שיעור 44, ספר יהושע, פרק יט, יז-לא

יז לְיִ֨שָּׂשכָ֔ר יָצָ֖א הַגּוֹרָ֣ל הָֽרְבִיעִ֑י לִבְנֵ֥י יִשָּׂשכָ֖ר לְמִשְׁפְּחוֹתָֽם׃ יח וַיְהִ֖י גְּבוּלָ֑ם יִזְרְעֶ֥אלָה וְהַכְּסוּלֹ֖ת וְשׁוּנֵֽם׃ יט וַֽחֲפָרַ֥יִם וְשִׁיאֹ֖ן וַאֲנָֽחֲרַֽת׃ כ וְהָֽרַבִּ֥ית וְקִשְׁי֖וֹן וָאָֽבֶץ׃ כא וְרֶ֧מֶת וְעֵין־גַּנִּ֛ים וְעֵ֥ין חַדָּ֖ה וּבֵ֥ית פַּצֵּֽץ׃ כב וּפָגַע֩ הַגְּב֨וּל בְּתָב֤וֹר וְשַֽׁחֲצִ֨ימָה֙ וּבֵ֣ית שֶׁ֔מֶשׁ וְהָי֛וּ תֹּֽצְא֥וֹת גְּבוּלָ֖ם הַיַּרְדֵּ֑ן עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃ כג זֹ֗את נַֽחֲלַ֛ת מַטֵּ֥ה בְנֵֽי־יִשָּׂשכָ֖ר לְמִשְׁפְּחֹתָ֑ם הֶֽעָרִ֖ים וְחַצְרֵיהֶֽן׃ כד וַיֵּצֵא֙ הַגּוֹרָ֣ל הַֽחֲמִישִׁ֔י לְמַטֵּ֥ה בְנֵֽי־אָשֵׁ֖ר לְמִשְׁפְּחוֹתָֽם׃ כה וַיְהִ֖י גְּבוּלָ֑ם חֶלְקַ֥ת וַֽחֲלִ֖י וָבֶ֥טֶן וְאַכְשָֽׁף׃ כו וְאַֽלַמֶּ֥לֶךְ וְעַמְעָ֖ד וּמִשְׁאָ֑ל וּפָגַ֤ע בְּכַרְמֶל֙ הַיָּ֔מָּה וּבְשִׁיח֖וֹר לִבְנָֽת׃ כז וְשָׁ֨ב מִזְרַ֣ח הַשֶּׁמֶשׁ֮ בֵּ֣ית דָּגֹן֒ וּפָגַ֣ע בִּ֠זְבֻלוּן וּבְגֵ֨י יִפְתַּח־אֵ֥ל צָפ֛וֹנָה בֵּ֥ית הָעֵ֖מֶק וּנְעִיאֵ֑ל וְיָצָ֥א אֶל־כָּב֖וּל מִשְּׂמֹֽאל׃ כח וְעֶבְרֹ֥ן וּרְחֹ֖ב וְחַמּ֣וֹן וְקָנָ֑ה עַ֖ד צִיד֥וֹן רַבָּֽה׃ כט וְשָׁ֤ב הַגְּבוּל֙ הָֽרָמָ֔ה וְעַד־עִ֖יר מִבְצַר־צֹ֑ר וְשָׁ֤ב הַגְּבוּל֙ חֹסָ֔ה וְהָי֧וּ תֹֽצְאֹתָ֛יו הַיָּ֖מָּה מֵחֶ֥בֶל אַכְזִֽיבָה׃ ל וְעֻמָ֥ה וַֽאֲפֵ֖ק וּרְחֹ֑ב עָרִ֛ים עֶשְׂרִ֥ים וּשְׁתַּ֖יִם וְחַצְרֵיהֶֽן׃ לא זֹ֗את נַֽחֲלַ֛ת מַטֵּ֥ה בְנֵֽי־אָשֵׁ֖ר לְמִשְׁפְּחֹתָ֑ם הֶֽעָרִ֥ים הָאֵ֖לֶּה וְחַצְרֵיהֶֽן׃

֍           ֍            ֍

(יז) לְיִשָּׂשכָר יָצָא הַגּוֹרָל הָרְבִיעִי, והיה מקומם מצפון לשבט אפרים, וממזרח לשבט מנשה, לִבְנֵי יִשָּׂשכָר לְמִשְׁפְּחוֹתָם׃

(יח) וַיְהִי גְּבוּלָם בפינה המערבית דרומית של נחלתם, יִזְרְעֶאלָה וְהַכְּסוּלֹת וְשׁוּנֵם׃

(יט) והמשיך הגבול מהדרום אל הצפון והקיף את הערים הללו, וַחֲפָרַיִם, וְשִׁיאֹן, וַאֲנָחֲרַת:

(כ) וְהָרַבִּית, וְקִשְׁיוֹן, וָאָבֶץ׃

(כא) וְרֶמֶת, וְעֵין גַּנִּים, וְעֵין חַדָּה, וּבֵית פַּצֵּץ׃

(כב) כאן הסתיים אורך הגבול של קו המערב שבצד צפון, ופנה מהמערב אל המזרח לאורך הקו הצפוני של הגבול, וּפָגַע הַגְּבוּל בְּתָבוֹר, וְשַׁחֲצִימָה, וּבֵית שֶׁמֶשׁ. וְהָיוּ תֹּצְאוֹת גְּבוּלָם – סיום שני קוי הגבול, מהצפון ומהדרום, הגיעו אל הַיַּרְדֵּן [ואין הכוונה שהסתיימו בירדן ממש, אלא סמוך לו, ואילו גדות הירדן בעצמם היו של שבט נפתלי], עָרִים שֵׁשׁ עֶשְׂרֵה וְחַצְרֵיהֶן׃

(כג) זֹאת נַחֲלַת מַטֵּה בְנֵי יִשָּׂשכָר לְמִשְׁפְּחֹתָם, הֶעָרִים וְחַצְרֵיהֶן׃

(כד) וַיֵּצֵא הַגּוֹרָל הַחֲמִישִׁי, לְמַטֵּה בְנֵי אָשֵׁר לְמִשְׁפְּחוֹתָם, והיתה נחלתם בין שבט מנשה לבין שבט יששכר.

(כה) וַיְהִי גְּבוּלָם הדרומי, ממזרח למערב [ושם היה הגבול בינם לבין שבט מנשה], העיר חֶלְקַת, שעמדה בקצה הדרומי מזרחי, ומשם המשיך הגבול לצד מערב דרך הערים הללו, וַחֲלִי, וָבֶטֶן, וְאַכְשָׁף׃

(כו) וְאַלַמֶּלֶךְ, וְעַמְעָד, וּמִשְׁאָל, ושם הסתיים הגבול הדרומי ממזרח למערב, וּפָגַע בְּכַרְמֶל הַיָּמָּה – הגיע עד הים הגדול, במקום שבו נמצא הכרמל, ומשם עלה הגבול לאורך קו המערב של הים, מדרום לצפון, וּבְשִׁיחוֹר לִבְנָת – עד שהגיע לעיר שיחור לבנת, שהיא היתה קרן הגבול המערבית צפונית של אשר.

(כז) וְשָׁב מִזְרַח הַשֶּׁמֶשׁ – ומשיחור לבנת שהיתה בפינה המערבית צפונית המשיך הגבול לצד מזרח, בֵּית דָּגֹן, וּפָגַע בִּזְבֻלוּן שנחתם היתה מצפון לאשר, וּבְגֵי יִפְתַּח אֵל צָפוֹנָה – ופגע הגבול בגי יפתח שהיה מצפון לגבול אשר, והמשיך קו הגבול של אשר לצד מזרח דרך הערים בֵּית הָעֵמֶק, וּנְעִיאֵל, ומשם לא המשיך הקו לצד מזרח, אלא נטה לצד צפון, וְיָצָא עד סוף צפון ארץ ישראל, אֶל העיר כָּבוּל שהיתה שם, מִשְּׂמֹאל של ארץ ישראל, והיינו לצפונה.

(כח) ושם, בצפון ארץ ישראל, היו הערים הללו שייכים לאשר, וְעֶבְרֹן, וּרְחֹב, וְחַמּוֹן, וְקָנָה, עַד צִידוֹן רַבָּה׃

(כט) ובצידון רבה הסתיים הגבול המזרחי צפוני של שבט אשר, וְשָׁב הַגְּבוּל מן הצפון אל הדרום, עד הָרָמָה, וְעַד עִיר מִבְצַר צֹר שהיא סיום הגבול המזרחי דרומי של שבט אשר [ו'מבצר צר' עצמה עמדה מחוץ לגבול אשר, והיתה שייכת לנפתלי], וְשָׁב הַגְּבוּל מן המזרח לצד מערב חֹסָה, וְהָיוּ תֹצְאֹתָיו הַיָּמָּה מֵחֶבֶל אַכְזִיבָה – עבר דרך חבל אכזיב, עד שהגיע אל הים הגדול.

(ל) ובתוך גבולות אלו היו ערים נוספות, וְעֻמָה, וַאֲפֵק, וּרְחֹב, עָרִים עֶשְׂרִים וּשְׁתַּיִם, וְחַצְרֵיהֶן׃

(לא) זֹאת נַחֲלַת מַטֵּה בְנֵי אָשֵׁר לְמִשְׁפְּחֹתָם הֶעָרִים הָאֵלֶּה וְחַצְרֵיהֶן׃