שיעור 15, ספר דברי הימים א, פרק ג, טו-כב

טו וּבְנֵי֙ יֹֽאשִׁיָּ֔הוּ הַבְּכוֹר֙ יֽוֹחָנָ֔ן הַשֵּׁנִ֖י יְהֽוֹיָקִ֑ים הַשְּׁלִשִׁי֙ צִדְקִיָּ֔הוּ הָֽרְבִיעִ֖י שַׁלּֽוּם׃ טז וּבְנֵ֖י יְהֽוֹיָקִ֑ים יְכָנְיָ֥ה בְנ֖וֹ צִדְקִיָּ֥ה בְנֽוֹ׃ יז וּבְנֵי֙ יְכָנְיָ֣ה אַסִּ֔ר שְׁאַלְתִּיאֵ֖ל בְּנֽוֹ׃ יח וּמַלְכִירָ֥ם וּפְדָיָ֖ה וְשֶׁנְאַצַּ֑ר יְקַמְיָ֥ה הֽוֹשָׁמָ֖ע וּנְדַבְיָֽה׃ יט וּבְנֵ֣י פְדָיָ֔ה זְרֻבָּבֶ֖ל וְשִׁמְעִ֑י וּבֶן־זְרֻבָּבֶל֙ מְשֻׁלָּ֣ם וַֽחֲנַנְיָ֔ה וּשְׁלֹמִ֖ית אֲחוֹתָֽם׃ כ וַֽחֲשֻׁבָ֡ה וָ֠אֹהֶל וּבֶֽרֶכְיָ֧ה וַֽחֲסַדְיָ֛ה י֥וּשַׁב חֶ֖סֶד חָמֵֽשׁ׃ כא וּבֶן־חֲנַנְיָ֖ה פְּלַטְיָ֣ה וִישַֽׁעְיָ֑ה בְּנֵ֤י רְפָיָה֙ בְּנֵ֣י אַרְנָ֔ן בְּנֵ֥י עֹֽבַדְיָ֖ה בְּנֵ֥י שְׁכַנְיָֽה׃ כב וּבְנֵ֥י שְׁכַנְיָ֖ה שְׁמַֽעְיָ֑ה וּבְנֵ֣י שְׁמַֽעְיָ֗ה חַטּ֡וּשׁ וְ֠יִגְאָל וּבָרִ֧יחַ וּנְעַרְיָ֛ה וְשָׁפָ֖ט שִׁשָּֽׁה׃

֍              ֍            ֍

(טו) וּבְנֵי יֹאשִׁיָּהוּ, הַבְּכוֹר יוֹחָנָן [והוא יהואחז, שמלך תחילה], הַשֵּׁנִי יְהוֹיָקִים, הַשְּׁלִשִׁי צִדְקִיָּהוּ, הָרְבִיעִי שַׁלּוּם, שהגלו אותו לבבל כדי שלא יחלוק על מלכות צדקיהו.

(טז) וּבְנֵי יְהוֹיָקִים, יְכָנְיָה בְנוֹ, צִדְקִיָּה בְנוֹ.

(יז) וּבְנֵי יְכָנְיָה, אַסִּר [והוא יכניה, שהיה אסור בבית האסורים], שְׁאַלְתִּיאֵל בְּנוֹ.

(יח) וּמַלְכִירָם, וּפְדָיָה, וְשֶׁנְאַצַּר, יְקַמְיָה, הוֹשָׁמָע, וּנְדַבְיָה.

(יט) וּבְנֵי פְדָיָה, זְרֻבָּבֶל, וְשִׁמְעִי. וּבֶן זְרֻבָּבֶל, מְשֻׁלָּם, וַחֲנַנְיָה, וּשְׁלֹמִית אֲחוֹתָם, כל אלו נולדו מאשה אחת.

(כ) וַחֲשֻׁבָה, וָאֹהֶל, וּבֶרֶכְיָה, וַחֲסַדְיָה, יוּשַׁב חֶסֶד, אלו חָמֵשׁ שנולדו מאשה אחרת.

(כא) וּבֶן חֲנַנְיָה, פְּלַטְיָה, וִישַׁעְיָה. בְּנֵי רְפָיָה, בְּנֵי אַרְנָן, בְּנֵי עֹבַדְיָה, בְּנֵי שְׁכַנְיָה [וכפי שהתבאר לעיל, המיוחסים כאן הועתקו מספר יוחסין גדול וארוך יותר, ושם נכתבו שמות בניהם, ואילו כאן נכתב בקיצור רק תחילת הענין מכל אחד, ללא פירוט שמות בניהם].

(כב) וּבְנֵי שְׁכַנְיָה, שְׁמַעְיָה. וּבְנֵי שְׁמַעְיָה, חַטּוּשׁ, וְיִגְאָל, וּבָרִיחַ, וּנְעַרְיָה, וְשָׁפָט, וכיון שבני שמעיה גדלו בבית שכניה אבי אביהם, נחשבים הם כבניו, ויחד עם שמעיה עצמו היו שִׁשָּׁה.