שיעור 203, ספר ירמיהו, פרק לה, א-ה

פרק לה א הַדָּבָ֛ר אֲשֶׁר־הָיָ֥ה אֶֽל־יִרְמְיָ֖הוּ מֵאֵ֣ת יְהוָ֑ה בִּימֵ֨י יְהֽוֹיָקִ֧ים בֶּן־יֹֽאשִׁיָּ֛הוּ מֶ֥לֶךְ יְהוּדָ֖ה לֵאמֹֽר׃ ב הָלוֹךְ֮ אֶל־בֵּ֣ית הָרֵֽכָבִים֒ וְדִבַּרְתָּ֣ אוֹתָ֔ם וַהֲבִֽאוֹתָם֙ בֵּ֣ית יְהוָ֔ה אֶל־אַחַ֖ת הַלְּשָׁכ֑וֹת וְהִשְׁקִיתָ֥ אוֹתָ֖ם יָֽיִן׃ ג וָֽאֶקַּ֞ח אֶת־יַֽאֲזַנְיָ֤ה בֶֽן־יִרְמְיָ֨הוּ֙ בֶּן־חֲבַצִּנְיָ֔ה וְאֶת־אֶחָ֖יו וְאֶת־כָּל־בָּנָ֑יו וְאֵ֖ת כָּל־בֵּ֥ית הָרֵֽכָבִֽים׃ ד וָֽאָבִ֤א אֹתָם֙ בֵּ֣ית יְהוָ֔ה אֶל־לִשְׁכַּ֗ת בְּנֵ֛י חָנָ֥ן בֶּן־יִגְדַּלְיָ֖הוּ אִ֣ישׁ הָֽאֱלֹהִ֑ים אֲשֶׁר־אֵ֨צֶל֙ לִשְׁכַּ֣ת הַשָּׂרִ֔ים אֲשֶׁ֣ר מִמַּ֗עַל לְלִשְׁכַּ֛ת מַֽעֲשֵׂיָ֥הוּ בֶן־שַׁלֻּ֖ם שֹׁמֵ֥ר הַסַּֽף׃ ה וָֽאֶתֵּ֞ן לִפְנֵ֣י ׀ בְּנֵ֣י בֵית־הָרֵֽכָבִ֗ים גְּבִעִ֛ים מְלֵאִ֥ים יַ֖יִן וְכֹס֑וֹת וָֽאֹמַ֥ר אֲלֵיהֶ֖ם שְׁתוּ־יָֽיִן׃

֍֍ ֍

פרק לה (א) הַדָּבָר אֲשֶׁר הָיָה אֶל יִרְמְיָהוּ מֵאֵת ה', בִּימֵי יְהוֹיָקִים בֶּן יֹאשִׁיָּהוּ מֶלֶךְ יְהוּדָה, לֵאמֹר.

(ב) הָלוֹךְ אֶל בֵּית הָרֵכָבִים – אל משפחת בני יונדב בן רכב, שהיו מבני יתרו, וְדִבַּרְתָּ אוֹתָם – תדבר איתם על ענינים שונים, כדי שלא ירגישו שכוונתו להשקות אותם יין, וַהֲבִאוֹתָם תוך כדי הדיבור אל בֵּית ה', אֶל אַחַת הַלְּשָׁכוֹת, כדי לפרסם את הדבר, וְהִשְׁקִיתָ אוֹתָם יָיִן – תנסה להשקותם יין, לראות אם יתרצו בכך.

(ג) וָאֶקַּח אֶת יַאֲזַנְיָה בֶן יִרְמְיָהוּ בֶּן חֲבַצִּנְיָה, וְאֶת אֶחָיו, וְאֶת כָּל בָּנָיו, וְאֵת כָּל בֵּית הָרֵכָבִים.

(ד) וָאָבִא אֹתָם בֵּית ה', אֶל לִשְׁכַּת בְּנֵי חָנָן בֶּן יִגְדַּלְיָהוּ אִישׁ הָאֱלֹהִים, אֲשֶׁר אֵצֶל לִשְׁכַּת הַשָּׂרִים, והיה בכך פרסום גדול, אֲשֶׁר מִמַּעַל לְלִשְׁכַּת מַעֲשֵׂיָהוּ בֶן שַׁלֻּם שֹׁמֵר הַסַּף, ועל ידי כך הרגישו בדבר כל הנכנסים והיוצאים.

(ה) וָאֶתֵּן לִפְנֵי בְּנֵי בֵית הָרֵכָבִים גְּבִעִים גדולים מְלֵאִים יַיִן, וְכֹסוֹת לשתיה, וָאֹמַר אֲלֵיהֶם, שְׁתוּ יָיִן.