שיעור 234, ספר ירמיהו, פרק מג, ח-יג
ח וַיְהִ֤י דְבַר־יְהוָה֙ אֶֽל־יִרְמְיָ֔הוּ בְּתַחְפַּנְחֵ֖ס לֵאמֹֽר׃ ט קַ֣ח בְּיָֽדְךָ֞ אֲבָנִ֣ים גְּדֹל֗וֹת וּטְמַנְתָּ֤ם בַּמֶּ֨לֶט֙ בַּמַּלְבֵּ֔ן אֲשֶׁ֛ר בְּפֶ֥תַח בֵּית־פַּרְעֹ֖ה בְּתַחְפַּנְחֵ֑ס לְעֵינֵ֖י אֲנָשִׁ֥ים יְהוּדִֽים׃ י וְאָֽמַרְתָּ֣ אֲלֵיהֶ֡ם כֹּֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל הִנְנִ֤י שֹׁלֵ֨חַ֙ וְ֠לָקַחְתִּי אֶת־נְבֽוּכַדְרֶאצַּ֤ר מֶֽלֶךְ־בָּבֶל֙ עַבְדִּ֔י וְשַׂמְתִּ֣י כִסְא֔וֹ מִמַּ֛עַל לָֽאֲבָנִ֥ים הָאֵ֖לֶּה אֲשֶׁ֣ר טָמָ֑נְתִּי וְנָטָ֥ה אֶת־שַׁפְרִיר֖וֹ עֲלֵיהֶֽם׃ יא וּבָ֕א וְהִכָּ֖ה אֶת־אֶ֣רֶץ מִצְרָ֑יִם אֲשֶׁ֧ר לַמָּ֣וֶת לַמָּ֗וֶת וַֽאֲשֶׁ֤ר לַשְּׁבִי֙ לַשֶּׁ֔בִי וַֽאֲשֶׁ֥ר לַחֶ֖רֶב לֶחָֽרֶב׃ יב וְהִצַּ֣תִּי אֵ֗שׁ בְּבָתֵּי֙ אֱלֹהֵ֣י מִצְרַ֔יִם וּשְׂרָפָ֖ם וְשָׁבָ֑ם וְעָטָה֩ אֶת־אֶ֨רֶץ מִצְרַ֜יִם כַּֽאֲשֶׁר־יַעְטֶ֤ה הָֽרֹעֶה֙ אֶת־בִּגְד֔וֹ וְיָצָ֥א מִשָּׁ֖ם בְּשָׁלֽוֹם׃ יג וְשִׁבַּ֗ר אֶֽת־מַצְּבוֹת֙ בֵּ֣ית שֶׁ֔מֶשׁ אֲשֶׁ֖ר בְּאֶ֣רֶץ מִצְרָ֑יִם וְאֶת־בָּתֵּ֥י אֱלֹהֵֽי־מִצְרַ֖יִם יִשְׂרֹ֥ף בָּאֵֽשׁ׃
֍֍ ֍
(ח) וַיְהִי דְבַר ה' אֶל יִרְמְיָהוּ בְּתַחְפַּנְחֵס, לֵאמֹר.
(ט) כיון שנבואה לרעה עשויה להתבטל, ציוה עליו ה' שיעשה עם זה פעולה, ובאופן כזה אין הנבואה מתבטלת, קַח בְּיָדְךָ אֲבָנִים גְּדֹלוֹת, וּטְמַנְתָּם בַּמֶּלֶט, בַּמַּלְבֵּן – במקום עשיית הלבינים, אֲשֶׁר בְּפֶתַח בֵּית פַּרְעֹה, בְּתַחְפַּנְחֵס, לְעֵינֵי אֲנָשִׁים יְהוּדִים.
(י) וְאָמַרְתָּ אֲלֵיהֶם, כֹּה אָמַר ה' צְבָאוֹת אֱלֹהֵי יִשְׂרָאֵל, הִנְנִי שֹׁלֵחַ וְלָקַחְתִּי אֶת נְבוּכַדְרֶאצַּר מֶלֶךְ בָּבֶל עַבְדִּי, וְשַׂמְתִּי כִסְאוֹ מִמַּעַל לָאֲבָנִים הָאֵלֶּה אֲשֶׁר טָמָנְתִּי, וְנָטָה אֶת שַׁפְרִירוֹ – אהלו היפה עֲלֵיהֶם.
(יא) וּבָא נבוכדנצר, וְהִכָּה אֶת אֶרֶץ מִצְרָיִם, אֲשֶׁר – הראוי לַמָּוֶת, יהיה לַמָּוֶת. וַאֲשֶׁר לַשְּׁבִי, לַשֶּׁבִי. וַאֲשֶׁר לַחֶרֶב, לֶחָרֶב.
(יב) וְהִצַּתִּי אֵשׁ בְּבָתֵּי אֱלֹהֵי מִצְרַיִם, וּשְׂרָפָם, וְשָׁבָם – יקח אותם בשבי, וְעָטָה אֶת אֶרֶץ מִצְרַיִם כַּאֲשֶׁר יַעְטֶה הָרֹעֶה אֶת בִּגְדוֹ, שיהיה כל שללה בידו כפי שהבגד נמצא ברשות האדם, וְיָצָא מִשָּׁם בְּשָׁלוֹם.
(יג) וְשִׁבַּר אֶת מַצְּבוֹת בֵּית שֶׁמֶשׁ – מזבחות שנבנו לעבודת זרה של השמש, אֲשֶׁר בְּאֶרֶץ מִצְרָיִם, וְאֶת בָּתֵּי אֱלֹהֵי מִצְרַיִם יִשְׂרֹף בָּאֵשׁ.
