שיעור 34, ספר עזרא, פרק ח, טו-כ

טו וָֽאֶקְבְּצֵ֗ם אֶל־הַנָּהָר֙ הַבָּ֣א אֶֽל־אַהֲוָ֔א וַנַּֽחֲנֶ֥ה שָׁ֖ם יָמִ֣ים שְׁלֹשָׁ֑ה וָֽאָבִ֤ינָה בָעָם֙ וּבַכֹּ֣הֲנִ֔ים וּמִבְּנֵ֥י לֵוִ֖י לֹֽא־מָצָ֥אתִי שָֽׁם׃ טז וָֽאֶשְׁלְחָ֡ה לֶֽאֱלִיעֶ֡זֶר לַֽאֲרִיאֵ֡ל לִֽ֠שְׁמַעְיָה וּלְאֶלְנָתָ֨ן וּלְיָרִ֜יב וּלְאֶלְנָתָ֧ן וּלְנָתָ֛ן וְלִזְכַרְיָ֥ה וְלִמְשֻׁלָּ֖ם רָאשִׁ֑ים וּלְיֽוֹיָרִ֥יב וּלְאֶלְנָתָ֖ן מְבִינִֽים׃ יז וָֽאֲצַוֶּ֤ה אוֹתָם֙ עַל־אִדּ֣וֹ הָרֹ֔אשׁ בְּכָֽסִפְיָ֖א הַמָּק֑וֹם וָֽאָשִׂימָה֩ בְּפִיהֶ֨ם דְּבָרִ֜ים לְ֠דַבֵּר אֶל־אִדּ֨וֹ אָחִ֤יו הַנְּתִינִים֙ בְּכָֽסִפְיָ֣א הַמָּק֔וֹם לְהָֽבִיא־לָ֥נוּ מְשָֽׁרְתִ֖ים לְבֵ֥ית אֱלֹהֵֽינוּ׃ יח וַיָּבִ֨יאּוּ לָ֜נוּ כְּיַד־אֱלֹהֵ֨ינוּ הַטּוֹבָ֤ה עָלֵ֨ינוּ֙ אִ֣ישׁ שֶׂ֔כֶל מִבְּנֵ֣י מַחְלִ֔י בֶּן־לֵוִ֖י בֶּן־יִשְׂרָאֵ֑ל וְשֵׁרֵ֥בְיָ֛ה וּבָנָ֥יו וְאֶחָ֖יו שְׁמֹנָ֥ה עָשָֽׂר׃ יט וְאֶ֨ת־חֲשַׁבְיָ֔ה וְאִתּ֥וֹ יְשַֽׁעְיָ֖ה מִבְּנֵ֣י מְרָרִ֑י אֶחָ֥יו וּבְנֵיהֶ֖ם עֶשְׂרִֽים׃ כ וּמִן־הַנְּתִינִ֗ים שֶׁנָּתַ֨ן דָּוִ֤יד וְהַשָּׂרִים֙ לַֽעֲבֹדַ֣ת הַלְוִיִּ֔ם נְתִינִ֖ים מָאתַ֣יִם וְעֶשְׂרִ֑ים כֻּלָּ֖ם נִקְּב֥וּ בְשֵׁמֽוֹת׃

֍           ֍            ֍

(טו) וָאֶקְבְּצֵם [את כל העולים בעליה זו] אֶל הַנָּהָר הַבָּא אֶל נהר ששמו אַהֲוָא [אבל לנהר הראשון לא היה שם מסוים, אלא סימנו היה שהוא נשפך את נהר אהוא], וַנַּחֲנֶה שָׁם יָמִים שְׁלֹשָׁה, וָאָבִינָה – התבוננתי ועיינתי בָעָם וּבַכֹּהֲנִים, וּמִבְּנֵי לֵוִי לֹא מָצָאתִי שָׁם.

(טז) וָאֶשְׁלְחָה – שלחתי את האנשים הללו ששמותיהם יפורטו עתה [והלמ"ד שבתחילת שמו של כל אחד היא במקום 'את'], לֶאֱלִיעֶזֶר, לַאֲרִיאֵל, לִשְׁמַעְיָה, וּלְאֶלְנָתָן, וּלְיָרִיב, וּלְאֶלְנָתָן, וּלְנָתָן, וְלִזְכַרְיָה, וְלִמְשֻׁלָּם, רָאשִׁים – ראשי העם, וּלְיוֹיָרִיב וּלְאֶלְנָתָן מְבִינִים – חכמים.

(יז) וָאֲצַוֶּה אוֹתָם – שלחתי אותם בשליחות עַל – לדבר עם אִדּוֹ הָרֹאשׁ בְּכָסִפְיָא הַמָּקוֹם – במקום בבבל ששמו כספיא, וָאָשִׂימָה בְּפִיהֶם דְּבָרִים לְדַבֵּר אֶל אִדּוֹ ואל אדם נוסף ששמו אָחִיו, הַנְּתִינִים – הממונים מעם המלך בְּכָסִפְיָא הַמָּקוֹם, לְהָבִיא לָנוּ לויים מְשָׁרְתִים לְבֵית אֱלֹהֵינוּ.

(יח) וַיָּבִיאּוּ לָנוּ כְּיַד אֱלֹהֵינוּ הַטּוֹבָה עָלֵינוּ, אִישׁ שֶׂכֶל – משכיל, והוא שֵׁרֵבְיָה, מִבְּנֵי מַחְלִי בֶּן לֵוִי בֶּן יִשְׂרָאֵל, וְשֵׁרֵבְיָה הזה, וּבָנָיו, וְאֶחָיו, היו יחד שְׁמֹנָה עָשָׂר.

(יט) וְאֶת חֲשַׁבְיָה, וְאִתּוֹ יְשַׁעְיָה מִבְּנֵי מְרָרִי, היו יחד עם אֶחָיו וּבְנֵיהֶם, עֶשְׂרִים.

 (כ) וּמִן הַנְּתִינִים – הגבעונים שהתגיירו בזמן יהושע בן נון, ונתנם יהושע משרתים לכל העדה, שֶׁנָּתַן אותם דָּוִיד משרתים לבית ה', וְהַשָּׂרִים לַעֲבֹדַת הַלְוִיִּם, נְתִינִים מָאתַיִם וְעֶשְׂרִים, כֻּלָּם נִקְּבוּ בְשֵׁמוֹת.