שיעור 32, ספר דברי הימים א, פרק ו, לה-מה

לה וְאֵ֖לֶּה בְּנֵ֣י אַֽהֲרֹ֑ן אֶלְעָזָ֥ר בְּנ֛וֹ פִּֽינְחָ֥ס בְּנ֖וֹ אֲבִישׁ֥וּעַ בְּנֽוֹ׃ לו בֻּקִּ֥י בְנ֛וֹ עֻזִּ֥י בְנ֖וֹ זְרַֽחְיָ֥ה בְנֽוֹ׃ לז מְרָי֥וֹת בְּנ֛וֹ אֲמַרְיָ֥ה בְנ֖וֹ אֲחִיט֥וּב בְּנֽוֹ׃ לח צָד֥וֹק בְּנ֖וֹ אֲחִימַ֥עַץ בְּנֽוֹ׃ לט וְאֵ֨לֶּה֙ מֽוֹשְׁבוֹתָ֔ם לְטִֽירוֹתָ֖ם בִּגְבוּלָ֑ם לִבְנֵ֤י אַֽהֲרֹן֙ לְמִשְׁפַּחַ֣ת הַקְּהָתִ֔י כִּ֥י לָהֶ֖ם הָיָ֥ה הַגּוֹרָֽל׃ מ וַֽיִּתְּנ֥וּ לָהֶ֛ם אֶת־חֶבְר֖וֹן בְּאֶ֣רֶץ יְהוּדָ֑ה וְאֶת־מִגְרָשֶׁ֖יהָ סְבִֽיבֹתֶֽיהָ׃ מא וְאֶת־שְׂדֵ֥ה הָעִ֖יר וְאֶת־חֲצֵרֶ֑יהָ נָֽתְנ֖וּ לְכָלֵ֥ב בֶּן־יְפֻנֶּֽה׃ מב וְלִבְנֵ֣י אַֽהֲרֹ֗ן נָֽתְנוּ֙ אֶת־עָרֵ֣י הַמִּקְלָ֔ט אֶת־חֶבְר֥וֹן וְאֶת־לִבְנָ֖ה וְאֶת־מִגְרָשֶׁ֑יהָ וְאֶת־יַתִּ֥ר וְאֶֽת־אֶשְׁתְּמֹ֖עַ וְאֶת־מִגְרָשֶֽׁיהָ׃ מג וְאֶת־חִילֵז֙ וְאֶת־מִגְרָשֶׁ֔יהָ אֶת־דְּבִ֖יר וְאֶת־מִגְרָשֶֽׁיהָ׃ מד וְאֶת־עָשָׁן֙ וְאֶת־מִגְרָשֶׁ֔יהָ וְאֶת־בֵּ֥ית שֶׁ֖מֶשׁ וְאֶת־מִגְרָשֶֽׁיהָ׃ מה וּמִמַּטֵּ֣ה בִנְיָמִ֗ן אֶת־גֶּ֤בַע וְאֶת־מִגְרָשֶׁ֨יהָ֙ וְאֶת־עָלֶ֣מֶת וְאֶת־מִגְרָשֶׁ֔יהָ וְאֶת־עֲנָת֖וֹת וְאֶת־מִגְרָשֶׁ֑יהָ כָּל־עָֽרֵיהֶ֛ם שְׁלֹשׁ־עֶשְׂרֵ֥ה עִ֖יר בְּמִשְׁפְּחֽוֹתֵיהֶֽם׃

֍              ֍            ֍

(לה) וְאֵלֶּה בְּנֵי אַהֲרֹן, אֶלְעָזָר בְּנוֹ, פִּינְחָס בְּנוֹ, אֲבִישׁוּעַ בְּנוֹ.

(לו) בֻּקִּי בְנוֹ, עֻזִּי בְנוֹ, זְרַחְיָה בְנוֹ.

(לז) מְרָיוֹת בְּנוֹ, אֲמַרְיָה בְנוֹ, אֲחִיטוּב בְּנוֹ.

(לח) צָדוֹק בְּנוֹ, אֲחִימַעַץ בְּנוֹ.

(לט) וְאֵלֶּה מוֹשְׁבוֹתָם לְטִירוֹתָם בִּגְבוּלָם, לִבְנֵי אַהֲרֹן, לְמִשְׁפַּחַת הַקְּהָתִי, כִּי לָהֶם הָיָה הַגּוֹרָל הראשון.

(מ) וַיִּתְּנוּ לָהֶם אֶת חֶבְרוֹן בְּאֶרֶץ יְהוּדָה, וְאֶת מִגְרָשֶׁיהָ סְבִיבֹתֶיהָ.

(מא) וְאֶת שְׂדֵה הָעִיר חברון, וְאֶת חֲצֵרֶיהָ, נָתְנוּ לְכָלֵב בֶּן יְפֻנֶּה, כפי שציוה ה' את משה רבינו.

(מב) וְלִבְנֵי אַהֲרֹן נָתְנוּ אֶת עָרֵי הַמִּקְלָט, אֶת חֶבְרוֹן, וְאֶת לִבְנָה, וְאֶת מִגְרָשֶׁיהָ. וְאֶת יַתִּר, וְאֶת אֶשְׁתְּמֹעַ, וְאֶת מִגְרָשֶׁיהָ.

(מג) וְאֶת חִילֵז וְאֶת מִגְרָשֶׁיהָ, אֶת דְּבִיר וְאֶת מִגְרָשֶׁיהָ.

(מד) וְאֶת עָשָׁן וְאֶת מִגְרָשֶׁיהָ, וְאֶת בֵּית שֶׁמֶשׁ וְאֶת מִגְרָשֶׁיהָ.

(מה) וּמִמַּטֵּה בִנְיָמִן נתנו לבני אהרן אֶת גֶּבַע וְאֶת מִגְרָשֶׁיהָ, וְאֶת עָלֶמֶת וְאֶת מִגְרָשֶׁיהָ, וְאֶת עֲנָתוֹת וְאֶת מִגְרָשֶׁיהָ, כָּל עָרֵיהֶם שְׁלֹשׁ עֶשְׂרֵה עִיר בְּמִשְׁפְּחוֹתֵיהֶם [ואמנם כאן נמנו רק אחת עשרה ערים, אך בספר יהושע (פרק כא) הזכיר את כולם, וכאן השמיט את אותם הערים שהיו חרבות בשעת כתיבת ספר דברי הימים].