שיעור 44, ספר דברי הימים א, פרק ט, יד-כ
יד וּמִֽן־הַלְוִיִּ֑ם שְׁמַֽעְיָ֧ה בֶן־חַשּׁ֛וּב בֶּן־עַזְרִיקָ֥ם בֶּן־חֲשַׁבְיָ֖ה מִן־בְּנֵ֥י מְרָרִֽי׃ טו וּבַקְבַּקַּ֥ר חֶ֖רֶשׁ וְגָלָ֑ל וּמַתַּנְיָה֙ בֶּן־מִיכָ֔א בֶּן־זִכְרִ֖י בֶּן־אָסָֽף׃ טז וְעֹֽבַדְיָה֙ בֶּֽן־שְׁמַעְיָ֔ה בֶּן־גָּלָ֖ל בֶּן־יְדוּת֑וּן וּבֶֽרֶכְיָ֤ה בֶן־אָסָא֙ בֶּן־אֶלְקָנָ֔ה הַיּוֹשֵׁ֖ב בְּחַצְרֵ֥י נְטֽוֹפָתִֽי׃ יז וְהַשֹּֽׁעֲרִים֙ שַׁלּ֣וּם וְעַקּ֔וּב וְטַלְמֹ֖ן וַֽאֲחִימָ֑ן וַֽאֲחִיהֶ֥ם שַׁלּ֖וּם הָרֹֽאשׁ׃ יח וְֽעַד־הֵ֔נָּה בְּשַׁ֥עַר הַמֶּ֖לֶךְ מִזְרָ֑חָה הֵ֚מָּה הַשֹּׁ֣עֲרִ֔ים לְמַֽחֲנ֖וֹת בְּנֵ֥י לֵוִֽי׃ יט וְשַׁלּ֣וּם בֶּן־ק֠וֹרֵא בֶּן־אֶבְיָסָ֨ף בֶּן־קֹ֜רַח וְֽאֶחָ֧יו לְבֵית־אָבִ֣יו הַקָּרְחִ֗ים עַ֚ל מְלֶ֣אכֶת הָֽעֲבוֹדָ֔ה שֹֽׁמְרֵ֥י הַסִּפִּ֖ים לָאֹ֑הֶל וַאֲבֹֽתֵיהֶם֙ עַל־מַֽחֲנֵ֣ה יְהוָ֔ה שֹֽׁמְרֵ֖י הַמָּבֽוֹא׃ כ וּפִֽינְחָ֣ס בֶּן־אֶלְעָזָ֗ר נָגִ֨יד הָיָ֧ה עֲלֵיהֶ֛ם לְפָנִ֖ים יְהוָ֥ה ׀ עִמּֽוֹ׃
֍ ֍ ֍
(יד) וּמִן הַלְוִיִּם, שְׁמַעְיָה בֶן חַשּׁוּב, בֶּן עַזְרִיקָם, בֶּן חֲשַׁבְיָה, מִן בְּנֵי מְרָרִי.
(טו) וּבַקְבַּקַּר, חֶרֶשׁ וְגָלָל, וּמַתַּנְיָה בֶּן מִיכָא, בֶּן זִכְרִי, בֶּן אָסָף.
(טז) וְעֹבַדְיָה בֶּן שְׁמַעְיָה, בֶּן גָּלָל, בֶּן יְדוּתוּן, וּבֶרֶכְיָה, בֶן אָסָא, בֶּן אֶלְקָנָה, הַיּוֹשֵׁב בְּחַצְרֵינְטוֹפָתִי.
(יז) וְהַשֹּׁעֲרִים, שַׁלּוּם, וְעַקּוּב, וְטַלְמֹן, וַאֲחִימָן. וַאֲחִיהֶם, שַׁלּוּם הָרֹאשׁ.
(יח) וְעַד הֵנָּה – ומשפחות השוערים הללו היו עד עתה, כלומר מזמן דוד המלך ועד חורבן הבית הראשון, שוערים בְּשַׁעַר הַמֶּלֶךְ שבהר הבית מִזְרָחָה, הֵמָּה הַשֹּׁעֲרִים לְמַחֲנוֹת בְּנֵי לֵוִי,ולכן גם בניהם אחריהם ירשו מהם תפקיד זה.
(יט) וְשַׁלּוּם בֶּן קוֹרֵא, בֶּן אֶבְיָסָף, בֶּן קֹרַח, וְאֶחָיו לְבֵית אָבִיו הַקָּרְחִים, היו ממונים כבר בזמן דוד המלך עַל מְלֶאכֶת הָעֲבוֹדָה, שֹׁמְרֵי הַסִּפִּים לָאֹהֶל – לאהל המשכן שהיה בזמן דוד, קודם שנבנה בית המקדש על ידי שלמה המלך, וַאֲבֹתֵיהֶם, בני קהת, היו ממונים עַל מַחֲנֵה יְהֹוָה,על הארון וכלי ההיכל, שֹׁמְרֵי הַמָּבוֹא.
(כ) וּפִינְחָס בֶּן אֶלְעָזָר, נָגִיד הָיָה עֲלֵיהֶם לְפָנִים בשעה שנכנסו ישראל לארץ, יְהֹוָה עִמּוֹ, וכמו שנאמר 'הנני נותן לו את בריתי שלום'.
