָה, וּמִן בְּנֵי בִנְיָמִן, וּמִן בְּנֵי אֶפְרַיִם וּמְנַשֶּׁה.

(ד) עוּתַי בֶּן עַמִּיהוּד, בֶּן עָמְרִי, בֶּן אִמְרִי, בֶן בָּנִי, מִן בְּנֵי פֶרֶץ בֶּן יְהוּדָה.

(ה) וּמִן הַשִּׁילוֹנִי, עֲשָׂיָה הַבְּכוֹר, וּבָנָיו.

(ו) וּמִן בְּנֵי זֶרַח, יְעוּאֵל, וַאֲחֵיהֶם, שֵׁשׁ מֵאוֹת וְתִשְׁעִים.

(ז) וּמִן בְּנֵי בִּנְיָמִן, סַלּוּא בֶּן מְשֻׁלָּם, בֶּן הוֹדַוְיָה, בֶּן הַסְּנֻאָה.

(ח) וְיִבְנְיָה בֶּן יְרֹחָם. וְאֵלָה בֶן עֻזִּי, בֶּן מִכְרִי. וּמְשֻׁלָּם בֶּן שְׁפַטְיָה, בֶּן רְעוּאֵל, בֶּן יִבְנִיָּה.

(ט) וַאֲחֵיהֶם לְתֹלְדוֹתָם, תְּשַׁע מֵאוֹת וַחֲמִשִּׁים וְשִׁשָּׁה. כָּל אֵלֶּה אֲנָשִׁים רָאשֵׁי אָבוֹת לְבֵיתאֲבֹתֵיהֶם.

(י) וּמִן הַכֹּהֲנִים, יְדַעְיָה, וִיהוֹיָרִיב, וְיָכִין.

(יא) וַעֲזַרְיָה בֶן חִלְקִיָּה, בֶּן מְשֻׁלָּם, בֶּן צָדוֹק, בֶּן מְרָיוֹת, בֶּן אֲחִיטוּב, נְגִיד בֵּית הָאֱלֹהִים.

(יב) וַעֲדָיָה בֶּן יְרֹחָם, בֶּן פַּשְׁחוּר, בֶּן מַלְכִּיָּה, וּמַעְשַׂי בֶּן עֲדִיאֵל, בֶּן יַחְזֵרָה, בֶּן מְשֻׁלָּם, בֶּןמְשִׁלֵּמִית, בֶּן אִמֵּר.

(יג) וַאֲחֵיהֶם, רָאשִׁים לְבֵית אֲבוֹתָם, אֶלֶף וּשְׁבַע מֵאוֹת וְשִׁשִּׁים גִּבּוֹרֵי חֵיל מְלֶאכֶת עֲבוֹדַת בֵּיתהָאֱלֹהִים.