שיעור 49, ספר יהושע, פרק כא, כז-מג

כז וְלִבְנֵ֣י גֵֽרְשׁוֹן֮ מִמִּשְׁפְּחֹ֣ת הַלְוִיִּם֒ מֵֽחֲצִ֞י מַטֵּ֣ה מְנַשֶּׁ֗ה אֶת־עִיר֙ מִקְלַ֣ט הָֽרֹצֵ֔חַ אֶת־גּוֹלָ֤ן בַּבָּשָׁן֙ וְאֶת־מִגְרָשֶׁ֔הָ וְאֶת־בְּעֶשְׁתְּרָ֖ה וְאֶת־מִגְרָשֶׁ֑הָ עָרִ֖ים שְׁתָּֽיִם׃ כח וּמִמַּטֵּ֣ה יִשָּׂשכָ֔ר אֶת־קִשְׁי֖וֹן וְאֶת־מִגְרָשֶׁ֑הָ אֶת־דָּֽבְרַ֖ת וְאֶת־מִגְרָשֶֽׁהָ׃ כט אֶת־יַרְמוּת֙ וְאֶת־מִגְרָשֶׁ֔הָ אֶת־עֵ֥ין גַּנִּ֖ים וְאֶת־מִגְרָשֶׁ֑הָ עָרִ֖ים אַרְבַּֽע׃ ל וּמִמַּטֵּ֣ה אָשֵׁ֔ר אֶת־מִשְׁאָ֖ל וְאֶת־מִגְרָשֶׁ֑הָ אֶת־עַבְדּ֖וֹן וְאֶת־מִגְרָשֶֽׁהָ׃ לא אֶת־חֶלְקָת֙ וְאֶת־מִגְרָשֶׁ֔הָ וְאֶת־רְחֹ֖ב וְאֶת־מִגְרָשֶׁ֑הָ עָרִ֖ים אַרְבַּֽע׃ לב וּמִמַּטֵּ֨ה נַפְתָּלִ֜י אֶת־עִ֣יר ׀ מִקְלַ֣ט הָֽרֹצֵ֗חַ אֶת־קֶ֨דֶשׁ בַּגָּלִ֤יל וְאֶת־מִגְרָשֶׁ֨הָ֙ וְאֶת־חַמֹּ֥ת דֹּאר֙ וְאֶת־מִגְרָשֶׁ֔הָ וְאֶת־קַרְתָּ֖ן וְאֶת־מִגְרָשֶׁ֑הָ עָרִ֖ים שָׁלֹֽשׁ׃ לג כָּל־עָרֵ֥י הַגֵּֽרְשֻׁנִּ֖י לְמִשְׁפְּחֹתָ֑ם שְׁלֹשׁ־עֶשְׂרֵ֥ה עִ֖יר וּמִגְרְשֵׁיהֶֽן׃ לד וּלְמִשְׁפְּח֣וֹת בְּנֵֽי־מְרָרִי֮ הַלְוִיִּ֣ם הַנּֽוֹתָרִים֒ מֵאֵת֙ מַטֵּ֣ה זְבוּלֻ֔ן אֶֽת־יָקְנְעָ֖ם וְאֶת־מִגְרָשֶׁ֑הָ אֶת־קַרְתָּ֖ה וְאֶת־מִגְרָשֶֽׁהָ׃ לה אֶת־דִּמְנָה֙ וְאֶת־מִגְרָשֶׁ֔הָ אֶֽת־נַהֲלָ֖ל וְאֶת־מִגְרָשֶׁ֑הָ עָרִ֖ים אַרְבַּֽע׃ לו וּמִמַּטֵּה־גָ֗ד אֶת־עִיר֙ מִקְלַ֣ט הָֽרֹצֵ֔חַ אֶת־רָמֹ֥ת בַּגִּלְעָ֖ד וְאֶת־מִגְרָשֶׁ֑הָ וְאֶֽת־מַחֲנַ֖יִם וְאֶת־מִגְרָשֶֽׁהָ׃ לז אֶת־חֶשְׁבּוֹן֙ וְאֶת־מִגְרָשֶׁ֔הָ אֶת־יַעְזֵ֖ר וְאֶת־מִגְרָשֶׁ֑הָ כָּל־עָרִ֖ים אַרְבַּֽע׃ לח כָּל־הֶ֨עָרִ֜ים לִבְנֵ֤י מְרָרִי֙ לְמִשְׁפְּחֹתָ֔ם הַנּֽוֹתָרִ֖ים מִמִּשְׁפְּח֣וֹת הַלְוִיִּ֑ם וַֽיְהִי֙ גּֽוֹרָלָ֔ם עָרִ֖ים שְׁתֵּ֥ים עֶשְׂרֵֽה׃ לט כֹּ֚ל עָרֵ֣י הַלְוִיִּ֔ם בְּת֖וֹךְ אֲחֻזַּ֣ת בְּנֵֽי־יִשְׂרָאֵ֑ל עָרִ֛ים אַרְבָּעִ֥ים וּשְׁמֹנֶ֖ה וּמִגְרְשֵׁיהֶֽן׃ מ תִּֽהְיֶ֨ינָה֙ הֶֽעָרִ֣ים הָאֵ֔לֶּה עִ֣יר עִ֔יר וּמִגְרָשֶׁ֖יהָ סְבִֽיבֹתֶ֑יהָ כֵּ֖ן לְכָל־הֶֽעָרִ֥ים הָאֵֽלֶּה׃ מא וַיִּתֵּ֤ן ה֙' לְיִשְׂרָאֵ֔ל אֶ֨ת־כָּל־הָאָ֔רֶץ אֲשֶׁ֥ר נִשְׁבַּ֖ע לָתֵ֣ת לַֽאֲבוֹתָ֑ם וַיִּרָשׁ֖וּהָ וַיֵּ֥שְׁבוּ בָֽהּ׃ מב וַיָּ֨נַח ה֤' לָהֶם֙ מִסָּבִ֔יב כְּכֹ֥ל אֲשֶׁר־נִשְׁבַּ֖ע לַֽאֲבוֹתָ֑ם וְלֹא־עָ֨מַד אִ֤ישׁ בִּפְנֵיהֶם֙ מִכָּל־אֹ֣יְבֵיהֶ֔ם אֵ֚ת כָּל־אֹ֣יְבֵיהֶ֔ם נָתַ֥ן ה֖' בְּיָדָֽם׃ מג לֹֽא־נָפַ֣ל דָּבָ֔ר מִכֹּל֙ הַדָּבָ֣ר הַטּ֔וֹב אֲשֶׁר־דִּבֶּ֥ר ה֖' אֶל־בֵּ֣ית יִשְׂרָאֵ֑ל הַכֹּ֖ל בָּֽא׃

֍           ֍            ֍

(כז) וְלִבְנֵי גֵרְשׁוֹן מִמִּשְׁפְּחֹת הַלְוִיִּם מֵחֲצִי מַטֵּה מְנַשֶּׁה אשר מעבר לירדן מזרחה, נתנו אֶת עִיר מִקְלַט הָרֹצֵחַ, אֶת גּוֹלָן בַּבָּשָׁן וְאֶת מִגְרָשֶׁהָ, וְאֶת בְּעֶשְׁתְּרָה וְאֶת מִגְרָשֶׁהָ, עָרִים שְׁתָּיִם׃

(כח) וּמִמַּטֵּה יִשָּׂשכָר נתנו לבני גרשון אֶת קִשְׁיוֹן וְאֶת מִגְרָשֶׁהָ, אֶת דָּבְרַת וְאֶת מִגְרָשֶׁהָ׃ (כט) אֶת יַרְמוּת וְאֶת מִגְרָשֶׁהָ, אֶת עֵין גַּנִּים וְאֶת מִגְרָשֶׁהָ, עָרִים אַרְבַּע׃

(ל) וּמִמַּטֵּה אָשֵׁר, אֶת מִשְׁאָל וְאֶת מִגְרָשֶׁהָ, אֶת עַבְדּוֹן וְאֶת מִגְרָשֶׁהָ׃ (לא) אֶת חֶלְקָת וְאֶת מִגְרָשֶׁהָ, וְאֶת רְחֹב וְאֶת מִגְרָשֶׁהָ, עָרִים אַרְבַּע׃ (לב) וּמִמַּטֵּה נַפְתָּלִי, אֶת עִיר מִקְלַט הָרֹצֵחַ, אֶת קֶדֶשׁ בַּגָּלִיל וְאֶת מִגְרָשֶׁהָ, וְאֶת חַמֹּת דֹּאר וְאֶת מִגְרָשֶׁהָ, וְאֶת קַרְתָּן וְאֶת מִגְרָשֶׁהָ, עָרִים שָׁלֹשׁ׃ (לג) כָּל עָרֵי הַגֵּרְשֻׁנִּי [-משפחות בני גרשון] לְמִשְׁפְּחֹתָם, שְׁלֹשׁ עֶשְׂרֵה עִיר וּמִגְרְשֵׁיהֶן׃

(לד) וּלְמִשְׁפְּחוֹת בְּנֵי מְרָרִי הַלְוִיִּם הַנּוֹתָרִים [-שהיו פחותים בחשיבותם משאר משפחות הלויים], מֵאֵת מַטֵּה זְבוּלֻן, אֶת יָקְנְעָם וְאֶת מִגְרָשֶׁהָ, אֶת קַרְתָּה וְאֶת מִגְרָשֶׁהָ׃ (לה) אֶת דִּמְנָה וְאֶת מִגְרָשֶׁהָ, אֶת נַהֲלָל וְאֶת מִגְרָשֶׁהָ, עָרִים אַרְבַּע׃ (לו) וּמִמַּטֵּה גָד אשר מעבר לירדן מזרחה, אֶת עִיר מִקְלַט הָרֹצֵחַ, אֶת רָמֹת בַּגִּלְעָד וְאֶת מִגְרָשֶׁהָ, וְאֶת מַחֲנַיִם וְאֶת מִגְרָשֶׁהָ׃ (לז) אֶת חֶשְׁבּוֹן וְאֶת מִגְרָשֶׁהָ, אֶת יַעְזֵר וְאֶת מִגְרָשֶׁהָ, כָּל עָרִים אַרְבַּע׃

(לח) כָּל הֶעָרִים לִבְנֵי מְרָרִי לְמִשְׁפְּחֹתָם, הַנּוֹתָרִים מִמִּשְׁפְּחוֹת הַלְוִיִּם – שנשארו אחרונים ממשפחות הלויים, ולכן לא היה צורך לערוך עבורם גורל מיוחד, אלא קיבלו את כל הערים הנותרות, וַיְהִי גּוֹרָלָם – עלו בחלקם עָרִים שְׁתֵּים עֶשְׂרֵה׃

(לט) כֹּל עָרֵי הַלְוִיִּם בְּתוֹךְ אֲחֻזַּת בְּנֵי יִשְׂרָאֵל, עָרִים אַרְבָּעִים וּשְׁמֹנֶה וּמִגְרְשֵׁיהֶן:

(מ) תִּהְיֶינָה ללויים הֶעָרִים הָאֵלֶּה, עִיר עִיר וּמִגְרָשֶׁיהָ סְבִיבֹתֶיהָ, כֵּן לְכָל הֶעָרִים הָאֵלֶּה׃

(מא) עתה מפרט הכתוב כיצד התקיימו בישראל שבעה דברים, א. וַיִּתֵּן ה' לְיִשְׂרָאֵל אֶת כָּל הָאָרֶץ אֲשֶׁר נִשְׁבַּע לָתֵת לַאֲבוֹתָם, ב. וַיִּרָשׁוּהָ – גרשו את האויבים וכבשוה, באותם שבע שנים של מלחמות, ג. וַיֵּשְׁבוּ בָהּ בשבע השנים שחילקו, שכל אחד החזיק בתחומו.

(מב) ד. וַיָּנַח ה' לָהֶם מִסָּבִיב, שפסקה מהם מלחמת האויבים, כְּכֹל אֲשֶׁר נִשְׁבַּע לַאֲבוֹתָם, ה. וְלֹא עָמַד אִישׁ בִּפְנֵיהֶם מִכָּל אֹיְבֵיהֶם – גם בשעה שנלחמו בהם, לא ניצח אותם שום אויב, אלא כולם נפלו לפניהם, ו. אֵת כָּל אֹיְבֵיהֶם נָתַן ה' בְּיָדָם בדרך נס, ולא כדרך הטבע.

(מג) ז. גם שאר הטובות וההצלחות שהבטיח להם ה' התקיימו, ולֹא נָפַל דָּבָר מִכֹּל הַדָּבָר הַטּוֹב אֲשֶׁר דִּבֶּר ה' אֶל בֵּית יִשְׂרָאֵל, הַכֹּל בָּא׃