שיעור 7, ספר נחמיה, פרק ג, א-י

א וַיָּ֡קָם אֶלְיָשִׁיב֩ הַכֹּהֵ֨ן הַגָּד֜וֹל וְאֶחָ֣יו הַכֹּֽהֲנִ֗ים וַיִּבְנוּ֙ אֶת־שַׁ֣עַר הַצֹּ֔אן הֵ֣מָּה קִדְּשׁ֔וּהוּ וַֽיַּעֲמִ֖ידוּ דַּלְתֹתָ֑יו וְעַד־מִגְדַּ֤ל הַמֵּאָה֙ קִדְּשׁ֔וּהוּ עַ֖ד מִגְדַּ֥ל חֲנַנְאֵֽל׃ ב וְעַל־יָד֥וֹ בָנ֖וּ אַנְשֵׁ֣י יְרֵח֑וֹ וְעַל־יָד֣וֹ בָנָ֔ה זַכּ֖וּר בֶּן־אִמְרִֽי׃ ג וְאֵת֙ שַׁ֣עַר הַדָּגִ֔ים בָּנ֖וּ בְּנֵ֣י הַסְּנָאָ֑ה הֵ֣מָּה קֵר֔וּהוּ וַֽיַּעֲמִ֨ידוּ֙ דַּלְתֹתָ֔יו מַנְעוּלָ֖יו וּבְרִיחָֽיו׃ ד וְעַל־יָדָ֣ם הֶֽחֱזִ֗יק מְרֵמ֤וֹת בֶּן־אֽוּרִיָּה֙ בֶּן־הַקּ֔וֹץ וְעַל־יָדָ֣ם הֶֽחֱזִ֔יק מְשֻׁלָּ֥ם בֶּן־בֶּֽרֶכְיָ֖ה בֶּן־מְשֵֽׁיזַבְאֵ֑ל וְעַל־יָדָ֣ם הֶֽחֱזִ֔יק צָד֖וֹק בֶּֽן־בַּעֲנָֽא׃ ה וְעַל־יָדָ֖ם הֶֽחֱזִ֣יקוּ הַתְּקוֹעִ֑ים וְאַדִּֽירֵיהֶם֙ לֹֽא־הֵבִ֣יאוּ צַוָּרָ֔ם בַּֽעֲבֹדַ֖ת אֲדֹֽנֵיהֶֽם׃ ו וְאֵת֩ שַׁ֨עַר הַיְשָׁנָ֜ה הֶֽחֱזִ֗יקוּ יֽוֹיָדָע֙ בֶּן־פָּסֵ֔חַ וּמְשֻׁלָּ֖ם בֶּן־בְּסֽוֹדְיָ֑ה הֵ֣מָּה קֵר֔וּהוּ וַֽיַּעֲמִ֨ידוּ֙ דַּלְתֹתָ֔יו וּמַנְעֻלָ֖יו וּבְרִיחָֽיו׃ ז וְעַל־יָדָ֨ם הֶֽחֱזִ֜יק מְלַטְיָ֣ה הַגִּבְעֹנִ֗י וְיָדוֹן֙ הַמֵּרֹ֣נֹתִ֔י אַנְשֵׁ֥י גִבְע֖וֹן וְהַמִּצְפָּ֑ה לְכִסֵּ֕א פַּחַ֖ת עֵ֥בֶר הַנָּהָֽר׃ ח עַל־יָד֣וֹ הֶֽחֱזִ֗יק עֻזִּיאֵ֤ל בֶּֽן־חַרְהֲיָה֙ צֽוֹרְפִ֔ים וְעַל־יָד֣וֹ הֶֽחֱזִ֔יק חֲנַנְיָ֖ה בֶּן־הָֽרַקָּחִ֑ים וַיַּֽעַזְבוּ֙ יְר֣וּשָׁלִַ֔ם עַ֖ד הַֽחוֹמָ֥ה הָֽרְחָבָֽה׃ ט וְעַל־יָדָ֤ם הֶֽחֱזִיק֙ רְפָיָ֣ה בֶן־ח֔וּר שַׂ֕ר חֲצִ֖י פֶּ֥לֶךְ יְרֽוּשָׁלִָֽם׃ י וְעַל־יָדָ֧ם הֶֽחֱזִ֛יק יְדָיָ֥ה בֶן־חֲרוּמַ֖ף וְנֶ֣גֶד בֵּית֑וֹ וְעַל־יָד֣וֹ הֶֽחֱזִ֔יק חַטּ֖וּשׁ בֶּן־חֲשַׁבְנְיָֽה׃

֍           ֍            ֍

פרק ג (א) לאחר שאמר נחמיה לעם שיש להם רשות מהמלך לבנות את חומות ירושלים, עשו כדבריו, וַיָּקָם אֶלְיָשִׁיב הַכֹּהֵן הַגָּדוֹל, וְאֶחָיו הַכֹּהֲנִים, וַיִּבְנוּ אֶת שַׁעַר הַצֹּאן, ושער זה היה באמצע צד מזרח של העיר, הֵמָּה קִדְּשׁוּהוּ, כי היה שער זה מול בית המקדש, וַיַּעֲמִידוּ דַּלְתֹתָיו, והמשיכו לבנות מאמצע המזרח לצד צפון, וְעַד מִגְדַּל הַמֵּאָה שהיה בצפון, קִדְּשׁוּהוּ, עַד מִגְדַּל חֲנַנְאֵל, שהיה גם הוא בצד צפון.

(ב) וְעַל יָדוֹ בָנוּ אַנְשֵׁי יְרֵחוֹ, וְעַל יָדוֹ בָנָה זַכּוּר בֶּן אִמְרִי, והם בנו את חלק החומה שממגדל חננאל בצפון ועד שער הדגים, שהיה גם הוא בצפון.

(ג) וְאֵת שַׁעַר הַדָּגִים בָּנוּ בְּנֵי הַסְּנָאָה, הֵמָּה קֵרוּהוּ, וַיַּעֲמִידוּ דַּלְתֹתָיו, מַנְעוּלָיו וּבְרִיחָיו.

(ד) וְעַל יָדָם הֶחֱזִיק מְרֵמוֹת בֶּן אוּרִיָּה בֶּן הַקּוֹץ, וְעַל יָדָם הֶחֱזִיק מְשֻׁלָּם בֶּן בֶּרֶכְיָה בֶּן מְשֵׁיזַבְאֵל, וְעַל יָדָם הֶחֱזִיק צָדוֹק בֶּן בַּעֲנָא.

(ה) וְעַל יָדָם הֶחֱזִיקוּ הַתְּקוֹעִים, ואף שהיו יושבי תקוע בארץ ישראל לפני עליית עזרא, ואותם שהיו בארץ ישראל קודם לכן היו תחת שלטון הפחות השולטים מכוחו של מלך פרס, וְאַדִּירֵיהֶם – האדירים שבהם לא היו כפופים לאותם פחות, אלא היו חפשיים לעצמם, והם לֹא הֵבִיאוּ צַוָּרָם בַּעֲבֹדַת אֲדֹנֵיהֶם, ולכן היו יכולים לעשות את מלאכת הקמת החומה.

(ו) וְאֵת שַׁעַר הַיְשָׁנָה שהיה בפינה הצפונית מזרחית, הֶחֱזִיקוּ – חיזקו יוֹיָדָע בֶּן פָּסֵחַ, וּמְשֻׁלָּם בֶּן בְּסוֹדְיָה, הֵמָּה קֵרוּהוּ, וַיַּעֲמִידוּ דַּלְתֹתָיו, וּמַנְעֻלָיו וּבְרִיחָיו.

(ז) וְעַל יָדָם הֶחֱזִיק מְלַטְיָה הַגִּבְעֹנִי, וְיָדוֹן הַמֵּרֹנֹתִי, אַנְשֵׁי גִבְעוֹן וְהַמִּצְפָּה, שהם לא עלו עם עזרא וזרובבל, והיו משועבדים לְכִסֵּא פַּחַת עֵבֶר הַנָּהָר.

(ח) עַל יָדוֹ הֶחֱזִיק עֻזִּיאֵל בֶּן חַרְהֲיָה צוֹרְפִים, וְעַל יָדוֹ הֶחֱזִיק חֲנַנְיָה בֶּן הָרַקָּחִים, וַיַּעַזְבוּ – חיזקו וביצרו את חומת יְרוּשָׁלִַם, עַד למקום הַחוֹמָה הָרְחָבָה.

(ט) וְעַל יָדָם הֶחֱזִיק רְפָיָה בֶן חוּר, שהיה שַׂר חֲצִי פֶּלֶךְ – ממונה על חצי העם אשר ביְרוּשָׁלִָם.

(י) וְעַל יָדָם הֶחֱזִיק יְדָיָה בֶן חֲרוּמַף, וְנֶגֶד בֵּיתוֹ – ובנה גם את כל החומה שמול ביתו, וְעַל יָדוֹ הֶחֱזִיק חַטּוּשׁ בֶּן חֲשַׁבְנְיָה.