י וְהָיָ֗ה כִּ֤י תַגִּיד֙ לָעָ֣ם הַזֶּ֔ה אֵ֥ת כָּל־הַדְּבָרִ֖ים הָאֵ֑לֶּה וְאָֽמְר֣וּ אֵלֶ֗יךָ עַל־מֶה֩ דִבֶּ֨ר יְהוָ֤ה עָלֵ֨ינוּ֙ אֵ֣ת כָּל־הָֽרָעָ֤ה הַגְּדוֹלָה֙ הַזֹּ֔את וּמֶ֤ה עֲוֹנֵ֨נוּ֙ וּמֶ֣ה חַטָּאתֵ֔נוּ אֲשֶׁ֥ר חָטָ֖אנוּ לַֽיהוָ֥ה אֱלֹהֵֽינוּ׃ יא וְאָֽמַרְתָּ֣ אֲלֵיהֶ֗ם עַל֩ אֲשֶׁר־עָֽזְב֨וּ אֲבֽוֹתֵיכֶ֤ם אוֹתִי֙ נְאֻם־יְהוָ֔ה וַיֵּֽלְכ֗וּ אַֽחֲרֵי֙ אֱלֹהִ֣ים אֲחֵרִ֔ים וַיַּֽעַבְד֖וּם וַיִּשְׁתַּֽחֲו֣וּ לָהֶ֑ם וְאֹתִ֣י עָזָ֔בוּ וְאֶת־תּֽוֹרָתִ֖י לֹ֥א שָׁמָֽרוּ׃ יב וְאַתֶּ֛ם הֲרֵֽעֹתֶ֥ם לַֽעֲשׂ֖וֹת מֵאֲבֽוֹתֵיכֶ֑ם וְהִנְּכֶ֣ם הֹֽלְכִ֗ים אִ֚ישׁ אַֽחֲרֵי֙ שְׁרִר֣וּת לִבּֽוֹ־הָרָ֔ע לְבִלְתִּ֖י שְׁמֹ֥עַ אֵלָֽי׃ יגוְהֵֽטַלְתִּ֣י אֶתְכֶ֗ם מֵעַל֙ הָאָ֣רֶץ הַזֹּ֔את עַל־הָאָ֕רֶץ אֲשֶׁר֙ לֹ֣א יְדַעְתֶּ֔ם אַתֶּ֖ם וַאֲבֽוֹתֵיכֶ֑ם וַֽעֲבַדְתֶּם־שָׁ֞ם אֶת־אֱלֹהִ֤ים אֲחֵרִים֙ יוֹמָ֣ם וָלַ֔יְלָה אֲשֶׁ֛ר לֹֽא־אֶתֵּ֥ן לָכֶ֖ם חֲנִינָֽה׃
֍ ֍ ֍
(י) וְהָיָה כִּי תַגִּיד לָעָם הַזֶּה אֵת כָּל הַדְּבָרִים הָאֵלֶּה, וְאָמְרוּ אֵלֶיךָ, עַל מֶה דִבֶּר ה'דוקא עָלֵינוּ אֵת כָּל הָרָעָה הַגְּדוֹלָה הַזֹּאת, הלא גם בדורות הקודמים חטאו, כפי שהיה בדורו של מנשה מלך יהודה, ואף על פי כן לא נענשו, וּמֶה עֲוֹנֵנוּבמזיד, וּמֶה חַטָּאתֵנוּ בשוגג, אֲשֶׁר חָטָאנוּ לַה' אֱלֹהֵינוּ, והרי אנו לא חטאנו כלל לה'.
(יא) וְאָמַרְתָּ אֲלֵיהֶם שיש חילוק בין הדורות הקודמים לדור שלהם, עַל אֲשֶׁרעָזְבוּ אֲבוֹתֵיכֶם אוֹתִי, נְאֻם ה', עד ששכחו לגמרי את דברי התורה, ומתוך כך היו מעשיהם כאדם שנשבה בילדותו לבין הגויים, ואינו יודע מאומה, וַיֵּלְכוּאַחֲרֵי אֱלֹהִים אֲחֵרִים, וַיַּעַבְדוּם, וַיִּשְׁתַּחֲווּ לָהֶם, וכל זה היה מחמת שהתרחקו לגמרי מה' ומתורתו, וְאֹתִי עָזָבוּ, וְאֶת תּוֹרָתִי לֹא שָׁמָרוּ.
(יב) וְאַתֶּם, היודעים את התורה, הֲרֵעֹתֶם לַעֲשׂוֹת מֵאֲבוֹתֵיכֶם, וְהִנְּכֶם הֹלְכִיםאִישׁ אַחֲרֵי שְׁרִרוּת לִבּוֹ הָרָע, ומחפשים תואנות ועלילות שונות לְבִלְתִּי שְׁמֹעַאֵלָי, ומצד זה חטאכם חמור יותר, שאתם מכירים בה' ויודעים את תורתו, ואף על פי כן אינכם מקיימים את המצוות, נמצא שאבותיכם חטאו מצד הסכלות והטעות, ואתם חוטאים בעצת השכל ובמזיד.
(יג) ולכן יהיה העונש מידה כנגד מידה, וכשם שאתם עבדתם במרידה להכעיס את ה', וְהֵטַלְתִּי אֶתְכֶם מֵעַל הָאָרֶץ הַזֹּאת, עַל הָאָרֶץ אֲשֶׁר לֹא יְדַעְתֶּם אַתֶּםוַאֲבוֹתֵיכֶם, וַעֲבַדְתֶּם שָׁם בעל כרחכם אֶת אֱלֹהִים אֲחֵרִים, יוֹמָם וָלַיְלָה, כי שם יכריחו אתכם הגויים לעשות כן, ותהיו מוכרחים לעשות זאת, אֲשֶׁר לֹא אֶתֵּןלָכֶם חֲנִינָה.
