Parshas Shemini – 1

(א) וַיְהִי֙ בַּיּ֣וֹם הַשְּׁמִינִ֔י קָרָ֣א מֹשֶׁ֔ה לְאַהֲרֹ֖ן וּלְבָנָ֑יו וּלְזִקְנֵ֖י יִשְׂרָאֵֽל:

וַיְהִי֙ בַּיּ֣וֹם הַשְּׁמִינִ֔י קָרָ֣א מֹשֶׁ֔ה לְאַהֲרֹ֖ן וּלְבָנָ֑יו וּלְזִקְנֵ֖י יִשְׂרָאֵֽל:

וַהֲוָה בְּיוֹמָא תְמִינָאָה קְרָא מֹשֶׁה לְאַהֲרֹן וְלִבְנוֹהִי וּלְסָבֵי יִשְׂרָאֵל:

(ב) וַיֹּ֣אמֶר אֶֽל-אַהֲרֹ֗ן קַח-לְ֠ךָ עֵ֣גֶל בֶּן-בָּקָ֧ר לְחַטָּ֛את וְאַ֥יִל לְעֹלָ֖ה תְּמִימִ֑ם וְהַקְרֵ֖ב לִפְנֵ֥י יְיָ:

וַיֹּ֣אמֶר אֶֽל-אַהֲרֹ֗ן קַח-לְ֠ךָ עֵ֣גֶל בֶּן-בָּקָ֧ר לְחַטָּ֛את וְאַ֥יִל לְעֹלָ֖ה תְּמִימִ֑ם וְהַקְרֵ֖ב לִפְנֵ֥י יְיָ:

וַאֲמַר לְאַהֲרֹן סַב לָךְ עֵגֶל בַּר תּוֹרֵי לְחַטָּאתָא וּדְכַר לַעֲלָתָא שַׁלְמִין וְקָרֵב קֳדָם יְיָ:

(ג) וְאֶל-בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר קְח֤וּ שְׂעִיר-עִזִּים֙ לְחַטָּ֔את וְעֵ֨גֶל וָכֶ֧בֶשׂ בְּנֵי-שָׁנָ֛ה תְּמִימִ֖ם לְעֹלָֽה:

וְאֶל-בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר קְח֤וּ שְׂעִיר-עִזִּים֙ לְחַטָּ֔את וְעֵ֨גֶל וָכֶ֧בֶשׂ בְּנֵי-שָׁנָ֛ה תְּמִימִ֖ם לְעֹלָֽה:

וְעִם בְּנֵי יִשְׂרָאֵל תְּמַלֵל לְמֵימָר סָבוּ צְפִיר בַּר עִזִין לְחַטָאתָא וְעֵגֶל וְאִמַּר בְּנֵי שְׁנָא שַׁלְמִין לַעֲלָתָא:

(ד) וְשׁ֨וֹר וָאַ֜יִל לִשְׁלָמִ֗ים לִזְבֹּ֙חַ֙ לִפְנֵ֣י יְיָ וּמִנְחָ֖ה בְּלוּלָ֣ה בַשָּׁ֑מֶן כִּ֣י הַיּ֔וֹם יְיָ נִרְאָ֥ה אֲלֵיכֶֽם:

וְשׁ֨וֹר וָאַ֜יִל לִשְׁלָמִ֗ים לִזְבֹּ֙חַ֙ לִפְנֵ֣י יְיָ וּמִנְחָ֖ה בְּלוּלָ֣ה בַשָּׁ֑מֶן כִּ֣י הַיּ֔וֹם יְיָ נִרְאָ֥ה אֲלֵיכֶֽם:

וְתוֹר וּדְכַר לְנִכְסַת קוּדְשַׁיָא לְדַבָּחָא קֳדָם יְיָ וּמִנְחָתָא דְפִילָא בִמְשָׁח אֲרֵי יוֹמָא דֵין יְקָרָא דַייָ מִתְגְלֵי לְכוֹן:

(ה) וַיִּקְח֗וּ אֵ֚ת אֲשֶׁ֣ר צִוָּ֣ה מֹשֶׁ֔ה אֶל-פְּנֵ֖י אֹ֣הֶל מוֹעֵ֑ד וַֽיִּקְרְבוּ֙ כָּל-הָ֣עֵדָ֔ה וַיַּֽעַמְד֖וּ לִפְנֵ֥י יְיָ:

וַיִּקְח֗וּ אֵ֚ת אֲשֶׁ֣ר צִוָּ֣ה מֹשֶׁ֔ה אֶל-פְּנֵ֖י אֹ֣הֶל מוֹעֵ֑ד וַֽיִּקְרְבוּ֙ כָּל-הָ֣עֵדָ֔ה וַיַּֽעַמְד֖וּ לִפְנֵ֥י יְיָ:

וּנְסִיבוּ יַת דְפַקֵיד מֹשֶׁה לִקְדָם מַשְׁכַּן זִמְנָא וּקְרִיבוּ כָּל כְּנִישְׁתָּא וְקָמוּ קֳדָם יְיָ:

(ו) וַיֹּ֣אמֶר מֹשֶׁ֔ה זֶ֧ה הַדָּבָ֛ר אֲשֶׁר-צִוָּ֥ה יְיָ תַּעֲשׂ֑וּ וְיֵרָ֥א אֲלֵיכֶ֖ם כְּב֥וֹד יְיָ:

וַיֹּ֣אמֶר מֹשֶׁ֔ה זֶ֧ה הַדָּבָ֛ר אֲשֶׁר-צִוָּ֥ה יְיָ תַּעֲשׂ֑וּ וְיֵרָ֥א אֲלֵיכֶ֖ם כְּב֥וֹד יְיָ:

וַאֲמַר מֹשֶׁה דֵין פִּתְגָמָא דְפַקֵיד יְיָ תַּעְבְּדוּן וְיִתְגְלֵי לְכוֹן יְקָרָא דַייָ:

(ז) וַיֹּ֨אמֶר מֹשֶׁ֜ה אֶֽל-אַהֲרֹ֗ן קְרַ֤ב אֶל-הַמִּזְבֵּ֙חַ֙ וַעֲשֵׂ֞ה אֶת-חַטָּֽאתְךָ֙ וְאֶת-עֹ֣לָתֶ֔ךָ וְכַפֵּ֥ר בַּֽעַדְךָ֖ וּבְעַ֣ד הָעָ֑ם וַעֲשֵׂ֞ה אֶת-קָרְבַּ֤ן הָעָם֙ וְכַפֵּ֣ר בַּֽעֲדָ֔ם כַּאֲשֶׁ֖ר צִוָּ֥ה יְיָ:

וַיֹּ֨אמֶר מֹשֶׁ֜ה אֶֽל-אַהֲרֹ֗ן קְרַ֤ב אֶל-הַמִּזְבֵּ֙חַ֙ וַעֲשֵׂ֞ה אֶת-חַטָּֽאתְךָ֙ וְאֶת-עֹ֣לָתֶ֔ךָ וְכַפֵּ֥ר בַּֽעַדְךָ֖ וּבְעַ֣ד הָעָ֑ם וַעֲשֵׂ֞ה אֶת-קָרְבַּ֤ן הָעָם֙ וְכַפֵּ֣ר בַּֽעֲדָ֔ם כַּאֲשֶׁ֖ר צִוָּ֥ה יְיָ:

וַאֲמַר מֹשֶׁה לְאַהֲרֹן קְרַב לְמַדְבְּחָא וַעֲבֵד יַת חַטָאתָךְ וְיַת עֲלָתָךְ וְכַפֵּר עֲלָךְ וְעַל עַמָא וַעֲבֵד יַת קוּרְבַּן עַמָא וְכַפֵּר עֲלֵיהוֹן כְּמָא דְפַקֵיד יְיָ:

(ח) וַיִּקְרַ֥ב אַהֲרֹ֖ן אֶל-הַמִּזְבֵּ֑חַ וַיִּשְׁחַ֛ט אֶת-עֵ֥גֶל הַחַטָּ֖את אֲשֶׁר-לֽוֹ:

וַיִּקְרַ֥ב אַהֲרֹ֖ן אֶל-הַמִּזְבֵּ֑חַ וַיִּשְׁחַ֛ט אֶת-עֵ֥גֶל הַחַטָּ֖את אֲשֶׁר-לֽוֹ:

וּקְרַב אַהֲרֹן לְמַדְבְּחָא וּנְכֵס יַת עֶגְלָא דְחַטָאתָא דִילֵהּ:

(ט) וַ֠יַּקְרִבוּ בְּנֵ֨י אַהֲרֹ֣ן אֶת-הַדָּם֮ אֵלָיו֒ וַיִּטְבֹּ֤ל אֶצְבָּעוֹ֙ בַּדָּ֔ם וַיִּתֵּ֖ן עַל-קַרְנ֣וֹת הַמִּזְבֵּ֑חַ וְאֶת-הַדָּ֣ם יָצַ֔ק אֶל-יְס֖וֹד הַמִּזְבֵּֽחַ:

וַ֠יַּקְרִבוּ בְּנֵ֨י אַהֲרֹ֣ן אֶת-הַדָּם֮ אֵלָיו֒ וַיִּטְבֹּ֤ל אֶצְבָּעוֹ֙ בַּדָּ֔ם וַיִּתֵּ֖ן עַל-קַרְנ֣וֹת הַמִּזְבֵּ֑חַ וְאֶת-הַדָּ֣ם יָצַ֔ק אֶל-יְס֖וֹד הַמִּזְבֵּֽחַ:

וְקָרִיבוּ בְּנֵי אַהֲרֹן יַת דְמָא לֵהּ וּטְבַל אֶצְבְּעֵהּ בִּדְמָא וִיהַב עַל קַרְנַת מַדְבְּחָא וְיַת דְמָא אֲרִיק לִיסוֹדָא דְמַדְבְּחָא:

(י) וְאֶת-הַחֵ֨לֶב וְאֶת-הַכְּלָיֹ֜ת וְאֶת-הַיֹּתֶ֤רֶת מִן-הַכָּבֵד֙ מִן-הַ֣חַטָּ֔את הִקְטִ֖יר הַמִּזְבֵּ֑חָה כַּאֲשֶׁ֛ר צִוָּ֥ה יְיָ אֶת-מֹשֶֽׁה:

וְאֶת-הַחֵ֨לֶב וְאֶת-הַכְּלָיֹ֜ת וְאֶת-הַיֹּתֶ֤רֶת מִן-הַכָּבֵד֙ מִן-הַ֣חַטָּ֔את הִקְטִ֖יר הַמִּזְבֵּ֑חָה כַּאֲשֶׁ֛ר צִוָּ֥ה יְיָ אֶת-מֹשֶֽׁה:

וְיַת תַּרְבָּא וְיַת כּוּלְיָתָא וְיַת חַצְרָא מִן כַּבְדָא מִן חַטָאתָא אַסֵק לְמַדְבְּחָא כְּמָא דְפַקֵיד יְיָ יַת מֹשֶׁה:

(יא) וְאֶת-הַבָּשָׂ֖ר וְאֶת-הָע֑וֹר שָׂרַ֣ף בָּאֵ֔שׁ מִח֖וּץ לַֽמַּחֲנֶֽה:

וְאֶת-הַבָּשָׂ֖ר וְאֶת-הָע֑וֹר שָׂרַ֣ף בָּאֵ֔שׁ מִח֖וּץ לַֽמַּחֲנֶֽה:

וְיַת בִּשְׂרָא וְיַת מַשְׁכָא אוֹקֵיד בְּנוּרָא מִבָּרָא לְמַשְׁרִיתָא:

(יב) וַיִּשְׁחַ֖ט אֶת-הָעֹלָ֑ה וַ֠יַּמְצִאוּ בְּנֵ֨י אַהֲרֹ֤ן אֵלָיו֙ אֶת-הַדָּ֔ם וַיִּזְרְקֵ֥הוּ עַל-הַמִּזְבֵּ֖חַ סָבִֽיב:

וַיִּשְׁחַ֖ט אֶת-הָעֹלָ֑ה וַ֠יַּמְצִאוּ בְּנֵ֨י אַהֲרֹ֤ן אֵלָיו֙ אֶת-הַדָּ֔ם וַיִּזְרְקֵ֥הוּ עַל-הַמִּזְבֵּ֖חַ סָבִֽיב:

וּנְכֵס יַת עֲלָתָא וְאַמְטִיאוּ בְּנֵי אַהֲרֹן לֵּהּ יַת דְמָא וְזַרְקֵהּ עַל מַדְבְּחָא סְחוֹר סְחוֹר:

(יג) וְאֶת-הָעֹלָ֗ה הִמְצִ֧יאוּ אֵלָ֛יו לִנְתָחֶ֖יהָ וְאֶת-הָרֹ֑אשׁ וַיַּקְטֵ֖ר עַל-הַמִּזְבֵּֽחַ:

וְאֶת-הָעֹלָ֗ה הִמְצִ֧יאוּ אֵלָ֛יו לִנְתָחֶ֖יהָ וְאֶת-הָרֹ֑אשׁ וַיַּקְטֵ֖ר עַל-הַמִּזְבֵּֽחַ:

וְיַת עֲלָתָא אַמְטִיאוּ לֵהּ לְאֵבָרָהָא וְיַת רֵישָׁא וְאַסֵק עַל מַדְבְּחָא:

(יד) וַיִּרְחַ֥ץ אֶת-הַקֶּ֖רֶב וְאֶת-הַכְּרָעָ֑יִם וַיַּקְטֵ֥ר עַל-הָעֹלָ֖ה הַמִּזְבֵּֽחָה:

וַיִּרְחַ֥ץ אֶת-הַקֶּ֖רֶב וְאֶת-הַכְּרָעָ֑יִם וַיַּקְטֵ֥ר עַל-הָעֹלָ֖ה הַמִּזְבֵּֽחָה:

וְחַלֵיל יַת גַוָא וְיַת כְּרָעַיָא וְאַסֵק עַל עֲלָתָא לְמַדְבְּחָא:

(טו) וַיַּקְרֵ֕ב אֵ֖ת קָרְבַּ֣ן הָעָ֑ם וַיִּקַּ֞ח אֶת-שְׂעִ֤יר הַֽחַטָּאת֙ אֲשֶׁ֣ר לָעָ֔ם וַיִּשְׁחָטֵ֥הוּ וַֽיְחַטְּאֵ֖הוּ כָּרִאשֽׁוֹן:

וַיַּקְרֵ֕ב אֵ֖ת קָרְבַּ֣ן הָעָ֑ם וַיִּקַּ֞ח אֶת-שְׂעִ֤יר הַֽחַטָּאת֙ אֲשֶׁ֣ר לָעָ֔ם וַיִּשְׁחָטֵ֥הוּ וַֽיְחַטְּאֵ֖הוּ כָּרִאשֽׁוֹן:

וְקָרֵב יַת קוּרְבַּן עַמָא וּנְסֵב יַת צְפִירָא דְחַטָאתָא דִלְעַמָא וְנָכְסֵהּ וְכַפֵּר בִּדְמֵהּ כְּקַדְמָאָה:

(טז) וַיַּקְרֵ֖ב אֶת-הָעֹלָ֑ה וַֽיַּעֲשֶׂ֖הָ כַּמִּשְׁפָּֽט:

וַיַּקְרֵ֖ב אֶת-הָעֹלָ֑ה וַֽיַּעֲשֶׂ֖הָ כַּמִּשְׁפָּֽט:

וְקָרֵב יַת עֲלָתָא וְעָבְדַהּ כְּדַחֲזֵי:

(יז) שני וַיַּקְרֵב֮ אֶת-הַמִּנְחָה֒ וַיְמַלֵּ֤א כַפּוֹ֙ מִמֶּ֔נָּה וַיַּקְטֵ֖ר עַל-הַמִּזְבֵּ֑חַ מִלְּבַ֖ד עֹלַ֥ת הַבֹּֽקֶר:

וַיַּקְרֵב֮ אֶת-הַמִּנְחָה֒ וַיְמַלֵּ֤א כַפּוֹ֙ מִמֶּ֔נָּה וַיַּקְטֵ֖ר עַל-הַמִּזְבֵּ֑חַ מִלְּבַ֖ד עֹלַ֥ת הַבֹּֽקֶר:

וְקָרֵיב יַת מִנְחָתָא וּמְלָא יְדֵהּ מִנַּהּ וְאַסֵּק עַל מַדְבְּחָא בַּר מֵעֲלַת צַפְרָא:

(יח) וַיִּשְׁחַ֤ט אֶת-הַשּׁוֹר֙ וְאֶת-הָאַ֔יִל זֶ֥בַח הַשְּׁלָמִ֖ים אֲשֶׁ֣ר לָעָ֑ם וַ֠יַּמְצִאוּ בְּנֵ֨י אַהֲרֹ֤ן אֶת-הַדָּם֙ אֵלָ֔יו וַיִּזְרְקֵ֥הוּ עַל-הַמִּזְבֵּ֖חַ סָבִֽיב:

וַיִּשְׁחַ֤ט אֶת-הַשּׁוֹר֙ וְאֶת-הָאַ֔יִל זֶ֥בַח הַשְּׁלָמִ֖ים אֲשֶׁ֣ר לָעָ֑ם וַ֠יַּמְצִאוּ בְּנֵ֨י אַהֲרֹ֤ן אֶת-הַדָּם֙ אֵלָ֔יו וַיִּזְרְקֵ֥הוּ עַל-הַמִּזְבֵּ֖חַ סָבִֽיב:

וּנְכַס יַת תּוֹרָא וְיַת דִכְרָא נִכְסַת קוּדְשַׁיָא דִלְעַמָא וְאַמְטִיאוּ בְּנֵי אַהֲרֹן יַת דְמָא לֵהּ וְזַרְקֵהּ עַל מַדְבְּחָא סְחוֹר סְחוֹר:

(יט) וְאֶת-הַחֲלָבִ֖ים מִן-הַשּׁ֑וֹר וּמִן-הָאַ֔יִל הָֽאַלְיָ֤ה וְהַֽמְכַסֶּה֙ וְהַכְּלָיֹ֔ת וְיֹתֶ֖רֶת הַכָּבֵֽד:

וְאֶת-הַחֲלָבִ֖ים מִן-הַשּׁ֑וֹר וּמִן-הָאַ֔יִל הָֽאַלְיָ֤ה וְהַֽמְכַסֶּה֙ וְהַכְּלָיֹ֔ת וְיֹתֶ֖רֶת הַכָּבֵֽד:

וְיַת תַּרְבַּיָא מִן תּוֹרָא וּמִן דִכְרָא אַלִיתָא וְחָפֵי גַוָא וְכוֹלְיָתָא וַחֲצַר כַּבְדָא:

(כ) וַיָּשִׂ֥ימוּ אֶת-הַחֲלָבִ֖ים עַל-הֶחָז֑וֹת וַיַּקְטֵ֥ר הַחֲלָבִ֖ים הַמִּזְבֵּֽחָה:

וַיָּשִׂ֥ימוּ אֶת-הַחֲלָבִ֖ים עַל-הֶחָז֑וֹת וַיַּקְטֵ֥ר הַחֲלָבִ֖ים הַמִּזְבֵּֽחָה:

וְשַׁוִיאוּ יַת תַּרְבַּיָא עַל חַדְוָתָא וְאַסֵק תַּרְבַּיָא לְמַדְבְּחָא:

(כא) וְאֵ֣ת הֶחָז֗וֹת וְאֵת֙ שׁ֣וֹק הַיָּמִ֔ין הֵנִ֧יף אַהֲרֹ֛ן תְּנוּפָ֖ה לִפְנֵ֣י יְיָ כַּאֲשֶׁ֖ר צִוָּ֥ה מֹשֶֽׁה:

וְאֵ֣ת הֶחָז֗וֹת וְאֵת֙ שׁ֣וֹק הַיָּמִ֔ין הֵנִ֧יף אַהֲרֹ֛ן תְּנוּפָ֖ה לִפְנֵ֣י יְיָ כַּאֲשֶׁ֖ר צִוָּ֥ה מֹשֶֽׁה:

וְיַת חַדְוָתָא וְיַת שָׁקָא דְיַמִינָא אֲרֵים אַהֲרֹן אֲרָמָא קֳדָם יְיָ כְּמָא דְפַקֵיד מֹשֶׁה:

(כב) וַיִּשָּׂ֨א אַהֲרֹ֧ן אֶת-(ידו) יָדָ֛יו אֶל-הָעָ֖ם וַֽיְבָרְכֵ֑ם וַיֵּ֗רֶד מֵעֲשֹׂ֧ת הַֽחַטָּ֛את וְהָעֹלָ֖ה וְהַשְּׁלָמִֽים:

וַיִּשָּׂ֨א אַהֲרֹ֧ן אֶת-(ידו) יָדָ֛יו אֶל-הָעָ֖ם וַֽיְבָרְכֵ֑ם וַיֵּ֗רֶד מֵעֲשֹׂ֧ת הַֽחַטָּ֛את וְהָעֹלָ֖ה וְהַשְּׁלָמִֽים:

וַאֲרֵם אַהֲרֹן יַת יְדוֹהִי עַל עַמָא וּבָרֵכִנוּן וּנְחַת מִלְמֶעְבַּד חַטָאתָא וַעֲלָתָא וְנִכְסַת קוּדְשַׁיָא:

(כג) וַיָּבֹ֨א מֹשֶׁ֤ה וְאַהֲרֹן֙ אֶל-אֹ֣הֶל מוֹעֵ֔ד וַיֵּ֣צְא֔וּ וַֽיְבָרֲכ֖וּ אֶת-הָעָ֑ם וַיֵּרָ֥א כְבוֹד-יְיָ אֶל-כָּל-הָעָֽם:

וַיָּבֹ֨א מֹשֶׁ֤ה וְאַהֲרֹן֙ אֶל-אֹ֣הֶל מוֹעֵ֔ד וַיֵּ֣צְא֔וּ וַֽיְבָרֲכ֖וּ אֶת-הָעָ֑ם וַיֵּרָ֥א כְבוֹד-יְיָ אֶל-כָּל-הָעָֽם:

וְעַל מֹשֶׁה וְאַהֲרֹן לְמַשְׁכַּן זִמְנָא וּנְפָקוּ וּבָרִיכוּ יַת עַמָא וְאִתְגְלִי יְקָרָא דַייָ לְכָל עַמָא:

(כד) שלישי וַתֵּ֤צֵא אֵשׁ֙ מִלִּפְנֵ֣י יְיָ וַתֹּ֙אכַל֙ עַל-הַמִּזְבֵּ֔חַ אֶת-הָעֹלָ֖ה וְאֶת-הַחֲלָבִ֑ים וַיַּ֤רְא כָּל-הָעָם֙ וַיָּרֹ֔נּוּ וַֽיִּפְּל֖וּ עַל-פְּנֵיהֶֽם:

וַתֵּ֤צֵא אֵשׁ֙ מִלִּפְנֵ֣י יְיָ וַתֹּ֙אכַל֙ עַל-הַמִּזְבֵּ֔חַ אֶת-הָעֹלָ֖ה וְאֶת-הַחֲלָבִ֑ים וַיַּ֤רְא כָּל-הָעָם֙ וַיָּרֹ֔נּוּ וַֽיִּפְּל֖וּ עַל-פְּנֵיהֶֽם:

וּנְפָקַת אֶשָׁתָא מִן קֳדָם יְיָ וַאֲכָלַת עַל מַדְבְּחָא יַת עֲלָתָא וְיַת תַּרְבַּיָא וַחֲזָא כָּל עַמָא וְשַׁבָּחוּ וּנְפָלוּ עַל אַפֵּיהוֹן:

(א) וַיִּקְח֣וּ בְנֵֽי-אַ֠הֲרֹן נָדָ֨ב וַאֲבִיה֜וּא אִ֣ישׁ מַחְתָּת֗וֹ וַיִּתְּנ֤וּ בָהֵן֙ אֵ֔שׁ וַיָּשִׂ֥ימוּ עָלֶ֖יהָ קְטֹ֑רֶת וַיַּקְרִ֜בוּ לִפְנֵ֤י יְיָ אֵ֣שׁ זָרָ֔ה אֲשֶׁ֧ר לֹ֦א צִוָּ֖ה אֹתָֽם:

וַיִּקְח֣וּ בְנֵֽי-אַ֠הֲרֹן נָדָ֨ב וַאֲבִיה֜וּא אִ֣ישׁ מַחְתָּת֗וֹ וַיִּתְּנ֤וּ בָהֵן֙ אֵ֔שׁ וַיָּשִׂ֥ימוּ עָלֶ֖יהָ קְטֹ֑רֶת וַיַּקְרִ֜בוּ לִפְנֵ֤י יְיָ אֵ֣שׁ זָרָ֔ה אֲשֶׁ֧ר לֹ֦א צִוָּ֖ה אֹתָֽם:

וּנְסִיבוּ בְנֵי אַהֲרֹן נָדָב וַאֲבִיהוּא גְבַר מַחְתִּיתֵהּ וִיהָבוּ בְהוֹן אֶשָׁתָא וְשַׁוִיאוּ עֲלַהּ קְטוֹרֶת (בּוּסְמִין) וְקָרִיבוּ קֳדָם יְיָ אֶשָׁתָא נוּכְרֵיתָא דְלָא פַקֵיד יַתְהוֹן:

(ב) וַתֵּ֥צֵא אֵ֛שׁ מִלִּפְנֵ֥י יְיָ וַתֹּ֣אכַל אוֹתָ֑ם וַיָּמֻ֖תוּ לִפְנֵ֥י יְיָ:

וַתֵּ֥צֵא אֵ֛שׁ מִלִּפְנֵ֥י יְיָ וַתֹּ֣אכַל אוֹתָ֑ם וַיָּמֻ֖תוּ לִפְנֵ֥י יְיָ:

וּנְפָקַת אֶשָׁתָא מִן קֳדָם יְיָ וַאֲכָלַת יַתְהוֹן וּמִיתוּ קֳדָם יְיָ:

(ג) וַיֹּ֨אמֶר מֹשֶׁ֜ה אֶֽל-אַהֲרֹ֗ן הוּא֩ אֲשֶׁר-דִּבֶּ֨ר יְיָ | לֵאמֹר֙ בִּקְרֹבַ֣י אֶקָּדֵ֔שׁ וְעַל-פְּנֵ֥י כָל-הָעָ֖ם אֶכָּבֵ֑ד וַיִּדֹּ֖ם אַהֲרֹֽן:

וַיֹּ֨אמֶר מֹשֶׁ֜ה אֶֽל-אַהֲרֹ֗ן הוּא֩ אֲשֶׁר-דִּבֶּ֨ר יְיָ | לֵאמֹר֙ בִּקְרֹבַ֣י אֶקָּדֵ֔שׁ וְעַל-פְּנֵ֥י כָל-הָעָ֖ם אֶכָּבֵ֑ד וַיִּדֹּ֖ם אַהֲרֹֽן:

וַאֲמַר מֹשֶׁה לְאַהֲרֹן הוּא דְמַלֵיל יְיָ לְמֵימַר בְּקָרִיבַי אִתְקַדַשׁ וְעַל אַפֵּי כָל עַמָא אִתְיַקָר וּשְׁתֵיק אַהֲרֹן:

(ד) וַיִּקְרָ֣א מֹשֶׁ֗ה אֶל-מִֽישָׁאֵל֙ וְאֶ֣ל אֶלְצָפָ֔ן בְּנֵ֥י עֻזִּיאֵ֖ל דֹּ֣ד אַהֲרֹ֑ן וַיֹּ֣אמֶר אֲלֵהֶ֗ם קִ֠רְב֞וּ שְׂא֤וּ אֶת-אֲחֵיכֶם֙ מֵאֵ֣ת פְּנֵי-הַקֹּ֔דֶשׁ אֶל-מִח֖וּץ לַֽמַּחֲנֶֽה:

וַיִּקְרָ֣א מֹשֶׁ֗ה אֶל-מִֽישָׁאֵל֙ וְאֶ֣ל אֶלְצָפָ֔ן בְּנֵ֥י עֻזִּיאֵ֖ל דֹּ֣ד אַהֲרֹ֑ן וַיֹּ֣אמֶר אֲלֵהֶ֗ם קִ֠רְב֞וּ שְׂא֤וּ אֶת-אֲחֵיכֶם֙ מֵאֵ֣ת פְּנֵי-הַקֹּ֔דֶשׁ אֶל-מִח֖וּץ לַֽמַּחֲנֶֽה:

וּקְרָא מֹשֶׁה לְמִישָׁאֵל וּלְאֶלְצָפָן בְּנֵי עֻזִיאֵל אַחֲבוּהִי דְאַהֲרֹן וַאֲמַר לְהוֹן קְרִיבוּ טוּלוּ יַת אֲחֵיכוֹן מִן קֳדָם (אַפֵּי) קוּדְשָׁא לְמִבָּרָא לְּמַשְׁרִיתָא:

(ה) וַֽיִּקְרְב֗וּ וַיִּשָּׂאֻם֙ בְּכֻתֳּנֹתָ֔ם אֶל-מִח֖וּץ לַֽמַּחֲנֶ֑ה כַּאֲשֶׁ֖ר דִּבֶּ֥ר מֹשֶֽׁה:

וַֽיִּקְרְב֗וּ וַיִּשָּׂאֻם֙ בְּכֻתֳּנֹתָ֔ם אֶל-מִח֖וּץ לַֽמַּחֲנֶ֑ה כַּאֲשֶׁ֖ר דִּבֶּ֥ר מֹשֶֽׁה:

וּקְרִיבוּ וּנְטָלּוּנוּן בְּכִתּוּנֵיהוֹן לְמִבָּרָא לְמַשְׁרִיתָא כְּמָא דְמַלֵיל מֹשֶׁה:

(ו) וַיֹּ֣אמֶר מֹשֶׁ֣ה אֶֽל-אַהֲרֹ֡ן וּלְאֶלְעָזָר֩ וּלְאִֽיתָמָ֨ר | בָּנָ֜יו רָֽאשֵׁיכֶ֥ם אַל-תִּפְרָ֣עוּ | וּבִגְדֵיכֶ֤ם לֹֽא-תִפְרֹ֙מוּ֙ וְלֹ֣א תָמֻ֔תוּ וְעַ֥ל כָּל-הָעֵדָ֖ה יִקְצֹ֑ף וַאֲחֵיכֶם֙ כָּל-בֵּ֣ית יִשְׂרָאֵ֔ל יִבְכּוּ֙ אֶת-הַשְּׂרֵפָ֔ה אֲשֶׁ֖ר שָׂרַ֥ף יְיָ:

וַיֹּ֣אמֶר מֹשֶׁ֣ה אֶֽל-אַהֲרֹ֡ן וּלְאֶלְעָזָר֩ וּלְאִֽיתָמָ֨ר | בָּנָ֜יו רָֽאשֵׁיכֶ֥ם אַל-תִּפְרָ֣עוּ | וּבִגְדֵיכֶ֤ם לֹֽא-תִפְרֹ֙מוּ֙ וְלֹ֣א תָמֻ֔תוּ וְעַ֥ל כָּל-הָעֵדָ֖ה יִקְצֹ֑ף וַאֲחֵיכֶם֙ כָּל-בֵּ֣ית יִשְׂרָאֵ֔ל יִבְכּוּ֙ אֶת-הַשְּׂרֵפָ֔ה אֲשֶׁ֖ר שָׂרַ֥ף יְיָ:

וַאֲמַר מֹשֶׁה לְאַהֲרֹן וּלְאֶלְעָזָר וּלְאִיתָמָר בְּנוֹהִי רֵישֵׁיכוֹן לָא תְרַבּוּן פֵּרוּעַ וּלְבוּשֵׁיכוֹן לָא תְבַזְעוּן וְלָא תְמוּתוּן וְעַל כָּל כְּנִשְׁתָּא יְהֵא רוּגְזָא וַאֲחֵיכוֹן כָּל בֵּית יִשְׂרָאֵל יִבְכּוּן יַת יְקֵדְתָּא דְאוֹקֵיד יְיָ:

(ז) וּמִפֶּתַח֩ אֹ֨הֶל מוֹעֵ֜ד לֹ֤א תֵֽצְאוּ֙ פֶּן-תָּמֻ֔תוּ כִּי-שֶׁ֛מֶן מִשְׁחַ֥ת יְיָ עֲלֵיכֶ֑ם וַֽיַּעֲשׂ֖וּ כִּדְבַ֥ר מֹשֶֽׁה:

וּמִפֶּתַח֩ אֹ֨הֶל מוֹעֵ֜ד לֹ֤א תֵֽצְאוּ֙ פֶּן-תָּמֻ֔תוּ כִּי-שֶׁ֛מֶן מִשְׁחַ֥ת יְיָ עֲלֵיכֶ֑ם וַֽיַּעֲשׂ֖וּ כִּדְבַ֥ר מֹשֶֽׁה:

וּמִתְּרַע מַשְׁכַּן זִמְנָא לָא תִפְקוּן דִלְמָא תְמוּתוּן אֲרֵי מְשַׁח רְבוּתָא דַייָ עֲלֵיכוֹן וַעֲבָדוּ כְּפִתְגָמָא דְמֹשֶׁה:

(ח) וַיְדַבֵּ֣ר יְיָ אֶֽל-אַהֲרֹ֖ן לֵאמֹֽר:

וַיְדַבֵּ֣ר יְיָ אֶֽל-אַהֲרֹ֖ן לֵאמֹֽר:

וּמַלֵיל יְיָ עִם אַהֲרֹן לְמֵימָר:

(ט) יַ֣יִן וְשֵׁכָ֞ר אַל-תֵּ֣שְׁתְּ | אַתָּ֣ה | וּבָנֶ֣יךָ אִתָּ֗ךְ בְּבֹאֲכֶ֛ם אֶל-אֹ֥הֶל מוֹעֵ֖ד וְלֹ֣א תָמֻ֑תוּ חֻקַּ֥ת עוֹלָ֖ם לְדֹרֹתֵיכֶֽם:

יַ֣יִן וְשֵׁכָ֞ר אַל-תֵּ֣שְׁתְּ | אַתָּ֣ה | וּבָנֶ֣יךָ אִתָּ֗ךְ בְּבֹאֲכֶ֛ם אֶל-אֹ֥הֶל מוֹעֵ֖ד וְלֹ֣א תָמֻ֑תוּ חֻקַּ֥ת עוֹלָ֖ם לְדֹרֹתֵיכֶֽם:

חֲמַר וּמְרַוֵי לָא תִשְׁתֵּי אַתְּ וּבְנָיךְ עִמָךְ בְּמֵעַלְכוֹן לְמַשְׁכַּן זִמְנָא וְלָא תְמוּתוּן קְיַם עָלָם לְדָרֵיכוֹן:

(י) וּֽלֲהַבְדִּ֔יל בֵּ֥ין הַקֹּ֖דֶשׁ וּבֵ֣ין הַחֹ֑ל וּבֵ֥ין הַטָּמֵ֖א וּבֵ֥ין הַטָּהֽוֹר:

וּֽלֲהַבְדִּ֔יל בֵּ֥ין הַקֹּ֖דֶשׁ וּבֵ֣ין הַחֹ֑ל וּבֵ֥ין הַטָּמֵ֖א וּבֵ֥ין הַטָּהֽוֹר:

וּלְאַפְרָשָׁא בֵּין קוּדְשָׁא וּבֵין חוּלָא וּבֵין מְסָאֲבָא וּבֵין דַכְיָא:

(יא) וּלְהוֹרֹ֖ת אֶת-בְּנֵ֣י יִשְׂרָאֵ֑ל אֵ֚ת כָּל-הַ֣חֻקִּ֔ים אֲשֶׁ֨ר דִּבֶּ֧ר יְיָ אֲלֵיהֶ֖ם בְּיַד-מֹשֶֽׁה:

וּלְהוֹרֹ֖ת אֶת-בְּנֵ֣י יִשְׂרָאֵ֑ל אֵ֚ת כָּל-הַ֣חֻקִּ֔ים אֲשֶׁ֨ר דִּבֶּ֧ר יְיָ אֲלֵיהֶ֖ם בְּיַד-מֹשֶֽׁה:

וּלְאַלָפָא יַת בְּנֵי יִשְׂרָאֵל יַת כָּל קְיָמַיָא דְמַלֵיל יְיָ לְהוֹן בִּידָא דְמֹשֶׁה: