שיעור 176, ספר דברי הימים ב, פרק יז, ז-יא

ז וּבִשְׁנַ֨ת שָׁל֜וֹשׁ לְמָלְכ֗וֹ שָׁלַ֤ח לְשָׂרָיו֙ לְבֶן־חַ֨יִל֙ וּלְעֹֽבַדְיָ֣ה וְלִזְכַרְיָ֔ה וְלִנְתַנְאֵ֖ל וּלְמִֽיכָיָ֑הוּ לְלַמֵּ֖ד בְּעָרֵ֥י יְהוּדָֽה׃ ח וְעִמָּהֶ֣ם הַלְוִיִּ֗ם שְֽׁמַעְיָ֡הוּ וּנְתַנְיָ֡הוּ וּזְבַדְיָ֡הוּ וַֽעֲשָׂהאֵ֡ל וּשְׁמִֽירָמ֡וֹת וִיהֽוֹנָתָן֩ וַאֲדֹ֨נִיָּ֧הוּ וְטֽוֹבִיָּ֛הוּ וְט֥וֹב אֲדֽוֹנִיָּ֖ה הַלְוִיִּ֑ם וְעִמָּהֶ֛ם אֱלִֽישָׁמָ֥ע וִֽיהוֹרָ֖ם הַכֹּֽהֲנִֽים׃ ט וַֽיְלַמְּדוּ֙ בִּֽיהוּדָ֔ה וְעִ֨מָּהֶ֔ם סֵ֖פֶר תּוֹרַ֣ת יְהוָ֑ה וַיָּסֹ֨בּוּ֙ בְּכָל־עָרֵ֣י יְהוּדָ֔ה וַֽיְלַמְּד֖וּ בָּעָֽם׃ י וַיְהִ֣י ׀ פַּ֣חַד יְהוָ֗ה עַ֚ל כָּל־מַמְלְכ֣וֹת הָֽאֲרָצ֔וֹת אֲשֶׁ֖ר סְבִיב֣וֹת יְהוּדָ֑ה וְלֹ֥א נִלְחֲמ֖וּ עִם־יְהֽוֹשָׁפָֽט׃ יא וּמִן־פְּלִשְׁתִּ֗ים מְבִיאִ֧ים לִיהֽוֹשָׁפָ֛ט מִנְחָ֖ה וְכֶ֣סֶף מַשָּׂ֑א גַּ֣ם הָֽעַרְבִיאִ֗ים מְבִיאִ֥ים לוֹ֙ צֹ֕אן אֵילִ֗ים שִׁבְעַ֤ת אֲלָפִים֙ וּשְׁבַ֣ע מֵא֔וֹת וּתְיָשִׁ֕ים שִׁבְעַ֥ת אֲלָפִ֖ים וּשְׁבַ֥ע מֵאֽוֹת׃

֍              ֍              ֍

(ז) וּבִשְׁנַת שָׁלוֹשׁ לְמָלְכוֹ, שָׁלַח יהושפט מלך יהודה לְשָׂרָיו, לְבֶן חַיִל, וּלְעֹבַדְיָה, וְלִזְכַרְיָה, וְלִנְתַנְאֵל, וּלְמִיכָיָהוּ, לְלַמֵּד תורה לכל העם בְּעָרֵי יְהוּדָה.

(ח) וְעִמָּהֶם הַלְוִיִּם, שְׁמַעְיָהוּ, וּנְתַנְיָהוּ, וּזְבַדְיָהוּ, וַעֲשָׂהאֵל, וּשְׁמִירָמוֹת, וִיהוֹנָתָן, וַאֲדֹנִיָּהוּ, וְטוֹבִיָּהוּ, וְטוֹב אֲדוֹנִיָּה הַלְוִיִּם, וְעִמָּהֶם אֱלִישָׁמָע, וִיהוֹרָם הַכֹּהֲנִים.

(ט) וַיְלַמְּדוּ בִּיהוּדָה, לא רק את המצוות השכליות, אלא גם את גזירות וחוקי התורה, וְעִמָּהֶם לצורך לימוד זה סֵפֶר תּוֹרַת יְהֹוָה, וַיָּסֹבּוּ [-הסתובבו] בְּכָל עָרֵי יְהוּדָה, וַיְלַמְּדוּ בָּעָם.

(י) וַיְהִי פַּחַד יְהֹוָה עַל כָּל מַמְלְכוֹת הָאֲרָצוֹת אֲשֶׁר סְבִיבוֹת יְהוּדָה, וְלֹא נִלְחֲמוּ עִם יְהוֹשָׁפָט.

(יא) וּמִן פְּלִשְׁתִּים מְבִיאִים לִיהוֹשָׁפָט מִנְחָה, וְכֶסֶף מַשָּׂא. גַּם הָעַרְבִיאִים מְבִיאִים לוֹ צֹאן, אֵילִים שִׁבְעַת אֲלָפִים וּשְׁבַע מֵאוֹת, וּתְיָשִׁים שִׁבְעַת אֲלָפִים וּשְׁבַע מֵאוֹת.