שיעור 91, ספר דברי הימים א, פרק כג, יד-כג

יד וּמֹשֶׁ֖ה אִ֣ישׁ הָֽאֱלֹהִ֑ים בָּנָ֕יו יִקָּרְא֖וּ עַל־שֵׁ֥בֶט הַלֵּוִֽי׃ טו בְּנֵ֣י מֹשֶׁ֔ה גֵּֽרְשׁ֖וֹם וֶֽאֱלִיעֶֽזֶר׃ טז בְּנֵ֥י גֵֽרְשׁ֖וֹם שְׁבוּאֵ֥ל הָרֹֽאשׁ׃ יז וַיִּֽהְי֥וּ בְנֵֽי־אֱלִיעֶ֖זֶר רְחַבְיָ֣ה הָרֹ֑אשׁ וְלֹֽא־הָיָ֤ה לֶֽאֱלִיעֶ֨זֶר֙ בָּנִ֣ים אֲחֵרִ֔ים וּבְנֵ֥י רְחַבְיָ֖ה רָב֥וּ לְמָֽעְלָה׃ יח בְּנֵ֥י יִצְהָ֖ר שְׁלֹמִ֥ית הָרֹֽאשׁ׃ יט בְּנֵ֖י חֶבְר֑וֹן יְרִיָּ֤הוּ הָרֹאשׁ֙ אֲמַרְיָ֣ה הַשֵּׁנִ֔י יַֽחֲזִיאֵל֙ הַשְּׁלִישִׁ֔י וִֽיקַמְעָ֖ם הָֽרְבִיעִֽי׃ כ בְּנֵ֖י עֻזִּיאֵ֑ל מִיכָ֣ה הָרֹ֔אשׁ וְיִשִּׁיָּ֖ה הַשֵּׁנִֽי׃ כא בְּנֵ֤י מְרָרִי֙ מַחְלִ֣י וּמוּשִׁ֔י בְּנֵ֥י מַחְלִ֖י אֶלְעָזָ֥ר וְקִֽישׁ׃ כב וַיָּ֨מָת֙ אֶלְעָזָ֔ר וְלֹא־הָ֥יוּ ל֛וֹ בָּנִ֖ים כִּ֣י אִם־בָּנ֑וֹת וַיִּשָּׂא֥וּם בְּנֵי־קִ֖ישׁ אֲחֵיהֶֽם׃ כג בְּנֵ֣י מוּשִׁ֗י מַחְלִ֥י וְעֵ֛דֶר וִֽירֵמ֖וֹת שְׁלוֹשָֽׁה׃

֍              ֍              ֍

(יד) וּמֹשֶׁה אִישׁ הָאֱלֹהִים, בָּנָיו יִקָּרְאוּ עַל שֵׁבֶט הַלֵּוִי.

(טו) בְּנֵי מֹשֶׁה, גֵּרְשׁוֹם וֶאֱלִיעֶזֶר.

(טז) בְּנֵי גֵרְשׁוֹם, שְׁבוּאֵל הָרֹאשׁ.

(יז) וַיִּהְיוּ בְנֵי אֱלִיעֶזֶר, רְחַבְיָה הָרֹאשׁ. וְלֹא הָיָה לֶאֱלִיעֶזֶר בָּנִים אֲחֵרִים מלבד בן זה, וּבְנֵי רְחַבְיָה רָבוּ לְמָעְלָה – התרבו מאד [וגם היו מרובים בחשיבותם, שהיו ממונים על שמירת אוצרות המקדש].

(יח) בְּנֵי יִצְהָר, שְׁלֹמִית הָרֹאשׁ.

(יט) בְּנֵי חֶבְרוֹן, יְרִיָּהוּ הָרֹאשׁ, ומונה עתה הכתוב את בניו של יריהו, אֲמַרְיָה הַשֵּׁנִי, יַחֲזִיאֵל הַשְּׁלִישִׁי, וִיקַמְעָם הָרְבִיעִי [וכמו שיבואר להלן (כד כג).

(כ) בְּנֵי עֻזִּיאֵל, מִיכָה הָרֹאשׁ, וְיִשִּׁיָּה הַשֵּׁנִי.

(כא) בְּנֵי מְרָרִי, מַחְלִי וּמוּשִׁי. בְּנֵי מַחְלִי, אֶלְעָזָר וְקִישׁ.

(כב) וַיָּמָת אֶלְעָזָר, וְלֹא הָיוּ לוֹ בָּנִים כִּי אִם בָּנוֹת, וַיִּשָּׂאוּם בְּנֵי קִישׁ אֲחֵיהֶם.

(כג) בְּנֵי מוּשִׁי, מַחְלִי, וְעֵדֶר, וִירֵמוֹת, שְׁלוֹשָׁה.