יום שישי
י' כסלו התשפ"ז

חיפוש בארכיון

שיעור 125, ספר ירמיהו, פרק כ, א-ו

פרק כ א וַיִּשְׁמַ֤ע פַּשְׁחוּר֙ בֶּן־אִמֵּ֣ר הַכֹּהֵ֔ן וְהֽוּא־פָקִ֥יד נָגִ֖יד בְּבֵ֣ית יְהוָ֑ה אֶֽת־יִרְמְיָ֔הוּ נִבָּ֖א אֶת־הַדְּבָרִ֥ים הָאֵֽלֶּה׃ ב וַיַּכֶּ֣ה פַשְׁח֔וּר אֵ֖ת יִרְמְיָ֣הוּ הַנָּבִ֑יא וַיִּתֵּ֨ן אֹת֜וֹ עַל־הַמַּהְפֶּ֗כֶת אֲשֶׁ֨ר בְּשַׁ֤עַר בִּנְיָמִן֙ הָֽעֶלְי֔וֹן אֲשֶׁ֖ר בְּבֵ֥ית יְהוָֽה׃ ג וַֽיְהִי֙ מִֽמָּחֳרָ֔ת וַיֹּצֵ֥א פַשְׁח֛וּר אֶֽת־יִרְמְיָ֖הוּ מִן־הַמַּהְפָּ֑כֶת וַיֹּ֨אמֶר אֵלָ֜יו יִרְמְיָ֗הוּ לֹ֤א פַשְׁחוּר֙ קָרָ֤א יְהוָה֙ שְׁמֶ֔ךָ כִּ֖י אִם־מָג֥וֹר מִסָּבִֽיב׃ ד כִּ֣י כֹ֣ה אָמַ֣ר יְהוָ֡ה הִנְנִי֩ נֹֽתֶנְךָ֨ לְמָג֜וֹר לְךָ֣ וּלְכָל־אֹֽהֲבֶ֗יךָ וְנָ֥פְל֛וּ בְּחֶ֥רֶב אֹֽיְבֵיהֶ֖ם וְעֵינֶ֣יךָ רֹא֑וֹת וְאֶת־כָּל־יְהוּדָ֗ה אֶתֵּן֙ בְּיַ֣ד מֶֽלֶךְ־בָּבֶ֔ל וְהִגְלָ֥ם בָּבֶ֖לָה וְהִכָּ֥ם בֶּחָֽרֶב׃ ה וְנָֽתַתִּ֗י אֶת־כָּל־חֹ֨סֶן֙ הָעִ֣יר הַזֹּ֔את וְאֶת־כָּל־יְגִיעָ֖הּ וְאֶת־כָּל־יְקָרָ֑הּ וְאֵ֨ת כָּל־אֽוֹצְר֜וֹת מַלְכֵ֣י יְהוּדָ֗ה אֶתֵּן֙ בְּיַ֣ד אֹֽיְבֵיהֶ֔ם וּבְזָזוּם֙ וּלְקָח֔וּם וֶֽהֱבִיא֖וּם בָּבֶֽלָה׃ ו וְאַתָּ֣ה פַשְׁח֗וּר וְכֹל֙ יֹֽשְׁבֵ֣י בֵיתֶ֔ךָ תֵּֽלְכ֖וּ בַּשֶּׁ֑בִי וּבָבֶ֣ל תָּב֗וֹא וְשָׁ֤ם תָּמוּת֙ וְשָׁ֣ם תִּקָּבֵ֔ר אַתָּה֙ וְכָל־אֹֽהֲבֶ֔יךָ אֲשֶׁר־נִבֵּ֥אתָ לָהֶ֖ם בַּשָּֽׁקֶר׃

֍֍֍

פרק כ (א) וַיִּשְׁמַע פַּשְׁחוּר בֶּן אִמֵּר הַכֹּהֵן, וְהוּא פָקִיד נָגִיד בְּבֵית ה', אֶת יִרְמְיָהוּ נִבָּא אֶת הַדְּבָרִים הָאֵלֶּה.

(ב) וַיַּכֶּה פַשְׁחוּר אֵת יִרְמְיָהוּ הַנָּבִיא, וַיִּתֵּן אֹתוֹ עַל הַמַּהְפֶּכֶת (-בית הסוהר) אֲשֶׁר בְּשַׁעַר בִּנְיָמִן הָעֶלְיוֹן, העומד בגובה ההר, אֲשֶׁר בְּבֵית ה'.

(ג) וַיְהִי מִמָּחֳרָת, וַיֹּצֵא פַשְׁחוּר אֶת יִרְמְיָהוּ מִן הַמַּהְפָּכֶת, וַיֹּאמֶר אֵלָיו יִרְמְיָהוּ, לֹא פַשְׁחוּר קָרָא ה' שְׁמֶךָ, ששם זה מורה על התפשטות וחירות, כִּי אִם יקרא שמך מָגוֹר מִסָּבִיב, ושם זה מורה על התכנסות מחמת פחד.

(ד) כִּי כֹה אָמַר ה', הִנְנִי נֹתֶנְךָ לְמָגוֹר, לְךָ וּלְכָל אֹהֲבֶיךָ, שכאשר ישמעו מה אירע לך יתגבר פחדם, וְנָפְלוּ בְּחֶרֶב אֹיְבֵיהֶם בעת המלחמה, וְעֵינֶיךָ רֹאוֹת, וְאֶת כָּל יְהוּדָה אֶתֵּן באותו זמן בְּיַד מֶלֶךְ בָּבֶל, וְהִגְלָם בָּבֶלָה, וְהִכָּם שם בֶּחָרֶב.

(ה) וְנָתַתִּי אֶת כָּל חֹסֶן הָעִיר הַזֹּאת – את כל הדברים החזקים שבעיר, כמו המבצרים, וְאֶת כָּל יְגִיעָהּ – הכסף והזהב והתבואה, וְאֶת כָּל יְקָרָהּ – הדברים היקרים, כמו אבנים טובות ומרגליות, וְאֵת כָּל אוֹצְרוֹת מַלְכֵי יְהוּדָה, את המבצרים אֶתֵּן בְּיַד אֹיְבֵיהֶם, ואת הכסף והזהב והדברים היקרים אתן ביד אנשי הצבא וּבְזָזוּם, וכל האוצרות יינתנו ליד מלך בבל וּלְקָחוּם וֶהֱבִיאוּם בָּבֶלָה, לאוצר המלך.

(ו) וְאַתָּה, פַשְׁחוּר, שהתנבאת בשם ה' לשקר, וְכֹל יֹשְׁבֵי בֵיתֶךָ, תֵּלְכוּ בַּשֶּׁבִי, וּבָבֶל תָּבוֹא, וְשָׁם תָּמוּת, וְשָׁם תִּקָּבֵר, אַתָּה וְכָל אֹהֲבֶיךָ אֲשֶׁר נִבֵּאתָ לָהֶם בַּשָּׁקֶר.

 

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)

האם "זמני היום" באתר יועילו לך?