יום שבת
י"א כסלו התשפ"ז

חיפוש בארכיון

שיעור 156, ספר ירמיהו, פרק כז, טז-כב

טז וְאֶל־הַכֹּֽהֲנִים֩ וְאֶל־כָּל־הָעָ֨ם הַזֶּ֜ה דִּבַּ֣רְתִּי לֵאמֹ֗ר כֹּה֮ אָמַ֣ר יְהוָה֒ אַֽל־תִּשְׁמְע֞וּ אֶל־דִּבְרֵ֣י נְבִֽיאֵיכֶ֗ם הַֽנִּבְּאִ֤ים לָכֶם֙ לֵאמֹ֔ר הִנֵּ֨ה כְלֵ֧י בֵית־יְהוָ֛ה מֽוּשָׁבִ֥ים מִבָּבֶ֖לָה עַתָּ֣ה מְהֵרָ֑ה כִּ֣י שֶׁ֔קֶר הֵ֖מָּה נִבְּאִ֥ים לָכֶֽם׃ יז אַל־תִּשְׁמְע֣וּ אֲלֵיהֶ֔ם עִבְד֥וּ אֶת־מֶֽלֶךְ־בָּבֶ֖ל וִֽחְי֑וּ לָ֧מָּה תִֽהְיֶ֛ה הָעִ֥יר הַזֹּ֖את חָרְבָּֽה׃ יח וְאִם־נְבִאִ֣ים הֵ֔ם וְאִם־יֵ֥שׁ דְּבַר־יְהוָ֖ה אִתָּ֑ם יִפְגְּעוּ־נָא֙ בַּֽיהוָ֣ה צְבָא֔וֹת לְבִלְתִּי־בֹ֜אוּ הַכֵּלִ֣ים ׀ הַנּֽוֹתָרִ֣ים בְּבֵית־יְהוָ֗ה וּבֵ֨ית מֶ֧לֶךְ יְהוּדָ֛ה וּבִירֽוּשָׁלִַ֖ם בָּבֶֽלָה׃ יט כִּ֣י כֹ֤ה אָמַר֙ יְהוָ֣ה צְבָא֔וֹת אֶל־הָֽעַמֻּדִ֔ים וְעַל־הַיָּ֖ם וְעַל־הַמְּכֹנ֑וֹת וְעַל֙ יֶ֣תֶר הַכֵּלִ֔ים הַנּֽוֹתָרִ֖ים בָּעִ֥יר הַזֹּֽאת׃ כ אֲשֶׁ֣ר לֹֽא־לְקָחָ֗ם נְבֽוּכַדְנֶאצַּר֙ מֶ֣לֶךְ בָּבֶ֔ל בַּ֠גְלוֹתוֹ אֶת־יְכָנְיָ֨ה בֶן־יְהֽוֹיָקִ֧ים מֶֽלֶךְ־יְהוּדָ֛ה מִירֽוּשָׁלִַ֖ם בָּבֶ֑לָה וְאֵ֛ת כָּל־חֹרֵ֥י יְהוּדָ֖ה וִירֽוּשָׁלִָֽם׃ כא כִּ֣י כֹ֥ה אָמַ֛ר יְהוָ֥ה צְבָא֖וֹת אֱלֹהֵ֣י יִשְׂרָאֵ֑ל עַל־הַכֵּלִ֗ים הַנּֽוֹתָרִים֙ בֵּ֣ית יְהוָ֔ה וּבֵ֥ית מֶֽלֶךְ־יְהוּדָ֖ה וִירֽוּשָׁלִָֽם׃ כב בָּבֶ֥לָה יוּבָ֖אוּ וְשָׁ֣מָּה יִֽהְי֑וּ עַ֠ד י֣וֹם פָּקְדִ֤י אֹתָם֙ נְאֻם־יְהוָ֔ה וְהַֽעֲלִיתִים֙ וַהֲשִׁ֣יבֹתִ֔ים אֶל־הַמָּק֖וֹם הַזֶּֽה׃

֍֍֍

(טז) וְאֶל הַכֹּהֲנִים וְאֶל כָּל הָעָם הַזֶּה, שהאמינו לנביאי השקר ורצו למרוד בנבוכדנצר מלך בבל, דִּבַּרְתִּי לֵאמֹר, כֹּה אָמַר ה', אַל תִּשְׁמְעוּ אֶל דִּבְרֵי נְבִיאֵיכֶם – נביאי השקר, הַנִּבְּאִים לָכֶם לֵאמֹר, הִנֵּה כְלֵי בֵית ה' מוּשָׁבִים מִבָּבֶלָה עַתָּה מְהֵרָה, ומחמת נבואת שקר זו האמינו המון העם שיצאו לחופשי מתחת יד נבוכדנצר מלך בבל, כִּי שֶׁקֶר הֵמָּה נִבְּאִים לָכֶם.

(יז) אַל תִּשְׁמְעוּ אֲלֵיהֶם, אלא עִבְדוּ אֶת מֶלֶךְ בָּבֶל, וִחְיוּ, לָמָּה תגרמו במעשיכם שתִהְיֶה הָעִיר הַזֹּאת חָרְבָּה.

(יח) ומוסיף ואומר, כיון שלפי האמת לא רק שלא ישובו עתה כלי המקדש שנלקחו לבבל, אלא גם הכלים שעדיין לא נלקחו עתידים להלקח, וכמו שיבואר בנבואת ירמיהו האמיתית, בודאי שלא ישובו עתה הכלים הישנים, וְאִם אכן נְבִאִים הֵם, וְאִם באמת יֵשׁ דְּבַר ה' אִתָּם, יִפְגְּעוּ נָא בַּה' צְבָאוֹת – יתפללו נא לה' לְבִלְתִּי בֹאוּ הַכֵּלִים הַנּוֹתָרִים בְּבֵית ה' וּבֵית מֶלֶךְ יְהוּדָה וּבִירוּשָׁלִַם, בָּבֶלָה.

(יט) ומבאר להם מדוע יש צורך להתפלל על כך לה', כִּי כֹה אָמַר ה' צְבָאוֹת, אֶל הָעַמֻּדִים – עמודי הנחושת, וְעַל הַיָּם של נחושת, וְעַל הַמְּכֹנוֹת – הכנים של הכיורים העשויים נחושת, וְעַל יֶתֶר הַכֵּלִים הַנּוֹתָרִים בָּעִיר הַזֹּאת.

(כ) אֲשֶׁר לֹא לְקָחָם נְבוּכַדְנֶאצַּר מֶלֶךְ בָּבֶל, בפעם הראשונה שהגיע לירושלים, בַּגְלוֹתוֹ (-כשהגלה) אֶת יְכָנְיָה בֶן יְהוֹיָקִים מֶלֶךְ יְהוּדָה מִירוּשָׁלִַם בָּבֶלָה, וְאֵת כָּל חֹרֵי (-שרי) יְהוּדָה וִירוּשָׁלִָם.

(כא) כִּי כֹה אָמַר ה' צְבָאוֹת אֱלֹהֵי יִשְׂרָאֵל, עַל הַכֵּלִים הַנּוֹתָרִים בֵּית ה' וּבֵית מֶלֶךְ יְהוּדָה וִירוּשָׁלִָם.

(כב) בָּבֶלָה יוּבָאוּ, כאשר יבוא נבוכדנצר שנית על ירושלים, וְשָׁמָּה יִהְיוּ, עַד יוֹם פָּקְדִי אֹתָם, נְאֻם ה', וְהַעֲלִיתִים וַהֲשִׁיבֹתִים אֶל הַמָּקוֹם הַזֶּה.

 

"וְדִבַּרְתִּי עַל הַנְּבִיאִים, וְאָנֹכִי חָזוֹן הִרְבֵּיתִי, וּבְיַד הַנְּבִיאִים אֲדַמֶּה" (הושע יב יא)

האם "זמני היום" באתר יועילו לך?