שיעור 290, ספר ירמיהו, פרק נא, מא-מה

מא אֵ֚יךְ נִלְכְּדָ֣ה שֵׁשַׁ֔ךְ וַתִּתָּפֵ֖שׂ תְּהִלַּ֣ת כָּל־הָאָ֑רֶץ אֵ֣יךְ הָֽיְתָ֧ה לְשַׁמָּ֛ה בָּבֶ֖ל בַּגּוֹיִֽם׃ מב עָלָ֥ה עַל־בָּבֶ֖ל הַיָּ֑ם בַּֽהֲמ֥וֹן גַּלָּ֖יו נִכְסָֽתָה׃ מג הָי֤וּ עָרֶ֨יהָ֙ לְשַׁמָּ֔ה אֶ֖רֶץ צִיָּ֣ה וַֽעֲרָבָ֑ה אֶ֗רֶץ לֹֽא־יֵשֵׁ֤ב בָּהֵן֙ כָּל־אִ֔ישׁ וְלֹֽא־יַעֲבֹ֥ר בָּהֵ֖ן בֶּן־אָדָֽם׃ מד וּפָֽקַדְתִּ֨י עַל־בֵּ֜ל בְּבָבֶ֗ל וְהֹֽצֵאתִ֤י אֶת־בִּלְעוֹ֙ מִפִּ֔יו וְלֹֽא־יִנְהֲר֥וּ אֵלָ֛יו ע֖וֹד גּוֹיִ֑ם גַּם־חוֹמַ֥ת בָּבֶ֖ל נָפָֽלָה׃

֍֍ ֍

(מא) אֵיךְ נִלְכְּדָה ונכבשה שֵׁשַׁךְ (-בבל) וַתִּתָּפֵשׂ תְּהִלַּת כָּל הָאָרֶץ, אֵיךְ הָיְתָה לְשַׁמָּה (-לתמהון) בָּבֶל בַּגּוֹיִם, אחרי שכל העמים היו באים אליה לסחורה, ונכנעים אליה.

(מב) עָלָה עַל בָּבֶל הַיָּם, והוא משל לריבוי חיילי האויב שעלו על בבל, בַּהֲמוֹן גַּלָּיו נִכְסָתָה – הגיבורים המרובים של האויב איבדו את בבל.

(מג) הָיוּ עָרֶיהָ לְשַׁמָּה, אֶרֶץ צִיָּה וַעֲרָבָה, אֶרֶץ לֹא יֵשֵׁב בָּהֵן כָּל אִישׁ, וְלֹא יַעֲבֹר בָּהֵן בֶּן אָדָם.

(מד) וּפָקַדְתִּי לרעה עַל בֵּל (-עבודה זרה של בבל) בְּבָבֶל, וְהֹצֵאתִי אֶת בִּלְעוֹ מִפִּיו – את המנחות שהיו מביאים לו, וְלֹא יִנְהֲרוּ אֵלָיו עוֹד גּוֹיִם – לא ירוצו אליו אומות העולם, כנהר שמימיו זורמים במהירות, כי כולם יראו שאין בו ממש. גַּם חוֹמַת בָּבֶל הגדולה והחזקה, נָפָלָה.